Waymo ເລີ່ມພັດທະນາລົດບັນທຸກຂົນສົ່ງຂັບເອງໂດຍອັດຕະໂນມັດ

- advert banner 728 90 728x90 - Waymo ເລີ່ມພັດທະນາລົດບັນທຸກຂົນສົ່ງຂັບເອງໂດຍອັດຕະໂນມັດ

ພາຍຫຼັງເດືອນເມສາຜ່ານມາ, Waymo ບໍລິສັດລູກຂອງ  Alphabet (ບໍລິສັດແມ່ຂອງ Google) ເລີ່ມທົດລອງໃຫ້ບໍລິການລົດຍົນບໍ່ມີຄົນຂັບສາທາລະນະເປັນ​ເທື່ອທໍາອິດ ຢູ່ເມືອງຟີນິກ ລັດແອຣິໂຊນາ ສະຫະລັດອາເມລິກາ ກ້າວຕໍ່ໄປຂອງລົດຍົນບໍ່ມີຄົນຂັບ ຫຼື ຂັບເອງໄດ້ ຈະເປັນຮູບແບບຂອງລົດບັນທຸກສໍາລັບການຂົນສົ່ງ.

Waymo ເປີດເຜີຍວ່າ: ພາຍຫຼັງທີ່ໃຊ້ເວລາມາດົນກວ່າ 8 ປີ ໃນການພັດທະນາ ແລະ ທົດລອງປະສົບການຂອງການໃຊ້ເຕັກໂນໂລຊີລົດຍົນຂັບເອງໄດ້ໂດຍອັດຕະໂນມັດ ກ້າວຕໍ່ໄປຂອງຮູບແບບລົດຍົນທີ່ຮັບຮອງເຕັກໂນໂລຊີດັ່ງກ່າວຈະຢູ່ໃນປະເພດລົດບັນທຸກ ​ເຊິ່ງເວລານີ້ກໍາລັງຢູ່ໃນລະຫວ່າງການທົດລອງຮາດແວຣ ແລະ ຊອບແວຣ, ພ້ອມທັງຄິດຄົ້ນເຕັກນິກຕ່າງໆ ເພື່ອຫາຈຸດທີ່ລົງຕົວ ເພື່ອໃຫ້ລົດບັນທຸກສາມາດຂັບເຄື່ອນໄດ້ອັດຕະໂນມັດ.

ເປົ້າໝາຍຂອງລົດບັນທຸກທີ່ຂັບເຄື່ອນເອງອັດຕະໂນມັດ ຈະສາມາດໃຊ້ໃນດ້ານການຂົນສົ່ງສິນຄ້າ ແລະ ໃຊ້ໃນວຽກງານຂົນສົ່ງຜູ້​ໂດຍສານແບບສາທາລະນະໄດ້ ​ເຊິ່ງຂໍ້ມູນເພີ່ມຕື່ມເປີດເຜີຍວ່າ: ປັດຈຸບັນ Waymo ເລີ່ມທົດລອງເບື້ອງຕົ້ນຕາມຖະໜົນ ເປັນການທົດລອງເພື່ອຮວບຮວມຂໍ້ມູນດ້ານຕ່າງໆ ກ່ອນນໍາພັດທະນາຕໍ່ຍອດໃຫ້ມີຄວາມສົມບູນ ​ເຊິ່ງຄາດວ່າລົດບັນທຸກຂັັບເຄື່ອນເອງອັດຕະໂນມັດຈະພ້ອມໃຫ້ບໍລິການແທ້ຈະໃຊ້ເວລາອີກຫຼາຍປີ.

- 1 1 - Waymo ເລີ່ມພັດທະນາລົດບັນທຸກຂົນສົ່ງຂັບເອງໂດຍອັດຕະໂນມັດ
- Tiger Head 728x90 - Waymo ເລີ່ມພັດທະນາລົດບັນທຸກຂົນສົ່ງຂັບເອງໂດຍອັດຕະໂນມັດ

 

error: Content is protected !!