ສັບ​ພະ​ຄຸນ​ດີໆ​ຈາກໝາກ​ມ່ວງ​ຫິ​ມະ​ພານ

ສັບ​ພະ​ຄຸນ​ດີໆ​ຈາກໝາກ​ມ່ວງ​ຫິ​ມະ​ພານ - 031702 2021 - ສັບ​ພະ​ຄຸນ​ດີໆ​ຈາກໝາກ​ມ່ວງ​ຫິ​ມະ​ພານ
ສັບ​ພະ​ຄຸນ​ດີໆ​ຈາກໝາກ​ມ່ວງ​ຫິ​ມະ​ພານ - Untitled design - ສັບ​ພະ​ຄຸນ​ດີໆ​ຈາກໝາກ​ມ່ວງ​ຫິ​ມະ​ພານ
  • ແພດ​ໃນ​ອິນ​ເດຍ​ໃຊ້​ແກ່ນ​ໝາກ​ມ່ວງ​ຫິ​ມະ​ພານລ້ຽງ​ເດັກ​ທີ່​ມີ​ອາ​ຍຸ​ເກີນ 6 ປີ ເພື່ອ​ຊ່ວຍ​ໃຫ້​ຮ່າງ​ກາຍ​ຈະ​ເລີນ​ເຕີບ​ໃຫ​ຍ່​ໄດ້​ໄວ ແລະ ແຂງ​ແຮງ.
  • ແກ່ນ​ໝາກ​ມ່ວງ​ຫິ​ມະ​ພານ​ອຸ​ດົມ​ໄປ​ດ້ວຍແຮ່​ທ​າດ​ທອງ​ແດງ​ ຈຶ່ງ​ຊ່ວຍ​ບຳ​ລຸງ​ເສັ້ນ​ຜົມ ແລະ ຜິວ​ໜັງ​ໄດ້​ເປັນ​ຢ່າງ​ດີ.
  • ສັບ​ພະ​ຄຸນ​ຂອງ​ແກ່ນ​ໝາກ​ມ່ວງ​ຫິ​ມະ​ພານ ຊ່ວຍ​ຫລຸດ​ຄວາມ​ສ່ຽງ​ຂອງ​ການ​ເກີດ​ພະ​ຍາດ​ຫົວ​ໃຈ ແລະ ຫລອດ​ເລືອດ.
  • ແກ່ນ​ໝາກ​ມ່ວງ​ຫິ​ມະ​ພານ​ມີ​ສັບ​ພະ​ຄຸນ​ຊ່ວຍ​ປ້ອງ​ກັນ​ພະ​ຍາດມ​ະ​ເຮັງ, ຊ່ວຍ​ຫລຸດ​ຄວາມ​ສ່ຽງ​ຂອງ​ການ​ເກີດ​ພະ​ຍາດ​ມະ​ເຮັງ​ລຳ​ໄສ້​ໃຫຍ່​ໄດ້.
  • ແກ່ນ​ໝາກ​ມ່ວງ​ຫິ​ມະ​ພານ​ມີ​ແຮ່​ທາດ​ແມັກ​ນີ​ຊຽມ​ໃນ​ປະ​ລິ​ມານ​ຫລາຍ ຈຶ່ງ​ຊ່ວຍ​ບຳ​ລຸງ​ສຸ​ຂະ​ພາບ​ເຫືອກ, ສຸ​ຂະ​ພາບ​ແຂ້ວ ແລະ ກະ​ດູກ​ໃຫ້​ແຂງ​ແຮງ, ປ້ອງ​ກັນ​ການ​ເກີດ​ພະ​ຍາດ​ກະ​ດູກ​ຜ່ອຍ​ໃນ​ຜູ້​ເຖົ້າ​ໄດ້.
  • ການ​ກິນ​ແກ່ນ​ໝາກ​ມ່ວງ​ຫິ​ມະ​ພານ​ເປັນ​ປະ​ຈຳ​ຈະ​ຊ່ວຍ​ປ້ອງ​ກັນ​ພະ​ຍາດ​ຈໍ​ປະ​ສາດ​ຕາ​ເສື່ອມ​ໄດ້.
  • ການ​ວິ​ໄຈ​ໃນ​ເບ​ຣ​ຊິ​ລ ແລະ ອິນ​ເດຍ​ພົບ​ວ່າ​ສານ​ສະ​ກັດ​ຈາກ​ເປືອກ​ຕົ້ນ ແລະ ສານ​ສະ​ກັດ​ຈາກ​ພາກ​ສ່ວນ​ເໜືອ​ດິນ​ຂອງ​ຕົ້ນ ສາ​ມາດ​ຊ່ວຍ​ຫລຸດ​ລະ​ດັບ​ນ້ຳ​ຕານ​ໃນ​ເລືອດ​ໄດ້.
  • ແກ່ນ​ໝາກ​ມ່ວງ​ຫິ​ມະ​ພານ​ມີ​ກົດ​ໄລ​ໂນ​ເລ​ອິກ ເຊິ່​ງ​ຊ່ວຍ​ປ້ອງ​ກັນ​ໄຂ​ມັນ​ອັດ​ຕັນ​ໃນ​ເສັ້ນ​ເລືອດ, ປ້ອງ​ກັນ​ພະ​ຍາດ​ຫົວ​ໃຈ ແລະ ພະ​ຍາດ​ກ່ຽວ​ກັບ​ເຕົ້າ​ນົມ​ໄດ້.
  • ແມັກ​ນີ​ຊຽ​ມ​ຈາກ​ແກ່ນ​ໝາກ​ມ່ວງ​ຫິ​ມະ​ພານ​ສາ​ມາດ​ຊ່ວຍ​ຫລຸດ​ຄວາມ​ດັນ​ເລືອດ​ໄດ້.
  • ແກ່ນ​ໝາກ​ມ່ວງ​ຫິ​ມະ​ພານ​ມີ​ກົດ​ໄຂ​ມັນ​ອີ່ມ​ໂຕ​ໃນ​ປະ​ລິ​ມານ​ຫລາຍ ຈຶ່ງ​ຊ່ວຍ​ປ້ອງ​ກັນ​ພະ​ຍາດ​ໄຂ​ມັນ​ຫຸ້ມ​ຕັບ ແລະ ບໍ່​ໃຫ້​ສະ​ສົມ​ໃນ​ຮ່າງ​ກາຍ​ຫລາຍ​ຈົນ​ເກີນ​ໄປ ຈຶ່ງບໍ່​ເຮັດ​ໃຫ້​ຕຸ້ຍ.
  • ໝາກ​ມ່ວງຫິ​ມະ​ພານມີ​ແມັກ​ນີ​ຊຽມ​ຫລາຍ ໂດຍ​ແຮ່​ທາດ​ຊະ​ນິດນີ້​ຈະ​ຊ່ວຍ​ໃນ​ການ​ເຮັດ​ວຽກ​ຂອງ​ຫົວ​ໃຈ, ມີ​ບົດ​ບາດ​ສຳ​ຄັນ​ໃນ​ການ​ປ່ຽນ​ນ້ຳ​ຕານໃຫ້​ເປັນ​ພະ​ລັງ​ງານ ຊ່ວຍ​ປ້ອງ​ກັນ​ອາ​ການ​ໝົດ​ເຫື່ອ​ແຮງ​ໄດ້​ເປັນ​ຢ່າງ​ດີ.
  • ຊ່ວຍ​ປິ່ນ​ປົວ​ພະ​ຍາດ​ແຂ້ວ​ຜຸ​ຜ່ອຍ, ຫລຸດ​ອາ​ການ​ເຂັດ​ແຂ້ວ ຫລື ປວດ​ແຂ້ວ​ໄດ້ ເນື່ອງ​ຈາກ​ແກ່ນ​ໝາກ​ມ່ວງ​ຫິ​ມະ​ພານ​ມີ​ກົດ​ອະ​ນາ​ດິກ​ທີ່​ມີ​ຄຸນ​ສົມ​ບັດ​ຊ່ວຍ​ກຳ​ຈັດ​ເຊື້ອ​ແບັກ​ທີ​ເຣຍ ເຊິ່ງ​ເປັນ​ສາ​ເຫດ​ຂອງ​ແຂ້ວ​ແມງ​ໄດ້, ແຕ່​ແນວ​ໃດ​ກໍ​ຕາມ ​ການ​ຖູ​ແຂ້ວ​ກໍ​ຍັງ​ຄົງ​ເປັນ​ວິ​ທີ​ທີ່​ດີ​ສຸດ ເນື່ອງກົດ​ຊະ​ນິດນີ້​ຈະ​ອອກ​ລິດ​ພຽງ​ແຕ່ 15 ນາ​ທີ​ເທົ່າ​ນັ້ນ (ທ່ານ ຊາ​ລ ເວ​ເບີ ນັກ​ວິ​ທະ​ຍາ​ສາດ​ຈາກ​ນັອດ​ແຄ​ໂຣ​ໄລ​ນາ ສະ​ຫະ​ລັດ​ອາ​ເມ​ລິ​ກາ ເປັນ​ຜູ້​ວິ​ໄຈ).
  • ຄົນ​ໂບ​ລີ​ເວຍ​ເຊື່ອ​ວ່າ​ນ້ຳ​ຈາກ​ໝາກ​ມ່ວງຫິ​ມະ​ພານສາ​ມາ​ດ​ຊ່ວຍ​ກະ​ຕຸ້ນ​ສະ​ໝອງ ແລ້ວ​ເຮັດ​ໃຫ້​ມີ​ຄວາມ​ຈື່​ຈຳ​ດີ​ຂຶ້ນ, ຊ່ວຍ​ຫລຸດ​ອາ​ການ​ເຈັບ​ປວດ​ຈາກ​ພະ​ຍາດ​ປະ​ສາດ​ພິ​ການ ແລະ ຊ່ວຍ​ແກ້​ອາ​ການ​ປວດ​ຕາມ​ຂໍ້​ໄດ້ (ໝາກ), ຊ່ວຍ​ຫລຸດ​ໄຂ້ (ໝາກ ແລະ ໃບ), ຢາ​ງ​ຈາກ​ຕົ້ນ​ໝາກ​ມ່ວງຫິ​ມະ​ພານຊ່ວຍ​ແກ້​ອາ​ການ​ເລືອດ​ອອກ​ຕາມ​ເຟັນ​ແຂ້ວ, ເປືອກ​ຕົ້ນໝາກ​ມ່ວງຫິ​ມະ​ພານ​ຊ່ວຍ​ແກ້​ອາ​ການ​ປວດ​ແຂ້ວ, ໃຊ້​ບ້ວນ​ປາກ​ບ້ວນ​ຄໍ, ນ້ຳ​ຈາກ​ໝາກ​ມ່ວງຫິ​ມະ​ພານຊ່ວຍ​ແກ້​ອາ​ການ​ຮາກ, ປິ່ນ​ປົວ​ບາດ​ແຜ​ໃນ​ຜົ້ງ​ປາກ, ແກ່ນ​ໝາກ​ມ່ວງຫິ​ມະ​ພານເອົາ​ມາ​ຂົ້ວ​ໂຮຍ​ເກືອ​ກິນ​ເປັນ​ຢາ​ແກ້​ອາ​ການບວມ​ນ້ຳ​ໄດ້ ແລະ ຈະ​ຊ່ວຍ​ໃນ​ການ​ຍ່ອຍ​ອາ​ຫານ​ໄດ້​ເປັນ​ຢ່າງ​ດີ, ນ້ຳ​ປັ່ນ​ຈາກ​ໝາກ​ມ່ວງຫິ​ມະ​ພານໃຊ້​ດື່ມ​ເປັນ​ຢາ​ໄລ່​ນ້ຳ​ຍ່ຽວ​ໄດ້.
  • ​ການ​ກິນແກ່ນໝາກ​ມ່ວງຫິ​ມະ​ພານ​ຈະ​ຊ່ວຍ​ປ້ອງ​ກັນ ແລະ ຫລຸດ​ຄວາມ​ສ່ຽງ​ຂອງ​ການ​ເກີດ​ພະ​ຍາດ​ໜິ້ວ​ໄດ້.
  • ​ແກ່ນ​ໝາກ​ມ່ວງຫິ​ມະ​ພານຊ່ວຍ​ຕໍ່​ຕ້ານ​ອະ​ນຸ​ມູນ​ອິດ​ສະ​ລະ ເຊິ່ງ​ເປັນ​ສາ​ເຫດ​ຂອງ​ບັນ​ຫາ​ສຸ​ຂະ​ພາບ​ຕ່າງໆ​ໄດ້​ດີ, ຊ່ວຍ​ເພີ່ມ​ພະ​ລັງ​ງານ​ໃຫ້​ແກ່​ຮ່າງ​ກາຍ​ໄດ້​ເປັນ​ຢ່າງ​ດີ, ສາ​ມາດ​ຊ່ວຍ​ຮັກ​ສາ​ຮູບ​ຮ່າງ​ໃຫ້​ສົມ​ສ່ວນ​ໄດ້ ເພາະ​ມີ​ເສັ້ນ​ໄຍ​ອາ​ຫານ​ຫລາຍ ຈຶ່ງ​ຊ່ວຍ​ການ​ດູດ​ຊຶມ​ໄຂ​ມັນ​ໄດ້, ການ​ກິນໝາກ​ມ່ວງຫິ​ມະ​ພານ​ເປັນ​ປະ​ຈຳ​ຈະ​ຊ່ວຍ​ໃຫ້​ອີ່ມ​ດົນ​ຂຶ້ນ ແລະ ກິນ​ອາ​ຫານ​ໄດ້​ໜ້ອຍ​ລົງ ຈຶ່ງບໍ່​ເຮັດ​ໃຫ້​ຕຸ້ຍ. ຜູ້​ປ່ວຍ​ພະ​ຍາດ​ປະ​ດົງ​ຂໍ້​ສາ​ມາດ​ກິນ​ແກ່ນໝາກ​ມ່ວງຫິ​ມະ​ພານ​ໄດ້​ໂດຍບໍ່​ມີ​ບັນ​ຫາ​ຫຍັງ ເພາະ​ເປັນ​ໝາກ​ໄມ້​ທີ່​ມີ​ສານ​ພິວ​ຣີນ​ໜ້ອຍ ຫລື ເກືອບ​ຈະ​ບໍ່​ມີ​ເລີຍ.
  • ແກ່ນໝາກ​ມ່ວງຫິ​ມະ​ພານ​ນິ​ຍົມ​ເອົາ​ມາ​ກິນ​ເປັນ​ອາ​ຫານ​ວ່າງ ແລະ ຍັງ​ເປັນ​ຜ​ະ​ລິດ​ຕະ​ພັນ​ສົ່ງ​ອອກ​ຂອງ​ປະ​ເທດ​ອິນ​ເດຍ, ຫວຽດ​ນາມ ແລະ ເບ​ຣ​ຊິ​ລ (90% ຂອງ​ການ​ສົ່ງ​ອອກ​ທົ່ວ​ໂລກ​ແມ່ນ​ມາ​ຈາກ 3 ປະ​ເທດນີ້).
  • ໜ່ວຍໝາກ​ມ່ວງຫິ​ມະ​ພານ​ເຕັມ​ໄປ​ດ້ວຍ​ນ້ຳ, ລົດ​ຊາດ​ສົ້ມ ສາ​ມາດ​ກິນ​ເປັນ​ໝາກ​ໄມ້​ສົດ​ດິບ ແລະ ໝາກ​ສຸກ. ໝາກ​ເຫີ່ມ​ນິ​ຍົມ​ເອົາ​ມາ​ປຸງ​ແຕ່ງ​ກິນ​ເປັນ​ອາ​ຫານປະ​ເພດ​ແກງ ຫລື ໃຊ້​ຍຳ, ໝາກ​ດິບ​ຈ້ຳ​ເກືອ​ກິນ​ໄດ້, ໝາກ​ສຸກ​ສາມ​າດ​ເອົາ​ໄປ​ໝັກ​ເຮັດ​ເຫລົ້າ​ແວັງ, ເຮັດ​ນ້ຳ​ສົ້ມ​ສາຍ​ຊູ ຫລື ເຄື່ອງ​ດື່ມ​ຊະ​ນິ​ດ​ອື່ນໆ​ໄດ້.
  • ແກ່ນ​ໝາກ​ມ່ວງຫິ​ມະ​ພານສາມ​າດ​ເອົາ​ໄປ​ແປ​ຮູບ​ເປັນ​ຜະ​ລິດ​ຕະ​ພັນ​ໄດ້ ເຊັ່ນ : ແກ່ນໝາກ​ມ່ວງຫິ​ມະ​ພານ​ອົບ​ເກືອ, ແກ່ນໝາກ​ມ່ວງຫິ​ມະ​ພານ​ຂົ້ວ, ອົບ​ເນີຍ, ອົບ​ນ້ຳ​ເຜິ້ງ ເປັນ​ຕົ້ນ.
  • ຄຳ​ແນະ​ນຳ​ໃນ​ການ​ກິນ : ​ແກ່ນໝາກ​ມ່ວງຫິ​ມະ​ພານຈະ​ມີ​ນ້ຳ​ມັນ​ຫລາຍ ແລະ ໃຫ້​ພະ​ລັງ​ງານ​ສູງ ດັ່ງ​ນັ້ນ​ຈຶ່ງບໍ່​ຄວນ​ກິນ​ໃນ​ປະ​ລິ​ມານ​ຫລາຍ​ເກີນ​ໄປ ຫລື ເທື່ອ​ໜຶ່ງບໍ່​ຄວນ​ກິນ​ຫລາຍ​ເກີນ 10 ແກ່ນ.
ສັບ​ພະ​ຄຸນ​ດີໆ​ຈາກໝາກ​ມ່ວງ​ຫິ​ມະ​ພານ - Wave100S AD to Website 2020 0 - ສັບ​ພະ​ຄຸນ​ດີໆ​ຈາກໝາກ​ມ່ວງ​ຫິ​ມະ​ພານ
ສັບ​ພະ​ຄຸນ​ດີໆ​ຈາກໝາກ​ມ່ວງ​ຫິ​ມະ​ພານ - WhatsApp Image 2020 05 27 at 5 - ສັບ​ພະ​ຄຸນ​ດີໆ​ຈາກໝາກ​ມ່ວງ​ຫິ​ມະ​ພານ
ສັບ​ພະ​ຄຸນ​ດີໆ​ຈາກໝາກ​ມ່ວງ​ຫິ​ມະ​ພານ - WhatsApp Image 2020 05 27 at 5 - ສັບ​ພະ​ຄຸນ​ດີໆ​ຈາກໝາກ​ມ່ວງ​ຫິ​ມະ​ພານ
error: Alert: ເນື້ອຫາຂ່າວມີລິຂະສິດ !!