ທະນາຄານອຸດສາຫະກຳ ແລະ ການຄ້າຈີນ ມອບອຸປະກອນການແພດໃຫ້ລັດຖະບານລາວ ເພື່ອຕ້ານ ໂຄວິດ-19

ໃນວັນທີ 8 ເມສາ ນີ້, ທະນາຄານອຸດສາຫະກຳ ແລະ ການຄ້າຈີນ ຈຳກັດ (ທະນາຄານໄອຊີບີຊີ) ໄດ້ດຳເນີນຈັດຊື້ອຸປະກອນການແພດຢ່າງຮີບດ່ວນ ແລະ ຂົນສົ່ງທາງໄກ ເພື່ອມອບໃຫ້ກະຊວງສາທາລະນະສຸກ ມີຜ້າອັດປາກ ແລະ ເຄື່ອງກວດເຊື້ອໂຄວິດ-19 ລວມມູນຄ່າ 120.000 ໂດລາສະຫະລັດ, ຊຶ່ງມອບໂດຍທ່ານ ຊຸນເຟີງ ເຫວີຍ ຜູ້ອຳນວຍການທະນາຄານ ໄອຊີບີຊີ ແລະ ຮັບໂດຍ ທ່ານ ບຸນກອງ ສີຫາວົງ ລັດຖະມົນຕີກະຊວງ ສາທາລະນະສຸກ.

     ໃນໂອກາດນີ້, ທ່ານ ລັດຖະມົນຕີ ກະຊວງສາທາລະນະສຸກກໍໄດ້ກ່າວສະແດງຄວາມຂອບໃຈ ທີ່ທະທະນາຄານໄດ້ໃຫ້ການຊ່ວຍເຫລືອຕໍ່ວຽກງານສະກັດກັ້ນເຊື້ອພະຍາດນີ້ແກ່ລາວ, ຊຶ່ງອຸປະກອນດັ່ງກ່າວນີ້ ກໍຂາດແຄນ ສະນັ້ນ ການມອບເຄື່ອງຊ່ວຍເຫລືອຄັ້ງນີ້ ແມ່ນຈະຊ່ວຍໃຫ້ວຽກງານຄວບຄຸມ ແລະ ສະກັດກັ້ນເຊື້ອໂຄວິດ-19 ຢູ່ ລາວ ມີປະສິດທິພາບຂື້ນ.