WHO ເຕືອນ ໂຄວິດອາດລະບາດຕໍ່ເນື່ອງໃນປີ 2022 ຮຽກຮ້ອງປະເທດຮັ່ງມີເລັ່ງບໍລິຈາກວັກຊີນ ໃຫ້ປະເທດທຸກຍາກຕາມທີ່ສັນຍາ
ອົງການອະນາໄມໂລກ (WHO) ເຕືອນວ່າ: ການລະບາດຂອງໂຄວິດອາດດຳເນີນຕໍ່ເນື່ອງໄປອີກ 1 ປີ ເນື່ອງຈາກປະເທດທຸກຍາກຍັງບໍ່ໄດ້ຮັບວັກຊີນທີ່ຈຳເປັນ.
ດຣ. ບຣູ ອາຍເວິດ ຜູ້ບໍລິຫານລະດັບສູງຂອງ WHO ກ່າວວ່າ: ເວລານີ້ມີປະຊາກອນບໍ່ເຖິງ 5% ໃນອາຟຣິກາທີ່ໄດ້ຮັບວັກຊີນແລ້ວ ທຽບໃສ່ທະວີບອື່ນໆທີ່ໄດ້ວັກຊີນແລ້ວປະມານ 40% ສົ່ງຜົນໃຫ້ມີທ່າອ່ຽງສູງທີ່ການລະບາດຂອງໂຄວິດອາດລາກຍາວໄປຈົນເຖິງປີ 2022.
ທ່ານຍັງຮຽກຮ້ອງໃຫ້ປະເທດຮັ່ງມີສະຫລະສິດການຈອງວັກຊີນກັບບໍລິສັດຢາໃນໄລຍະຜ່ານມາ ເພື່ອເອົາໄປຈັດສັນໃຫ້ປະເທດລາຍໄດ້ຕໍ່າສຸດແທນ ລວມທັງຮຽກຮ້ອງໃຫ້ປະເທດຮັ່ງມີເຮັດຕາມຄຳໝັ້ນສັນຍາທີ່ໃຫ້ໄວ້ໃນເວທີ G7 ຫລື ກອງປະຊຸມອື່ນໆ ໃຫ້ບໍລິຈາກວັກຊີນຊ່ວຍເຫລືອປະເທດທຸກຍາກທີ່ກຳລັງຂາດເຂີນ.
ທັງນີ້, ກຸ່ມພັນທະມິດອົງກອນການກຸສົນ The People’s Vaccine ເປີດເຜີຍຕົວເລກຊີ້ວ່າ: ປັດຈຸບັນມີພຽງ 1 ໃນ 7 ຂອງວັກຊີນຈາກບໍລິສັດຢາ ແລະ ປະເທດຮັ່ງມີທີ່ຖືກສົ່ງໄປປະເທດທຸກຍາກຕາມທີ່ສັນຍາໄວ້.
ອ້າງອີງ:
