ທຣຳ ກຽມເປີດໂຊຊຽວມີເດຍຂອງຕົນເອງ ຫລັງຖືກບັອກຈາກ Twitter ແລະ Facebook
ໂດນັລ ທຣຳ ກ່າວວ່າ: ເວັບໄຊໂຊຊຽວມີເດຍທີ່ທ່ານ ແລະ ກຸ່ມພັນທະມິດສ້າງຂຶ້ນມາຫລັງຈາກຖືກບັອກໃນ Twitter ແລະ Facebook ຈະເປີດຕົວໃນ 3-4 ເດືອນຕໍ່ຈາກນີ້.
ຫລ້າສຸດ Bloomberg ລາຍງານໂດຍອ້າງເຖິງຄຳເວົ້າຂອງ Corey Lewandowski ທີ່ປຶກສາອາວຸໂສຂອງອະດີດປະທານາທິບໍດີອາເມລິກາ ເຊິ່ງກ່າວວ່າ: Platform ໂຊຊຽວມີເດຍທີ່ວາງແຜນໄວ້ຂອງ ໂດນັລ ທຣຳ “ຈະເປີດຕົວໃນ 3-4 ເດືອນ” ຕໍ່ຈາກນີ້.
“ພວກເຮົາກຳລັງຈະມີແພກຟອມທີ່ຂໍ້ຄວາມຂອງ ທຣຳ ຈະສາມາດເຜີຍແຜ່ໃຫ້ທຸກຄົນໄດ້ຮັບຮູ້ ຈະມີໂອກາດສຳລັບຄົນອື່ນໆໃນການຊັ່ງນ້ຳໜັກ ແລະ ສື່ສານໃນຮູບແບບຟຣີ ໂດຍບໍ່ຕ້ອງຢ້ານວ່າຈະຖືກຕອບໂຕ້ ຫລື ຖືກຍົກເລີກບັນຊີ”.
ຄວາມຄິດເຫັນຂອງ Lewandowski ເກີດຂຶ້ນຫລັງຈາກ ທຣຳ ກ່າວໃນ Podcast ເມື່ອວັນທີ 22 ມີນາ 2021 ວ່າ: ຫລັງຈາກຖືກບັອກຈາກ Twitter ແລະ ແພກຟອມໂຊຊຽວມີເດຍອື່ນໆ ຄື Facebook ເຮັດໃຫ້ທ່ານຫັນມາພັດທະນາໂຊຊຽວມີເດຍຂອງຕົນເອງ ແລະ ຈະມີລາຍລະອຽດເພີ່ມຕື່ມໃນມໍ່ໆນີ້.
