ຫວຽດນາມອັນດັບ 10 ປະເທດເສດຖະກິດໃຫຍ່ ຟື້ນຕົວຈາກໂຄວິດ-19 ດີທີ່ສຸດ

ຫວຽດນາມອັນດັບ 10 ປະເທດເສດຖະກິດໃຫຍ່ ຟື້ນຕົວຈາກໂຄວິດ-19 ດີທີ່ສຸດ - GettyImages 1207205908 1 - ຫວຽດນາມອັນດັບ 10 ປະເທດເສດຖະກິດໃຫຍ່ ຟື້ນຕົວຈາກໂຄວິດ-19 ດີທີ່ສຸດ
ຫວຽດນາມອັນດັບ 10 ປະເທດເສດຖະກິດໃຫຍ່ ຟື້ນຕົວຈາກໂຄວິດ-19 ດີທີ່ສຸດ - Untitled design - ຫວຽດນາມອັນດັບ 10 ປະເທດເສດຖະກິດໃຫຍ່ ຟື້ນຕົວຈາກໂຄວິດ-19 ດີທີ່ສຸດ

ນອກຈາກ​ຈະ​ຮັບ​ມື​ຕໍ່​ການລະບາດ​ຈົນ​ທົ່ວ​ໂລກ​ໃຫ້ການ​ຍ້ອງຍໍ​ແລ້ວ ຫວຽດນາມ​ຍັງ​ມີ​ເສດຖະກິດ​ທີ່​ຟື້ນຕົວຢ່າງ​ແຂງ​ແຮງ​ນຳ​ອີກ.

Bloomberg ຜູ້​ໃຫ້​ບໍລິການ​ຂ່າວສານ​ດ້ານ​ການ​ເງິນ​ທົ່ວ​ໂລກ ຈັດ​ໃຫ້​ຫວຽດນາມ​ຢູ່​ໃນ​ອັນ​ດັບ​ທີ 10 ຈາກ 53 ປະ​ເທດ​ເສດຖະກິດ​ຂະໜາດ​ໃຫຍ່ ທີ່​ຟື້ນຕົວ​ຈາກ​ການ​ແຜ່​ລະບາດ​ຂອງ​ພະຍາດ​ຕິດ​​ເຊື້ອ​ໄວຣັສ​ໂຄ​ໂຣນາສາ​ຍພັນ​ໃໝ່ (​ໂຄ​ວິດ-19) ​ໄດ້​ດີ​ທີ່​ສຸດ.

VnExpress ໜັງສືພິມ​ອອນ​ລາຍ​ທ້ອງ​ຖິ່ນ ລາຍ​ງານ​ວ່າ: ຫວຽດນາມ​ໄດ້​ຮັບ​ຄະ​ແນນ​ການ​ຟື້ນຕົວ 74,3 ຈາກ 100 ຄະ​ແນນ.

​ໂດຍ​ການຈັດ​ອັນ​ດັບ​ການ​ຟື້ນຕົວ​ຈາກ​ພະຍາດ​ໂຄ​ວິດ-19 ທີ່​ເຜີ​ຍ​ແຜ່​ໃນ​ວັນ​ທີ 24 ພະຈິກ​ຜ່ານ​ມາ ​ໄດ້​ດຳ​ເນີນ​ການ​ສຳ​ຫລວດ 53 ປະ​ເທດ​ທີ່​ມີ​ຂະໜາດ​ເສດຖະກິດ​ມູນ​ຄ່າ​ຫລາຍ​ກວ່າ 200.000 ​ໂດ​ລາ​ສະຫະລັດ ​ໂດຍ​​ແທກ​ຈາກຕົວ​ຊີ້​ວັດ​ສຳຄັນ ​ເຊິ່ງລວມທັງ​ການ​ເພີ່ມ​ຂຶ້ນຂອງ​ຈຳນວນ​ຜູ້​ຕິດ​ເຊື້ອ, ອັດຕາ​ການ​ເສຍ​ຊີວິດ​ໂດຍ​ລວມ, ຄວາມ​ສາມາດ​ໃນ​ການກວດ​ຫາ​ເຊື້ອ, ຂໍ້​ຕົກລົງ​ໃນ​ການຈັດ​ຫາ​ວັກ​ຊີ​ນ, ຄວາມ​ສາມາດ​ຂອງ​ລະບົບ​ເບິ່ງ​ແຍງ​ສຸຂະພາບ​ທ້ອງ​ຖິ່ນ ​ແລະ ຜົນ​ກະທົບ​ຂອງ​ການ​ລັອກດາວ​ໃນ​ປະ​ເທດ.

ຜົນສຳ​ຫລວດ​ຊີ້​ວ່າ: ອັດຕາ​ຜົນ​ກວດ​ໂຄ​ວິດ-19 ​ເປັນ​ບວກ​ໃນ​ຫວຽດນາມ​ມີ 0,1%. ຂະນະ​ທີ່​ເມັກ​ຊິກ​ມີ​ອັດຕາ​ຜົນ​ກວດ​ພະຍາດ​ເປັນບວກ​ສູງ​ສຸດ 62,3%.

ຫວຽດນາມອັນດັບ 10 ປະເທດເສດຖະກິດໃຫຍ່ ຟື້ນຕົວຈາກໂຄວິດ-19 ດີທີ່ສຸດ - Wave100S AD to Website 2020 0 - ຫວຽດນາມອັນດັບ 10 ປະເທດເສດຖະກິດໃຫຍ່ ຟື້ນຕົວຈາກໂຄວິດ-19 ດີທີ່ສຸດ

ຂະນະ​ດຽວ​ກັນ, ຫວຽດນາມ​ໄດ້​ຮັບ​ຄະ​ແນນ​ດ້ານ “ຄວາມ​ຮຸນ​ແຮງ​ຂອງ​ການ​ລັອກດາວ” 39 ຈາກ 100 ຄະ​ແນນ ​ໂດຍ​ຄະ​ແນນ​ທີ່​ສູງ​ຂຶ້ນບົ່ງ​ບອກ​ວ່າ: ກິດຈະກຳ​ທາງ​ສັງຄົມ ​ແລະ ​ເສດຖະກິດ​ໃນ​ປະ​ເທດ​ນັ້ນໆ ຖືກ​ຈຳກັດ​ໂດຍ​ລັດຖະບາ​ນຢ່າງ​ເຂັ້ມງວດ ​ເຊິ່ງໝາຍ​ຄວາມ​ວ່າ: ການ​ດຳລົງ​ຊີວິດ​ຂອງ​ປະຊາຊົນ​ຕ້ອງ​ຢຸດ​ສະ​ງັກ.

ທັງ​ນີ້ ​ເນື່ອງ​ຈາກ​ສະຖານະ​ການ​ພະຍາດ​ໂຄ​ວິດ-19 ​ໃນ​ຫວຽດນາມ​ເລີ່​ມສັບ​ຊ້ອນ​ຍິ່ງ​ຂຶ້ນ​ໃນ​ເດືອນ​ມີນາ ລັດຖະບານ​ຈຶ່ງ​ກຳນົດ​ມາດ​ຕະການ​ເວັ້ນ​ໄລຍະ​ຫ່າງ​ທາງ​ສັງຄົມ​ລະດັບ​ປະ​ເທດ​ເປັນ​ເວລາ​ປະມານ 3 ອາທິດ, ​ແຕ່​ບໍ່​ໄດ້​ກຳນົດ​ໃຊ້​ມາດ​ຕະການ​ດັ່ງກ່າວ​ອີກ​ຫລັງ​ເກີດ​ການລະບາດ​ຮອບ​ສອງ​ໃນ​ເດືອນ​ກໍລະກົດ ​ໂດຍ​ຫັນ​ໄປ​ປັບ​ໃຊ້​ມາດ​ຕະການ​ເວັ້ນ​ໄລຍະ​ຫ່າງ​ທາງ​ສັງຄົມ​ໃນ​ລະດັບ​ທ້ອງ​ຖິ່ນ​ແທນ.

ນອກຈາກ​ນີ້, ຫວຽດນາມ​ຍັງ​ສາມາດ​ເຂົ້າ​ເຖິງ​ວັກ​ຊີ​ນປ້ອງ​ກັນ​ພະຍາດ​ໂຄ​ວິດ-19 ທີ່​ຜະລິດ​ໃນ​ປະ​ເທດ​ຈຳນວນ 1 ຊະນິດ ​ເຊິ່ງກຳລັງ​ຢູ່​ລະຫວ່າງ​ກະກຽມ​ສຳລັບ​ການ​ທົດ​ລອງ​ໃນ​ມະນຸດ​ມໍ່ໆ​ນີ້ ​ແລະ ຖ້າ​ໄດ້​ຮັບ​ອະນຸ​ມັດ ວັກ​ຊີ​ນຊະນິດ​ດັ່ງກ່າວ​ຈະ​ກາຍ​ເປັນ​ວັກ​ຊີ​ນປ້ອງ​ກັນ​ພະຍາດ​ໂຄ​ວິດ-19 ຊະນິດ​ທຳ​ອິດ​ຂອງ​ຫວຽດນາມ​ທີ່​ທົດ​ລອງ​ໃນ​ມະນຸດ.

ຫວຽດນາມອັນດັບ 10 ປະເທດເສດຖະກິດໃຫຍ່ ຟື້ນຕົວຈາກໂຄວິດ-19 ດີທີ່ສຸດ - WhatsApp Image 2020 05 27 at 5 - ຫວຽດນາມອັນດັບ 10 ປະເທດເສດຖະກິດໃຫຍ່ ຟື້ນຕົວຈາກໂຄວິດ-19 ດີທີ່ສຸດ
ຫວຽດນາມອັນດັບ 10 ປະເທດເສດຖະກິດໃຫຍ່ ຟື້ນຕົວຈາກໂຄວິດ-19 ດີທີ່ສຸດ - WhatsApp Image 2020 05 27 at 5 - ຫວຽດນາມອັນດັບ 10 ປະເທດເສດຖະກິດໃຫຍ່ ຟື້ນຕົວຈາກໂຄວິດ-19 ດີທີ່ສຸດ
error: Alert: ເນື້ອຫາຂ່າວມີລິຂະສິດ !!