ນະວັດຕະກໍາເພື່ອໂລກກັບຈັກຊັກເຄື່ອງເວົ້າໄດ້ ທີ່ສ້າງໂດຍໄວລຸ້ນອາຍຸ 14 ປີ

- AGL banner - ນະວັດຕະກໍາເພື່ອໂລກກັບຈັກຊັກເຄື່ອງເວົ້າໄດ້ ທີ່ສ້າງໂດຍໄວລຸ້ນອາຍຸ 14 ປີ

-                            2 - ນະວັດຕະກໍາເພື່ອໂລກກັບຈັກຊັກເຄື່ອງເວົ້າໄດ້ ທີ່ສ້າງໂດຍໄວລຸ້ນອາຍຸ 14 ປີ

 ເດັກນ້ອຍຊາຍອາຍຸ 14 ປີ ໄດ້ພິສູດແລ້ວວ່າເຕັກໂນໂລຊີຊ່ວຍແກ້​ໄຂບັນຫາໃຫ້​ແກ່​ທຸກ​ຄົນ​ທົ່ວໂລກຢ່າງໄດ້ຜົນ. Jack DuPlessis ເປັນເດັກໄວລຸ້ນຄົນໜຶ່ງ ທີ່ອາໄສຢູ່ເມືອງ Louisville  ລັດ Kentucky ລາວໄດ້ສ້າງອຸປະກອນອັດສະລິຍະທີ່ຊ່ວຍໃຫ້ຜູ້ທີ່ມີຄວາມບົກຜ່ອງທາງດ້ານການ​ເບິ່ງເຫັນ ສາມາດໃຊ້ງານຈັກຊັກເຄື່ອງໄດ້ຢ່າງບໍ່ມີບັນຫາ ດ້ວຍລະບົບການສົ່ງສຽງເວົ້າບອກຟັງຊັນການ​ເຮັດ​ວຽກຕ່າງໆຂອງຈັກຊັກເຄື່ອງ (ເບິ່ງລາຍລະອຽດຈາກຄິບ)  ​ເຊິ່ງ Jack ເອີ້ນອຸປະກອນນີ້ວ່າ Talking Laundry module ຫຼື ໂມດູລຈັກຊັກເຄື່ອງເວົ້າໄດ້ ແລະ ລາວເປັນຜູ້ຂຽນໂປຣແກຣມຂອງອຸປະກອນນີ້ເອງທັງໝົດ ​ເຊິ່ງໄອເດຍນີ້ໄດ້ມາຈາກພໍ່ຂອງລາວ ກໍຄື Sam DuPlessis ເປັນຫົວໜ້າທີມອອກແບບອຸປະກອນເຄື່ອງໃຊ້ໄຟຟ້າ GE.

ໂດຍ Sam DuPlessis ໄດ້ໃຫ້ຄວາມເຫັນວ່າ: ອຸປະກອນເຄື່ອງໃຊ້ໄຟຟ້າໃນທຸກວັນນີ້ ບໍ່ໄດ້ອອກແບບມາໃຫ້ເໝາະສໍາລັບຄົນທີ່ມີຄວາມບົກຜ່ອງທາງດ້ານການ​ເບິ່ງເຫັນ ຍົກຕົວຢ່າງເຊັ່ນ: ລູກບິດຂອງເຕົາໄມໂຄເວັບ ທີ່ອ່ານລະດັບອຸນຫະພູມໄດ້ຍາກ ແລະ ຕູ້ຊັກ​ເຄື່ອງທີ່ມີປຸ່ມກົດ ແລະຟັງຊັນຈໍານວນຫຼາຍ, ແຕ່ໂຊກດີທີ່​ໃນຕອນນີ້ Jack DuPlessis ມີທາງອອກສໍາລັບບັນຫານີ້ແລ້ວ. ເດັກໄວລຸ້ນຄົນນີ້ຮຽນຮູ້ກ່ຽວກັບການຂຽນໂປຣແກຣມດ້ວຍຕົວເອງ ແລະ ຂຽນໂປຣແກຣມດ້ວຍພາສາ JavaScript  ກວ່າ 1.000 ​ແຖວ  ສໍາລັບອຸປະກອນທີ່ສົ່ງສຽງເວົ້າ ບອກຟັງຊັນການ​ເຮັດ​ວຽກຕ່າງໆຂອງຈັກຊັກເຄື່ອງ ໂດຍເປັນການສົ່ງໂປຣແກຣມເຂົ້າໄປໃນແຜງວົງຈອນພິເສດ  (Appliance service diagnostics board) ໂດຍປົກກະຕິແລ້ວ ຊ່າງແປງຈະໃຊ້ແຜງວົງຈອນນີ້ ເພື່ອກວດສອບການ​ເປ່​ເພຂອງຈັກຊັກ​ເຄື່ອງ, ແຕ່ Jack ນໍາ​ເອົາແຜງວົງຈອນພິເສດນີ້ມາໃຊ້ໃນແງ່ມຸມທີ່ຕ່າງອອກໄປ.

ໂດຍອຸປະກອນເສີມທີ່ເຮັດໃຫ້ຈັກຊັກເຄື່ອງສົ່ງສຽງເວົ້າໄດ້ ມີຂະໜາດນ້ອຍຊໍ່າກັບກ່ອງຮາດດິສແບບພາຍນອກ ແລະ ການຕິດຕັ້ງເຂົ້າກັບຈັກຊັກ​ເຄື່ອງຂອງ GE ກໍງ່າຍຫຼາຍ ພຽງແຕ່ສຽບປັກໄຟ ແລະ ເຊື່ອມຕໍ່ກ່ອງນີ້ເຂົ້າກັບບ່ອນ​ສຽບທາງຫຼັງຈັກຊັກ​ເຄື່ອງ ມັນຈະສົ່ງສຽງເວົ້າບອກລະດັບຄວາມແຮງໃນການປັ່ນເຄື່ອງ ແລະ ໄລຍະເວລາທີ່ເຫຼືອສໍາລັບການຊັກເຄື່ອງ ລວມທັງການເວົ້າບອກຟັງຊັນອື່ນໆອີກຫຼວງຫຼາຍ.

- Wave100S AD to Website 2020 0 - ນະວັດຕະກໍາເພື່ອໂລກກັບຈັກຊັກເຄື່ອງເວົ້າໄດ້ ທີ່ສ້າງໂດຍໄວລຸ້ນອາຍຸ 14 ປີ

ແລະ Larry Skutchan ຜູ້ອໍານວຍການຂອງສູນວິໄຈເຕັກໂນໂລຊີສໍາລັບຄົນພິການທາງສາຍຕາ ໄດ້ໃຫ້ຄວາມຄິດເຫັນວ່າ: ການທີ່ສາມາດໃຊ້ຊີວິດຢູ່ໄດ້ແບບອິດສະຫຼະ ບໍ່ຕ້ອງອາ​ໄສຄົນອື່ນນັ້ນເປັນສິ່ງທີ່ມີຄວາມສໍາຄັນຫຼາຍຕໍ່ມະນຸດ ແລະ ຕ້ອງຂອບໃຈອຸປະກອນສະຫຼາດ ເຊັ່ນຈັກຊັກເຄື່ອງເວົ້າໄດ້ ທີ່ເຮັດໃຫ້ເປົ້າໝາຍໃນເລື່ອງການໃຊ້ຊີວິດອິດສະຫຼະເປັນຈິງຂຶ້ນມາໄດ້.

- lattana 1 - ນະວັດຕະກໍາເພື່ອໂລກກັບຈັກຊັກເຄື່ອງເວົ້າໄດ້ ທີ່ສ້າງໂດຍໄວລຸ້ນອາຍຸ 14 ປີ
error: Alert: Content is protected !!