2 ນັກກິລາຄາຣາເຕໂດ ຍາດໄດ້ 2 ຫຼຽນທອງແດງ ໃຫ້ກັບ ທີມຊາດລາວ

ການແຂ່ງຂັນ ຄາຣາເຕໂດ ຊິງແຊ້ມ ອາຊີຕາເວັນອອກສຽງໃຕ້ ຄັ້ງທີ 9 ຫລື The 9 th SEAKF Championship 2022 ທີ່ ປະເທດກຳປູເຈຍ ລະຫວ່າງວັນທີ 21-28 ມີນາ 2022.
ໃນການແຂ່ງຂັນຢູ່ ນະຄອນຫລວງພະນົມເປນ ປະເທດກຳປູເຈຍ ມີການຊິງໄຊ 16 ລາຍການ, ເຊິ່ງເປັນລາຍການໃຫ່ຍລະດັບ ອາຊ້ຽນ ເປັນຮອງພຽງ ຊີເກມ ໃນລະດັບພາກພື້ນ ຂອງກິລາ ຄາຣາເຕໂດ ເຊິ່ງມີ ປະເທດເຂົ້າຮ່ວມຫລາຍກວ່າ 9 ປະເທດ, ປະເທດລາວ ສົ່ງນັກກິລາເຂົ້າຮ່ວມທັງໝົດ 4 ຄົນ ເປັນຍິງ 2 ຄົນໄດ້ແກ່
1. ທ້າວ ພອນປະເສີດ ຣາສະສິມມາ ປະເພດຕໍ່ສູ້ ດ່ຽວຊາຍ ນຳໜັກ -60Kg ຈາກສະໂມສອນ ໂຊໂຕກັນ ຄາຣາເຕໂດ
2. ທ້າວ ວັດທະນາ ໄຊຍະສານ ປະເພດຕໍ່ສູ້ ດ່ຽວຊາຍ ນຳໜັກ +84Kg ຈາກສະໂມສອນ ສີໂຄດ
3. ນາງ ສິລິວິມົນ ສິລິມຸງຄຸນ ປະເພດຕໍ່ສູ້ ດ່ຽວຍິງ -61Kg ຈາກສະໂມສອນ ສີໂຄດ
4. ນາງ ຕຸກຕາ ມຸກດາວົງ ປະເພດຕໍ່ສູ້ ດ່ຽວຍິງ ນຳໜັກ -55Kg ຈາກ ໂຮງຮຽນ ພອນສະຫວັນ ກິລາ ກາຍະກຳ.

ຜ່ານການແຂ່ງຂັນອັນດຸເດືອດ ນັກກິລາ ສປປ ລາວ ສາມາດ ຍາດໄດ້ 2 ຫລຽນທອງ ຄື: ທ້າວ ພອນປະເສີດ ຣາສະສິມມາ ຊະນະ ນັກກິລາຈາກ ສິງກະໂປ 3-1 ແລະ ທ້າວ ວັດທະນາ ໄຊຍະສານ ຊະນະ ເຈົ້າພາບກຳປູເຈຍ 7-4ເຊິ່ງໄຊຊະນະທີ່ທັງສອງນັກກິລາລາວຍາດມາໄດ້ນັ້ນ ສ້າງຊື່ສຽງ ແລະ ຄວາມພູມໃຈ ໃຫ້ແກ່ນັກກິລາລາວ ທີ່ສົ່ງເຂົ້າຮ່ວມ 4 ລາຍການສາມາດ ຍາດໄດ້ 2 ລາງວັນ, ເປັນອີກບາດກ້າວ 1 ໃນການພັດທະນາ ແລະ ເປັນປະສົບການ ທີ່ດີໃຫ້ແກ່ນັກກິລາທຸກຄົນ ໃນການກຽມຕົວເຂົ້າແຂ່ງຂັນຊີເກມ 2022 ທີ່ ສສ ຫວຽດນາມ ເປັນເຈົ້າພາບ ທີ່ກຳລັງຈະມາເຖິງ ໃນເດືອນ ພຶດສາພາ 2022 ນີ້.
ຂໍ້ມູນອ້າງອີງ: Lao KaratedoFederation-LKF