ຜູ້ຕິດເຊື້ອໂຄວິດທົ່ວໂລກເພີ່ມທະລຸ 1,6 ລ້ານຄົນ

     ຈາກການກວດສອບຂໍ້ມູນຫລ້າສຸດຈາກ Center for Systems Science and Engineering (CSSE) ຂອງມະຫາວິທະຍາໄລຈອນ ຮອບກິນ ໃນວັນທີ 10 ເມສາ 2020 ພົບວ່າ: ຈຳນວນຜູ້ຕິດເຊື້ອໂຄວິດ-19 ທົ່ວໂລກ ມີ 1.604.500 ຄົນ, ສ່ວນຈຳນວນຜູ້ເສຍຊີວິດຈາກໄວຣັສໂຄໂຣນາສາຍພັນໃໝ່ (ໂຄວິດ-19) ທົ່ວໂລກມີ 95.732 ຄົນ ແລະ ປິ່ນປົວຫາຍ 356.656 ຄົນ.

     ຂໍ້ມູນຂອງ ຈອນ ຮອບກິນ ລະບຸວ່າ: ອາເມລິກາມີຜູ້ຕິດເຊື້ອໂຄວິດ-19 ຫລາຍທີ່ສຸດ ມີຜູ້ຕິດເຊື້ອ 456.828 ຄົນ, ອັນດັບ 2 ແອັດສະປາຍ 152.446 ຄົນ, ອັນດັບ 3 ອິຕາລີ 143.626 ຄົນ, ອັນດັບ 4 ຝຣັ່ງ 118.781 ຄົນ, ອັນດັບ 5 ເຢຍລະມັນ 116.801 ຄົນ, ອັນດັບ 6 ຈີນ 82.883 ຄົນ, ອັນດັບ 7 ອີຣານ 66.220 ຄົນ, ອັນດັບ 8 ອັງກິດ 65.863 ຄົນ, ອັນດັບ 9 ຕວກກີ 42.282 ຄົນ ແລະ ອັນດັບ 10 ແບນຊິກ 24.983 ຄົນ.