ຜູ້ນຳອາເມລິກາ, ຍີ່ປຸ່ນ, ອິນເດຍ, ອົດສະຕຣາລີ ຮ່ວມປະຊຸມກຸ່ມ Quad ເນັ້ນການຮ່ວມມືໃນພາກພື້ນອິນໂດ-ປາຊີຟິກ

ຜູ້ນຳອາເມລິກາ, ຍີ່ປຸ່ນ, ອິນເດຍ, ອົດສະຕຣາລີ ຮ່ວມປະຊຸມກຸ່ມ Quad ເນັ້ນການຮ່ວມມືໃນພາກພື້ນອິນໂດ-ປາຊີຟິກ -           4 - ຜູ້ນຳອາເມລິກາ, ຍີ່ປຸ່ນ, ອິນເດຍ, ອົດສະຕຣາລີ ຮ່ວມປະຊຸມກຸ່ມ Quad ເນັ້ນການຮ່ວມມືໃນພາກພື້ນອິນໂດ-ປາຊີຟິກ
ຜູ້ນຳອາເມລິກາ, ຍີ່ປຸ່ນ, ອິນເດຍ, ອົດສະຕຣາລີ ຮ່ວມປະຊຸມກຸ່ມ Quad ເນັ້ນການຮ່ວມມືໃນພາກພື້ນອິນໂດ-ປາຊີຟິກ - AGL banner - ຜູ້ນຳອາເມລິກາ, ຍີ່ປຸ່ນ, ອິນເດຍ, ອົດສະຕຣາລີ ຮ່ວມປະຊຸມກຸ່ມ Quad ເນັ້ນການຮ່ວມມືໃນພາກພື້ນອິນໂດ-ປາຊີຟິກ

ປະທານາທິບໍດີ ໂຈ ໄບເດນ ຂອງອາເມລິກາ ພ້ອມນາຍົກລັດຖະມົນຕີ ໂຢຊິຮິເດະ ຊູງະ ຂອງຍີ່ປຸ່ນ, ນາຍົກລັດຖະມົນຕີ ສະກອດ ມໍຣິສັນ ຂອງອົດສະຕຣາລີ ແລະ ນາຍົກລັດຖະມົນຕີ ນາເຣນທຣາ ໂມດີ ຂອງອິນເດຍ ອອກຖະແຫລງການຮ່ວມ ພາຍຫລັງກອງປະຊຸມ “ຈະຕຸພາຄີດ້ານຄວາມໝັ້ນຄົງ” ຫລື Quad (Quadrilateral Security Dialogue) ເຊິ່ງເປັນກຸ່ມການຮ່ວມມືດ້ານຄວາມໝັ້ນຄົງໃນພາກພື້ນອິນໂດ-ປາຊີຟິກ ທີ່ທຳນຽບຂາວໃນນະຄອນຫລວງວໍຊິງຕັນ ດີ.ຊີ. ເມື່ອວັນທີ 24 ກັນຍາ 2021 ໂດຍປະກາດຈຸດຢືນຮ່ວມກັນໃນການສົ່ງເສີມຄວາມສະຫງົບຮຽບຮ້ອຍຢ່າງເປີດກວ້າງ ແລະ ເສລີຕາມຫລັກກົດໝາຍສາກົນ ເພື່ອສະໜັບສະໜູນຄວາມໝັ້ນຄົງ ແລະ ຄວາມຈະເລີນຮຸ່ງເຮືອງໃນພາກພື້ນອິນໂດ-ປາຊີຟິກ ພ້ອມທັງຂະຫຍາຍການຮ່ວມມືທັງດ້ານວັກຊີນໂຄວິດ, ພະລັງງານສະອາດ, ເຕັກໂນໂລຊີ 5G ແລະ ເຕັກໂນໂລຊີອະວະກາດ.

“ເຮົາຢືນຢູ່ບ່ອນນີ້ນຳກັນໃນພາກພື້ນອິນໂດ-ປາຊີຟິກ ພາກພື້ນທີ່ເຮົາປາຖະໜາໃຫ້ມີເສລີພາບ ແລະ ປາສະຈາກການບີບບັງຄບ ບ່ອນທີ່ສິດທິປະຊາທິປະໄຕຂອງທຸກປະເທດໄດ້ຮັບການເຄົາລົບ ແລະ ບ່ອນທີ່ການແກ້ໄຂຂໍ້ຂັດແຍ່ງຕ່າງໆເປັນໄປຢ່າງສັນຕິ ແລະ ເປັນໄປຕາມກົດໝາຍສາກົນ” ຖະແຫລງການລະບຸ.

ນອກຈາກນີ້ ກອງປະຊຸມຍັງໄດ້ມີການຫາລືເລື່ອງການຮ່ວມມືທີ່ສຳຄັນໃນດ້ານຕ່າງໆ ເພື່ອຮັບມືຄວາມທ້າທາຍທີ່ເພີ່ມຂຶ້ນເຊັ່ນ:

  • ສະຖານະການໂຄວິດ ເຊິ່ງກອງປະຊຸມໄດ້ມີຂໍ້ລິເລີ່ມດ້ານວັກຊີນ ນັບແຕ່ກອງປະຊຸມຄັ້ງກ່ອນເມື່ອ 6 ເດືອນກ່ອນ ແລະ ມີຄວາມຄືບໜ້າໃນການເພີ່ມກຳລັງການຜະລິດວັກຊີນໃຫ້ເຖິງ 1 ພັນລ້ານໂດສ. ຂະນະທີ່ຜູ້ນຳອິນເດຍຢືນຢັນວ່າ: ກຽມກັບມາສົ່ງອອກວັກຊີນອີກໃນເດືອນຕຸລາ.
  • ເລັ່ງດຳເນີນງານເພື່ອຮັບມື ແລະ ເພີ່ມການເຝົ້າລະວັງບັນຫາສະພາບອາກາດປ່ຽນແປງ ແລະ ການສະໜັບສະໜູນການປ່ຽນຜ່ານສູ່ພະລັງງານສະອາດ ເພື່ອເປົ້າໝາຍໃນການຫລຸດການແຜ່ກະຈາຍຂອງແກັສກາກບອນໄດອອກໄຊຈົນເຫລືອສູນ.
  • ການຂະຫຍາຍການຮ່ວມມືໃນການພັດທະນາສະພາບແວດລ້ອມທີ່ເອື້ອອຳນວຍຕໍ່ການຕິດຕັ້ງ ແລະ ກະຈາຍສັນຍານ 5G.
  • ການແບ່ງປັນຂໍ້ມູນເຮັດປະມົງຜິດກົດໝາຍ ແລະ ບັນຫາທີ່ກ່ຽວຂ້ອງກັບສະຖານະການທາງທະເລ.
  • ການຈັດຕັ້ງຄະນະເຮັດວຽກເພື່ອການຮ່ວມມືດ້ານເຕັກໂນໂລຊີອະວະກາດ.
  • ການເພີ່ມການຮ່ວມມືດ້ານຄວາມປອດໄພທາງໄຊເບີໃນລະດັບຜູ້ນຳ.

ເຊິ່ງໃນຕອນຕົ້ນຂອງກອງປະຊຸມ ປະທານາທິບໍດີ ໂຈ ໄບເດນ ຍັງສະເໜີໂຄງການມອບທຶນໃຫ້ນັກສຶກສາຈາກປະເທດໃນກຸ່ມ Quad ສາມາດເຂົ້າສຶກສາລະດັບປະລິນຍາ ທັງດ້ານວິທະຍາສາດ, ເຕັກໂນໂລຊີ, ວິສະວະກຳ ແລະ ຄະນິດສາດ ຢູ່ມະຫາວິທະຍາໄລໃນອາເມລິການຳອີກ.

ທັງນີ້ກອງປະຊຸມຂອງກຸ່ມ Quad ມີຂຶ້ນຫລັງຈາກອາເມລິກາຈັບມືກັບອັງກິດ ແລະ ອົດສະຕຣາລີ ຕັ້ງພັນທະມິດໄຕພາຄີດ້ານຄວາມໝັ້ນຄົງໃນພາກພື້ນອິນໂດ-ປາຊີຟິກ ທີ່ເອີ້ນວ່າ AUKUS ໃນກາງເດືອນກັນຍາຜ່ານມາ ໂດຍຖືເປັນການເຄື່ອນໄຫວທີ່ສະແດງໃຫ້ເຫັນເຖິງຄວາມພະຍາຍາມຕໍ່ຕ້ານການຂະຫຍາຍອິດພິພົນຂອງຈີນໃນພາກພື້ນ. ຂະນະທີ່ ນາຍົກລັດຖະມົນຕີ ຊູງະ ຜູ້ນຳຍີ່ປຸ່ນ ກ່າວໃນກອງປະຊຸມວ່າ: ການຕັ້ງກຸ່ມ AUKUS ນັ້ນມີບົດບາດສຳຄັນໃນການຮັກສາສະຖຽນລະພາບ ແລະ ສັນຕິພາບໃນພາກພື້ນອິນໂດ-ປາຊີຟິກ.

ອ້າງອີງ:

ຜູ້ນຳອາເມລິກາ, ຍີ່ປຸ່ນ, ອິນເດຍ, ອົດສະຕຣາລີ ຮ່ວມປະຊຸມກຸ່ມ Quad ເນັ້ນການຮ່ວມມືໃນພາກພື້ນອິນໂດ-ປາຊີຟິກ - lattana banner - ຜູ້ນຳອາເມລິກາ, ຍີ່ປຸ່ນ, ອິນເດຍ, ອົດສະຕຣາລີ ຮ່ວມປະຊຸມກຸ່ມ Quad ເນັ້ນການຮ່ວມມືໃນພາກພື້ນອິນໂດ-ປາຊີຟິກ
ຜູ້ນຳອາເມລິກາ, ຍີ່ປຸ່ນ, ອິນເດຍ, ອົດສະຕຣາລີ ຮ່ວມປະຊຸມກຸ່ມ Quad ເນັ້ນການຮ່ວມມືໃນພາກພື້ນອິນໂດ-ປາຊີຟິກ -    AD conten website - ຜູ້ນຳອາເມລິກາ, ຍີ່ປຸ່ນ, ອິນເດຍ, ອົດສະຕຣາລີ ຮ່ວມປະຊຸມກຸ່ມ Quad ເນັ້ນການຮ່ວມມືໃນພາກພື້ນອິນໂດ-ປາຊີຟິກ
ຜູ້ນຳອາເມລິກາ, ຍີ່ປຸ່ນ, ອິນເດຍ, ອົດສະຕຣາລີ ຮ່ວມປະຊຸມກຸ່ມ Quad ເນັ້ນການຮ່ວມມືໃນພາກພື້ນອິນໂດ-ປາຊີຟິກ - lattana banner 1 - ຜູ້ນຳອາເມລິກາ, ຍີ່ປຸ່ນ, ອິນເດຍ, ອົດສະຕຣາລີ ຮ່ວມປະຊຸມກຸ່ມ Quad ເນັ້ນການຮ່ວມມືໃນພາກພື້ນອິນໂດ-ປາຊີຟິກ
error: Alert: ເນື້ອຫາຂ່າວມີລິຂະສິດ !!