ເອັມບັບເປ ສູສີ ຮາແລນ, ດາວຮຸ່ງ ເຣອັນ ມາດຣິດ ມາແຮງ ! 10 ອັນດັບນັກເຕະທີ່ຄ່າຕົວປະເມີນແພງທີ່ສຸດໃນປີ 2022
January 5, 2022 - 5:17 PM
ອັບເດດ 10 ນັກເຕະຄ່າຕົວແພງທີ່ສຸດໃນໂລກປະຈຳເດືອນມັງກອນ ປີ 2022 ອັນດັບ 1 ຍັງຄົງເປັນ ຄີລີຢັນ ເອັມບັບເປ ສ່ວນ ເອີລິງ ຮາແລນ ຕາມມາບໍ່ຫ່າງ, ຂະນະທີ່ ດາວເຕະ ເຣອັນ ມາດຣິດ ມາແຮງແຊງຂຶ້ນມາຢູ່ທີ 3 ຮ່ວມ.
ຄີລີຢັນ ເອັມບັບເປ ກອງໜ້າຄົນເກ່ັງຂອງ ປາຣີສ ແຊັງແຊັກແມັງ ຍັງຄົງເປັນນັກເຕະທີ່ຄາດວ່າຈະມີມູນຄ່າສູງທີ່ສຸດໃນໂລກໃນເວລານີ້ຢູ່ທີ່ 160 ລ້ານເອີໂຣ ອີງຕາມການລາຍງານຈາກເວັບໄຊທ໌ Transfer Market. ໃນວັນອັງຄານທີ 4 ມັງກອນນີ້.
ຂະນະທີ່ ເອລິງ ຮາແລນ ດາວຍິງໂບຣຸສເຊຍ ດອດມຸນ ມາຢູ່ອັນດັບ 2 ດ້ວຍລາຄາປະມານ 150 ລ້ານເອີໂຣ ສ່ວນ ວີນິຊິສ ຈູເນຍ ປີກ ເຣອັນ ມາດຣິດ ໂດດຈາກບໍ່ມີອັນດັບ 10 ຂຶ້ນມາຮ່ວມເປັນທີ 3 ໃນເດືອນນີ້, ດ້ວຍຄ່າຕົວມູນຄ່າ 100 ລ້ານເອີໂຣ
10 ອັນດັບນັກເຕະຄ່າຕົວປະເມີນທີ່ແພງທີ່ສຸດໃນເວລານີ້
- ຄີລີຢັນ ເອັມບັບເປ ອາຍຸ 23 ສະໂມສອນ ປາຣີສ ແຊັງແຊັກແມັງ ຄ່າຕົວປະເມີນ 160 ລ້ານຢູໂຣ.
- ເອລິງ ຮາແລນ ອາຍຸ 21 ປີ ສະໂມສອນ ດອດມຸນ ຄ່າຕົວປະເມີນ 150 ລ້ານຢູໂຣ
- ວີນິຊິສ ຢູນີໂອ ອາຍຸ 21 ປີ ສະໂມສອນ ເຣອັນ ມາດຣິດ ຄ່າຕົວປະເມີນ 100 ລ້ານຢູໂຣ.
- ໂມຮາເໝັດ ຊາລາ ອາຍຸ 29 ປີ ສະໂມສອນ ລິເວີພູລ ຄ່າໂຕປະເມີນ 100 ລ້ານຢູໂຣ.
- ແຮຣີ ເຄນ ອາຍຸ 28 ປີ ສະໂມສອນ ສະເປີ ຄ່າໂຕປະເມີນ 100 ລ້ານຢູໂຣ.
- ໂຣເມລູ ລູກາກູ ອາຍຸ 28 ປີ ສະໂມສອນ ເຊລຊີ ຄ່າຕົວປະເມີນ 100 ລ້ານຢູໂຣ.
- ບຣູໂນ ເຟີນານເດດ ອາຍຸ 27 ປີ ສະໂມສອນ ແມນເຊສເຕີ ຢູໄນເຕັດ ຄ່າຕົວປະເມີນ 90 ລ້ານຢູໂຣ.
- ເຄວິນ ເດິ ບຣອຍ ອາຍຸ 30 ປີ, ສະໂມສອນ ແມນຊິຕີ້ 90 ລ້ານຢູໂຣ.
- ເນມາ ອາຍຸ 29 ສະໂມສອນ ປາຣີສ ແຊັງແຊັກແມັງ ຄ່າຕົວປະເມີນ 90 ລ້ານຢູໂຣ.
- ຟິລ ໂຟເດັນ ອາຍຸ 21 ປີ ສະໂມສອນ ແມນຊິຕີ້ ຄ່າຕົວປະເມີນ 85 ລ້ານຢູໂຣ.
- ຈາດອນ ຊານໂຊ ອາຍຸ 21 ສະໂມສອນ ແມນເຊັສເຕີ ຢູໄນເຕັດ ຄ່າໂຕປະເມີນ 85 ລ້ານຢູໂຣ.
- ມາຄັສ ແຣສຟອສ ອາຍຸ 24 ປີ ສະໂມສອນ ແມນເຊສເຕີ ຢູໄນເຕັດ ຄ່າຕົວປະເມີນ 85 ລ້ານຢູໂຣ.
- ໂຢຊົວ ຄິມມິກ ອາຍຸ 28 ປີ ສະໂມສອນ ບາເຢິນ ມິວນິກ ຄ່າຕົວປະເມີນ 85 ລ້ານຢູໂຣ.
- ຣາຮິມ ສະເຕີລິງ ອາຍຸ 27 ປີ ສະໂມສອນ ແມນຊິຕີ ຄ່າຕົວປະເມີນ 85 ລ້ານຢູໂຣ.
