ປັບປຸງຄະນະບໍລິຫານງານສະຫະພັນເທຄວັນໂດແຫ່ງຊາດ ຊຸດໃໝ່

ປັບປຸງຄະນະບໍລິຫານງານສະຫະພັນເທຄວັນໂດແຫ່ງຊາດ ຊຸດໃໝ່ -                    - ປັບປຸງຄະນະບໍລິຫານງານສະຫະພັນເທຄວັນໂດແຫ່ງຊາດ ຊຸດໃໝ່
ປັບປຸງຄະນະບໍລິຫານງານສະຫະພັນເທຄວັນໂດແຫ່ງຊາດ ຊຸດໃໝ່ - AGL banner - ປັບປຸງຄະນະບໍລິຫານງານສະຫະພັນເທຄວັນໂດແຫ່ງຊາດ ຊຸດໃໝ່

ພາຍຫຼັງທີ່ໄດ້ມີພິທີຜ່ານຂໍ້ຕົກລົງວ່າດ້ວຍການປະກາດແຕ່ງຕັ້ງຄະນະບໍລິຫານງານສະຫະພັນເທຄວັນໂດແຫ່ງຊາດລາວ ຊຸດໃໝ່ ມາແຕ່ປີ 2018 (2018-2020) ນັບມາຮອດປັດຈຸບັນສະຫະພັນດັ່ງກ່າວ ກໍໄດ້ມີພິທີປະກາດປັບປຸງກົນຈັກການຈັດຕັ້ງຄືນໃໝ່ ຢ່າງເປັນທາງການ ໂດຍແມ່ນທ່ານ ອາດສະພັງທອງ ສີພັນດອນ ຮອງເຈົ້າຄອງນະຄອນຫຼວງ  ຍັງຄົງດຳເນີນຕຳແໜ່ງເປັນປະທານສະຫະພັນກິລາເທຄວັນໂດແຫ່ງຊາດລາວ ຄືເກົ່າ ແລະ ປັບຄະນະບໍລິຫານງານຈຳນວນໜຶ່ງ ເພື່ອແນໃສ່ກຽມຄວາມພ້ອມສົ່ງເສີມການພັດທະນາວົງການກິລາເທຄວັນໂດລາວ ນັບມື້ເຕີບໃຫຍ່ຂະຫຍາຍຕົວໃນວົງກວ້າງ ສາມາດສ້າງນັກກິລາໃຫ້ມີຄຸນະພາບ ກຽມສົ່ງເຂົ້າຮ່ວມລ່າຫຼຍນຄຳ ງານມະຫະກຳກິລາຊີເກມ ຄັ້ງທີ 31 ທີ່ ສສ ຫວຽດນາມ ເປັນເຈົ້າພາບ ໃນປີ 2021ນີ້.

ເມື່ອວັນທີ 23 ມິຖຸນາ ຜ່ານມາ ທີ່ຮ້ານອາຫານ ລອງລູມ ເມືອງສີໂຄດຕະບອງ ນະຄອນຫຼວງວຽງຈັນ ໄດ້ມີພິທີປະກາດປັບປຸງກົນຈັກການຈັດຕັ້ງ ສະຫະພັນເທຄວັນໂດແຫ່ງຊາດລາວ ຢ່າງເປັນທາງການ ໂດຍໃຫ້ກຽດເຂົ້າຮ່ວມ ແລະ ເປັນສັກຂີພິຍານຂອງທ່ານ ນາງ ແສງເດືອນ ຫຼ້າຈັນທະບູນ ລັດຖະມົນຕີ ກະຊວງສຶກສາທິການ ແລະ ກິລາ (ສສກ) ທັງເປັນປະທານຄະນະກຳມະການໂອແລມປີກແຫ່ງຊາດລາວ ຫຼື ຄອລ, ມີທ່ານ ອາດສະພັງທອງ ສີພັນດອນ ຮອງເຈົ້າຄອງນະຄອນຫຼວງວຽງຈັນ ທັງເປັນປະທານສະຫະພັນເທຄວັນໂດແຫ່ງຊາດ, ທ່ານ ສົມພູ ພົງສາ ຜູ້ຊ່ວຍລັດຖະມົນຕີ ກະຊວງ ສສກ ແລະ ທັງເປັນຮອງປະທານ ຄອລ, ທ່ານ ແສງພອນ ພົນອາມາດ ຫົວໜ້າກົມກິລາລະດັບສູງ ແລະ ທື່ານ ວຽງແກ້ວ ພົມມະວົງ ຫົວໜ້າກົມຈັດຕັ້ງ ແລະ ພະນັກງານ ພ້ອມດ້ວຍຄະນະບໍລິຫານງານສະຫະພັນ, ພະນັກງານທີ່ກ່ຽວຂ້ອງ ຕະຫຼອດຮອດສື່ມວນຊົນບາງພາກສ່ວນເຂົ້າຮ່ວມ.

ປັບປຸງຄະນະບໍລິຫານງານສະຫະພັນເທຄວັນໂດແຫ່ງຊາດ ຊຸດໃໝ່ -           - ປັບປຸງຄະນະບໍລິຫານງານສະຫະພັນເທຄວັນໂດແຫ່ງຊາດ ຊຸດໃໝ່

ໂອກາດນີ້, ທ່ານ ນາງ ແສງເດືອນ ຫຼ້າຈັນທະບູນ ກໍໄດ້ສະແດງຄວາມຍ້ອງຍໍຊົມເຊີຍມາຍັງປະທານ ພ້ອມດ້ວຍຄະນະບໍລິຫານງານສະຫະພັນເທຄວັນໂດແຫ່ງຊາດ ຕະຫຼອດໄລຍະການຈັດຕັ້ງປະຕິບັດວຽງການ 2 ປີ ຜ່ານມາ ສາມາດສ້າງຜົນສຳເລັດ ແລະ ຜົນງານດີເດັ່ນເປັນກຽດສັກສີມາສູ່ປະເທດຊາດ ຢ່າງຫຼວງຫຼາຍ ໂດຍສະເພາະໃນງານມະຫະກຳກິລາຊີເກມ ຄັ້ງທີ 30 ທີ່ປະເທດຟິລິບປິນ ເມື່ອທ້າຍປີ 2019 ກໍສາມາດຍາດໄດ້ ຫຼຽນເງິນ ແລະ ຫຼຽນທອງ ໃຫ້ທັບນັກກິລາລາວ. ເຖິງຢ່າງໃດກໍດີ, ອີງຕາມການຊີ້ນຳຂອງທາວລັດຖະບານ ກໍຄື ການປືກສາຫາລືຂອງຄະນະນຳກະຊວງ ສສກ ເພື່ອປັບປຸງບັນດາຄະນະບໍລິຫານງານສະຫະພັນກິລາແຫ່ງຊາດຄືນໃໝ່ ໂດຍສະເພາະກິລາເທຄວັນໂດ ເພື່ອເຮັດແນວໃດໃຫ້ວົງການກິລາລາວ ກ້າວສູ່ຄຸນະພາບໃໝ່ ແນໃສ່ສົ່ງເສີມການພັດທະນານັກກິລາລາວໃຫ້ດີຂຶ້ນກວ່າເກົ່າ ພ້ອມທັງດຶງເອົາສັງຄົມໄດ້ມີສ່ວນຮ່ວມ. ແນວໃດກໍຕາມ, ຍັງເຊື່ອໝັ້ນວ່າໃນຄະນະບໍລິຫານງານສະຫະພັນກິລາຊຸດນີ້ ຫຼາຍທ່ານລ້ວນແລ້ວແຕ່ມີບົດບາດສຳຄັນຂອງຊາດ ທີ່ມາຈາກພາກລັດ, ທຸລະກິດ ແລະ ທະຫານ-ຕຳຫຼວດ ມີຄວາມໜຸ່ມແໜ້ນ ແລະ ມີແນວຄິດປັນຍາທີ່ດີ ເຊິ່ງເປັນກຳລັງທ່າແຮງທີ່ຈະຊ່ວຍສົ່ງເສີມການພັດທະນາວົງການກິລາເທຄວັນໂດລາວມີຄວາມເຕີບໃຫຍ່ເຂັ້ມແຂງສາມາດເຊື່ອມໂຍ່ງກັບບັນດາປະເທດອາຊຽນ, ອາຊີ ແລະ ສາກົນ ເພື່ອຍາດແຍ່ງເອົາການຊ່ວຍເຫຼືອ, ປລກປ່ຽນບົດຮຽນ ແລະ ປະສົບການ ຢ່າງມີໝາກຜົນສຳເລັດໃຫ້ແກ່ປະເທດຊາດ ຫວັງວ່າສະຫະພັນເທຄວັນໂດລາວ ຈະເປັນຄວາມຫວັງໃຫ້ແກ່ກະຊວງ ສສກ ກໍຄື ຂອງລັດຖະບານ ທີ່ຈະນຳເອົາຫຼຽນຄຳຈາກສາກົນ ສ້າງກຽດສັກສີມາສູ່ປະເທດຊາດ.​

ປັບປຸງຄະນະບໍລິຫານງານສະຫະພັນເທຄວັນໂດແຫ່ງຊາດ ຊຸດໃໝ່ -                 - ປັບປຸງຄະນະບໍລິຫານງານສະຫະພັນເທຄວັນໂດແຫ່ງຊາດ ຊຸດໃໝ່

ປັບປຸງຄະນະບໍລິຫານງານສະຫະພັນເທຄວັນໂດແຫ່ງຊາດ ຊຸດໃໝ່ - Wave100S AD to Website 2020 0 - ປັບປຸງຄະນະບໍລິຫານງານສະຫະພັນເທຄວັນໂດແຫ່ງຊາດ ຊຸດໃໝ່

ຂະນະດຽວກັນ, ທ່ານ ອາດສະພັງທອງ ສີພັນດອນ ກໍໄດ້ສະແດງຄວາມຂອບໃຈເປັນຢ່າງສູງມາຍັງທ່ານລັດຖະມົນຕີ ກະຊວງ ສສກ ທີ່ໄດ້ໃຫ້ກຽດ, ໃຫ້ຄວາມອົບອຸ່ນ ແລະ ໄວ້ວາງໃຈໃຫ້ໄດ້ສືບຕໍ່ຮັບໜ້າທີ່ທີ່ມີກຽດ ພ້ອມທັງຊີ້ທິດເຢື່ອງທາງ ເຮັດໃຫ້ການເຄື່ອນໄຫວໃນໄລຍະທີ່ຜ່ານມາປະສົບຜົນສຳເລັດຢ່າງໜ້າພາກພູມໃຈ ຄືບັນດາທ່າຮູ້ກັນແລ້ວວ່າ ສະຫະພັນເທຄວັນໂດລາວ ແມ່ນອົງການຈັດຕັ້ງຂອງສັງຄົມໜຶ່ງ ທີ່ໄດ້ຮັບການແຕ່ງຕັ້ງຈາກກະຊວງ ສສກ ເຊິ່ງມີບົດບາດໃນການສົ່ງເສີມພັດທະນາກິລາດັ່ງກ່າວ ມີທັກສະໃນດ້ານການປ້ອງກັນຕົວ, ສ້າງສຸຂະພາບພາລານາໄມທີ່ດີ ກໍຄື ການສ້າງໂອກາດໃຫ້ອານຸຊົນ, ເຍົາວະຊົນ ແລະ ໄວໜຸ່ມຫ່າງໄກປະກົດການຫຍໍ້ທໍ້ ຢາເສບຕິດທີ່ກຳລັງຄຸຄາມສັງຄົມປັດຈຸບັນ ພ້ອມນີ້ ພວກເຮົາກໍຍັງໄດ້ໜ້າທີ່ບົດບາດສຳຄັນໃນການປະກອບສ່ວນສ້າງສາພັດທະນາປະເທດຊາດໃນການພັດທະນາກິລາລາວ ກໍຄື ເສດຖະກິດ-ສັງຄົມຂອງຊາດ ມີຄວາມເຂັ້ມແຂງເຕີບໃຫຍ່ ເປັນກ້າວໆ ອີງໃສ່ຄວາມຮຽກຮ້ອງຕ້ອງການຕົວຈິງ ເພື່ອຮັບປະກັນໃນການເຄື່ອນໄຫວສົ່ງເສີມການພັດທະນາກິລາເທຄວັນໂດຢ່າງມີຄວາມຍືນຍົງສາມາດສ້າງຜົນງານໃຫ້ແກ່ປະເທດຊາດ. ດັ່ງນັ້ນ, ສະຫະພັນເທຄວັນໂດແຫ່ງຊາດຊຸດໃໝ່ນີ້ ຈະພ້ອມກັນເພີ່ມທະວີຄວາມເອົາໃຈໃສ່ປັບປຸງແກ້ໄຂໂດຍສະເພາະໜ້າວຽກຈຸດເດັ່ນຕົ້ນຕໍແມ່ນການສ້າງແຜນຍຸດທະສາດການພັດທະນາກິລາເທຄວັນໂດໃຫ້ເປັນລະບົບຢ່າງຕໍ່ເນື່ອງທັງໄລຍະສັ້ນ ແລະ ໄລຍະຍາວຄາດວ່າຈະເລີ່ມຕົ້ນຈາກປີ 2020-2025 ເປັນຕົ້ນໄປ, ປັບປຸງຕຳແໜ່ງງານພາຍໃນສະຫະພັນໃຫ້ແທດເໝາະຕົວຈິງ, ປັບປຸງລະບົບການບໍລິການ, ລະບົບຫ້ອງການ ແລະ ລະບົບການລາຍງານການເຄື່ອນໄຫວຢ່າງລະອຽດໃນແຕ່ລະໄຕມາດ ກໍຄື ປະຈຳປີ, ການຊຸກຍູ້ຕິດຕາມ ແລະ ກວດກາການປະຕິບັດແຜນພັດທະນາສອດຄ່ອງກັບສະພາບຕົວໃນແຕ່ລະໄລຍະຮ່ວມກັບບັນດາໂມສອນພາຍໃນຂອບເຂດ ແລະ ທົ່ວປະເທດ, ຈະສ້າງພັດທະນາກິລາເທຄວັນໂດລາວໃຫ້ມີຄຸນະພາບໃໝ່ ຈະຕ້ອງຄຽງຄູ່ກັບການສ້າງບຸກຄະລາກອນທາງຄູຝຶກ ແລະ ປັດໄຈສຳຄັນແມ່ນຈະເລັ່ງໃສ່ໃນການສ້າງຕັ້ງກອງທຶນເພື່ອຮັບປະກັນໃຫ້ແກ່ການເຄື່ອນໄຫວເພື່ອເປັນທຶນສົມທົບກັບລັດທີ່ໄດ້ຮັບຈັດສັນໃນແຕ່ໄລຍະ ທັງໝົດເຫຼົ່ານັ້ນ ກໍເປັນວຽກງານຈຸດສຸມສະຫະພັນພວກເຮົາຈະໄດ້ສືບຕໍ່ຈັດຕັ້ງປະຕິບັດໃນແຕ່ລະສົກປີ ກໍຄື ການພັດທະນາແຕ່ນີ້ຫາປີ 2025 ແລະ ສະຫະພັນຊຸດໃໝ່ຈະໄດ້ພ້ອມພຽງກັນຄົ້ນຄວ້າ ແລະ ກຳນົດທິດທາງແຜນການໃຫ້ສຳເລັດໄປຕາມເປົ້າໝາຍທີ່ວາງໄວ້ ສະນັ້ນ ໃນໂອກາດອັນສະຫງ່າລາສີນີ້ ຂໍໃຫ້ເຊື່ອໝັ້ນວ່າໃນນາມປະທານສະຫະພັນເທຄວັນໂດແຫ່ງຊາດ ຂໍຢັ້ງຢືນວ່າພວກເຮົາຈະສຸມທຸກກຳລັງເຫື່ອແຮງຄວາມຮູ້ຄວາມສາມາດເຂົ້າໃນການພັດທະນາກິລາເທຄວັນໂດໃຫ້ມີທ່າກ້າວທີ່ພົ້ນເດັ່ນກວ່າເກົ່າ ແລະ ຈະພະຍາຍາມເຮັດໃຫ້ສຳເລັດໃນວຽກງານແຕ່ລະເປົ້າໝາຍດັ່ງທີ່ໄດ້ກຳນົດມານັ້ນ.

ຄະນະບໍລິຫານງານສະຫະພັນເທຄວັນໂດແຫ່ງຊາດລາວ ຊຸດປັບປຸງໃໝ່ ໃນຄັ້ງນີ້ ທ່ານ ອາດສະພັງທອງ ສີພັນດອນ ຮອງເຈົ້າຄອງນະຄອນຫຼວງ ເປັນປະທານ ສຳລັບທ່ານ ອຸໄດ ສຸວັນມະລີ, ທ່ານ ທະນຸສັກ ຍົມມະຈັກ ແລະ ທ່ານ ສີວັນນະກອນ ມະລີວັນ ເປັນຮອງປະທານ ສ່ວນທ່ານ ຈັນທະວົງ ປັນຍາສິລິ ເປັນເລຂາທິການ ນອກນັ້ນ ກໍຍັງມີອີກ 10 ທ່ານ ເປັນຄະນະບໍລິຫານງານສະຫະພັນ.

(ຂໍ້ມູນຂ່າວໂດຍ: ສົງການ ພັນແພງດີ,ໜັງສືພິມສຶກສາ ແລະ ກິລາ ລາຍວັນ)

ປັບປຸງຄະນະບໍລິຫານງານສະຫະພັນເທຄວັນໂດແຫ່ງຊາດ ຊຸດໃໝ່ - WhatsApp Image 2020 05 27 at 5 - ປັບປຸງຄະນະບໍລິຫານງານສະຫະພັນເທຄວັນໂດແຫ່ງຊາດ ຊຸດໃໝ່
ປັບປຸງຄະນະບໍລິຫານງານສະຫະພັນເທຄວັນໂດແຫ່ງຊາດ ຊຸດໃໝ່ - WhatsApp Image 2020 05 27 at 5 - ປັບປຸງຄະນະບໍລິຫານງານສະຫະພັນເທຄວັນໂດແຫ່ງຊາດ ຊຸດໃໝ່
ປັບປຸງຄະນະບໍລິຫານງານສະຫະພັນເທຄວັນໂດແຫ່ງຊາດ ຊຸດໃໝ່ - WhatsApp Image 2020 05 27 at 5 - ປັບປຸງຄະນະບໍລິຫານງານສະຫະພັນເທຄວັນໂດແຫ່ງຊາດ ຊຸດໃໝ່
ປັບປຸງຄະນະບໍລິຫານງານສະຫະພັນເທຄວັນໂດແຫ່ງຊາດ ຊຸດໃໝ່ - WhatsApp Image 2020 05 27 at 5 - ປັບປຸງຄະນະບໍລິຫານງານສະຫະພັນເທຄວັນໂດແຫ່ງຊາດ ຊຸດໃໝ່
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: Content is protected !!