ນາຍົກເຮົາ ກ່າວຄຳປາໄສໃນພິທີເປີດງານວາງສະແດງສິນຄ້າ ຈີນ-ອາຊຽນ ແລະ ກອງປະຊຸມສຸດຍອດການຄ້າ-ການລົງທຶນ ຈີນ-ອາຊຽນ ຄັ້ງທີ 17

ນາຍົກເຮົາ ກ່າວຄຳປາໄສໃນພິທີເປີດງານວາງສະແດງສິນຄ້າ ຈີນ-ອາຊຽນ ແລະ ກອງປະຊຸມສຸດຍອດການຄ້າ-ການລົງທຶນ ຈີນ-ອາຊຽນ ຄັ້ງທີ 17 - Untitled design - ນາຍົກເຮົາ ກ່າວຄຳປາໄສໃນພິທີເປີດງານວາງສະແດງສິນຄ້າ ຈີນ-ອາຊຽນ ແລະ ກອງປະຊຸມສຸດຍອດການຄ້າ-ການລົງທຶນ ຈີນ-ອາຊຽນ ຄັ້ງທີ 17
ໃນ​ຕອນ​ເຊົ້າ​ຂອງ​ວັນ​ທີ 27 ພະຈິກ 2020, ພະນະ ທ່ານ ທອງ​ລຸນ ສີ​ສຸ​ລິດ ນາຍົກ ລັດຖະມົນຕີ ແຫ່ງ ສປປ ລາວ, ໃນ​ຖານະ​ທີ່ ສປປ ລາວ ເປັນ​ປະເທດ​ເຈົ້າພາບ​ຮ່ວມ​ກັບ​ລັດ ຖະບານ ແຫ່ງ ສປ ຈີນ, ໄດ້​ເປັນ​ກຽດ​ກ່າວ​ຄໍາ​ປາ​ໄສ (ແບບ​ບັນທຶກ​ວີດີໂອ​ໄວ້​ລ່ວງ​ໜ້າ) ໃນ​ ພິທີ​ເປີດ​ງານ​ວາງສະແດງສິນ ຄ້າ ຈີນ​-​ອາ​ຊຽນ ຄັ້ງ​ທີ 17 ແລະ ກອງ​ປະຊຸມ​ສຸດ​ຍອດການຄ້າ​-​ການ​ລົງທຶນ ຈີນ​-​ອາ​ຊຽນ ຄັ້ງ ​ທີ 17 ທີ່ນະຄອນ​ໜານໜິງ, ແຂວງ​ກວາງຊີ, ສປ ຈີນ ພາຍ​ໃຕ້​ຄຳ​ຂວັນ: “ຮ່ວມ​ກັນ​ສ້າງສາ​ພັດທະນາ ໜຶ່ງ​ແລວ ໜຶ່ງ​ເສັ້ນ ທາງ ແລະ ຮ່ວມ​ກັນ​ສ້າງ​ເສດ ຖະກິດ​ດີ​​ຈີຕອນ”.
ໃນ​ບົດ​ຄຳ​ເຫັນ​ເປີດ​ພິທີ, ພະນະ​ທ່ານ​ນາຍົກລັດຖະມົນຕີ ທອງ​ລຸນ ສີ​ສຸ​ລິດ ໄດ້​ຍົກ​ໃຫ້​ ເຫັນ​ເຖິງ​ຄວາມ​ໝາຍ​ຄວາມ​ສໍາ​ຄັນ​ຂອງ​ງານ​ວາງສະແດງ​ສິນຄ້າ​ອາ​ຊຽ​ນ-​ຈີນ ໃນ​ຄັ້ງ​ນີ້ ແລະ ໄດ້​ຕີ​ລາຄາ​ວ່າ ຕະຫຼອດ 17 ຄັ້ງຜ່ານ​ມາ ງານ​ວາງສະ ແດງ​ດັ່ງກ່າວ ໄດ້​ປະກອບສ່ວນ​ອັນ​ໃຫຍ່​ຫຼວງ​ເຂົ້າ​ໃນ​ການ​ສົ່ງ ເສີມ​ການ​ຄ້າ, ການ​ລົງທຶນ ແລະ ການທ່ອງທ່ຽວ ລະຫວ່າງ​ອາ​ຊຽນ ແລະ ຈີນ ເວົ້າ​ລວມ ແລະ ເວົ້າ​ສະເພາະ​ລະຫວ່າງ ສປປ ລາວ ແລະ ສປ ຈີນ.
ພິເສດ, ງານ​ວາງສະແດງ​ສິນຄ້າ​ອາ​ຊຽ​ນ-​ຈີນ ປີ​ນີ້ ແມ່ນ​ຈັດ​ຂຶ້ນ​ໃນ​ທ່າມກາງ​ແຫ່ງ​ຂີດ​ໝາຍ​ໃໝ່​ຂອງ​ການ​ພົວພັນ​ຮ່ວມ​ມື​ຍຸດທະສາດ​ອາ​ຊຽ​ນ-​ຈີນ ເຊັ່ນ: ເປັນ​ປີ​ຄົບຮອບ 10 ປີຂອງ​ການ​ສ້າງຕັ້ງ​ເຂດ​ການ​ຄ້າ​ເສລີ​ອາ​ຊຽ​ນ-​ຈີນ, ປີ​ແຫ່ງ​ການ​ຮ່ວມ​ມື​ດ້ານ​ເສດຖະກິດ​ດີຈີ​ຕອນ​ອາ​ຊຽ​ນ-​ຈີນ, ປີ​ທີ່ອາ​ຊຽນ ແລະ ສປ ຈີນ ກຳລັງ​ຮ່ວມ​ມື​ກັນ​ຕ້ານ, ຮັບ​ມື ແລະ ແກ້​ໄຂຜົນ​ກະທົບ​ຂອງ​ການ​ແຜ່​ລະບາດ​ຂອງ​ພະຍາດ​ໂຄ​ວິດ-19 ແລະ ຈະ​ໄດ້​ພ້ອມ​ກັນ​ຜັນ​ຂະຫຍາຍ​ຜົນ​ຂອງ​ກອງ​ປະຊຸມ​ສຸດ​ຍອດ​ອາ​ຊຽ​ນ-​ຈີນ ຄັ້ງ​ທີ 23 ທີ່​ຫາກໍ​ສຳເລັດ​ລົງ​ດ້ວຍ​ຜົນ​ອັນ​ຈົບງາມ ທັງ​ມີ​ການ​ຮັບຮອງ​ເອົາ​ປີ 2021 ເປັນ​ປີ​ແຫ່ງ​ການ​ພັດທະນາ​ແບບ​ຍືນ​ຍົງ​ອາ​ຊຽ​ນ-​ຈີນ ແລະ ຜັນ​ຂະຫຍາຍ​ສັນຍາ​ການ​ເປັນ​ຄູ່​ຮ່ວມ​ເສດຖະກິດ​ຮອບດ້ານ ​ຢູ່​ລະດັບ​ພາກ​ພື້ນ ຫຼື ອາ​ເຊັບ (RCEP) ໃຫ້​ເປັນ​ຮູບ​ປະ​ທຳ.
ສຳລັບ​ທິດ​ທາງ​ໃນຕໍ່ໜ້າ​ຂອງ​ການ​ຮ່ວມ​ມື​ອາ​ຊຽ​ນ-​ຈີນ, ພະນະ​ທ່ານ​ນາຍົກລັດຖະມົນຕີ ທອງ​ລຸນ ສີ​ສຸ​ລິດ ໄດ້​ສະເໜີໃຫ້​ ອາ​ຊຽນ ແລະ ຈີນ ສືບຕໍ່​ຜັນ​ຂະ ຫຍາຍ​ບັນດາ​ແຜນ​ງານ/ໂຄງ ການ ທີ່​ລະບຸ​ຢູ່​ໃນ​ແຜນ​ປະຕິບັດ​ການ​ຮ່ວມ​ມື ອາ​ຊຽ​ນ-​ຈີນ ສະ ບັບ​ໃໝ່ໄລຍະ 2021-2025; ເລັ່ງ​ໃສ່​ການ​ເຊື່ອມ​ສານ​ຊຶ່ງ​ກັນ ແລະ ກັນລະຫວ່າງ​ແຜນ​ແມ່​ບົດ​ການເຊື່ອມຈອດ​ອາ​ຊຽນຮອດ​ປີ 2025 ຫຼື MPAC 2025 ແລະ ຂໍ້​ລິ​ເລີ່ມ ໜຶ່ງ​ແລວ ໜຶ່ງ​ເສັ້ນທາງ ຊຶ່ງ​ສຳລັບ​ຢູ່ ສປປ ລາວ ກໍ​ແມ່ນ​ການ​ກໍ່ສ້າງ​ທາງ​ລົດໄຟ​ຄວາມ​ໄວ​ສູງ ​ລາວ​-​ຈີນ ຊຶ່ງ​ຄາດ​ວ່າ​ຈະ​ສຳເລັດ​ຕາມແຜນການ​ທີ່​ວາງ​ໄວ້​ໃນ​ທ້າຍ​ປີ 2021; ການ​ຫັນ​ໄປ​ສູ່​ເສດຖະກິດ​ແບບ​ດີຈີຕອນ​ເທື່ອ​ລະ​ກ້າວ ໂດຍ​ສະເພາະ​ການ​ຍົກ​ລະດັບ​ຈຸ​ລະວິ​ສາ​ຫະ​ກິດ ແລະ ວິ​ສາ​ຫະ​ກິດ​ຂະໜາດ​ນ້ອຍ​-​ກາງ (MSMEs) ເພື່ອ​ສາມາດ​ດຳເນີນ​ທຸລະ​ກິດ​ທາງ​ອອນ​ໄລ​ໄດ້; ການ​ແກ້​ໄຂຄວາມ ທຸກ​ຍາກດ້ວຍ​ການ​ຍົກ​ລະດັບ​ຄວາມ​ອາດ​ສາມາດ​ໃນ​ການ​ຜະລິດ (Productive on Capacity) ແລະ ການ​ຫັນ​ໄປ​ສູ່​ການ​ຜະລິດ​ກະສິກຳ​ທີ່​ທັນ​ສະ ໄໝ (Smart Agriculture); ແລະ ການ​ສົ່ງເສີມ​ການ​ໄປ ມາ ຫາສູ່​ລະຫວ່າງ​ປະຊາຊົນ​ກັບ​ປະ ຊາຊົນ ລວມ​ທັງ​ການ​ສົ່ງເສີມ​ການທ່ອງ​ທ່ຽວ.
ນັບ​ຕັ້ງແຕ່ ປີ 2004 ເປັນ ຕົ້ນ​ມາ, ງານ​ວາງສະແດງ​ສິນຄ້າ​ຈີນ​-​ອາ​ຊຽນ ແລະ ກອງ​ປະຊຸມ​ສຸດ​ຍອດ​ການ​ຄ້າ​-​ການ​ລົງທຶນ​ຈີນ​-​ອາ​ຊຽນ ເປັນ​ກົນ​ໄກ​ໜຶ່ງ​ທີ່​ສໍາ​ຄັນ​ທີ່​ສຸດ​ຂອງ​ພາກ​ທຸລະ​ກິດ​ຈີນ​-​ອາ​ຊຽນ ເພື່ອ​ເຕົ້າໂຮມ​ເອົາ​ບັນດາ​ຫົວໜ່ວຍ​ທຸລະ​ກິດ​ຈາກ ອາ​ຊຽນ ແລະ ຈີນ ໃຫ້​ມີ​ ໂອກາດ​ໄດ້​ພົບ​ປະ ແລະ ແລກ ປ່ຽນ​ປະສົບ​ການ​ຮ່ວມກັນກ່ຽວ ​ກັບການ​ດໍາ​ເນີນ​ທຸລະ​ກິດ ແລະ ວາງສະແດງ​ສິນຄ້າ​ຂອງ​ຕົນ ແນໃສ່​ ເພື່ອ​ສົ່ງເສີມ ແລະ ອໍາ​ ນວຍ​ຄວາມ​ສະດວກທາງດ້ານ ​ການ​ຄ້າ, ການ​ລົງທຶນລະ ຫວ່າງ ອາ​ຊຽນ ແລະ ຈີນໃຫ້​ມີ​ການຂະ ຫຍາຍຕົວ​ຢ່າງຕໍ່ເນື່ອງ, ພ້ອມ​ທັງ​ເປັນ​ການ​ແລກປ່ຽນ​ທາງ​ດ້ານວັດ​ທະ​ນະ​ທໍາ ແລະ ການ ທ່ອງທ່ຽວ, ການ​ໄປມາຫາສູ່​ກັນ​ ຂອງ​ປະຊາຊົນ ອາ​ຊຽ​ນ-​ຈີນ ໃຫ້​ນັບ​ມື້​ນັບ​ເພີ່ມ​ທະວີ ແລະ ມີ​ຫຼາກ​ຫຼາຍ​ຮູບ​ແບບ​ຍິ່ງ​ຂຶ້ນ. ສຳ ລັບ​ງານ​ວາງສະແດງ​ສິນຄ້າອາ ​ຊຽ​ນ-​ຈີນ ຄັ້ງ​ຕໍ່​ໄປ (ຄັ້ງ​ທີ 18) ຄາດ​ວ່າ​ຈະ​ມີ​ຂຶ້ນ​ໃນ​ທ້າຍປີ 2021 ແລະ ສປປ ລາວ ຈະໄດ້​ ສືບຕໍ່​ເປັນ​ປະເທດ​ເຈົ້າພາບ​ຮ່ວມຂອງ​ງານ​ວາງສະແດງ​ສິນ ຄ້າ​ດັ່ງກ່າວ​ກັບ ສປ ຈີນ ຕື່ມ​ອີກ.
ນາຍົກເຮົາ ກ່າວຄຳປາໄສໃນພິທີເປີດງານວາງສະແດງສິນຄ້າ ຈີນ-ອາຊຽນ ແລະ ກອງປະຊຸມສຸດຍອດການຄ້າ-ການລົງທຶນ ຈີນ-ອາຊຽນ ຄັ້ງທີ 17 - Wave100S AD to Website 2020 0 - ນາຍົກເຮົາ ກ່າວຄຳປາໄສໃນພິທີເປີດງານວາງສະແດງສິນຄ້າ ຈີນ-ອາຊຽນ ແລະ ກອງປະຊຸມສຸດຍອດການຄ້າ-ການລົງທຶນ ຈີນ-ອາຊຽນ ຄັ້ງທີ 17
ນາຍົກເຮົາ ກ່າວຄຳປາໄສໃນພິທີເປີດງານວາງສະແດງສິນຄ້າ ຈີນ-ອາຊຽນ ແລະ ກອງປະຊຸມສຸດຍອດການຄ້າ-ການລົງທຶນ ຈີນ-ອາຊຽນ ຄັ້ງທີ 17 - WhatsApp Image 2020 05 27 at 5 - ນາຍົກເຮົາ ກ່າວຄຳປາໄສໃນພິທີເປີດງານວາງສະແດງສິນຄ້າ ຈີນ-ອາຊຽນ ແລະ ກອງປະຊຸມສຸດຍອດການຄ້າ-ການລົງທຶນ ຈີນ-ອາຊຽນ ຄັ້ງທີ 17
ນາຍົກເຮົາ ກ່າວຄຳປາໄສໃນພິທີເປີດງານວາງສະແດງສິນຄ້າ ຈີນ-ອາຊຽນ ແລະ ກອງປະຊຸມສຸດຍອດການຄ້າ-ການລົງທຶນ ຈີນ-ອາຊຽນ ຄັ້ງທີ 17 - WhatsApp Image 2020 05 27 at 5 - ນາຍົກເຮົາ ກ່າວຄຳປາໄສໃນພິທີເປີດງານວາງສະແດງສິນຄ້າ ຈີນ-ອາຊຽນ ແລະ ກອງປະຊຸມສຸດຍອດການຄ້າ-ການລົງທຶນ ຈີນ-ອາຊຽນ ຄັ້ງທີ 17
error: Alert: ເນື້ອຫາຂ່າວມີລິຂະສິດ !!