ເມື່ອທາງຍ່າງກາຍເປັນບ່ອນຈອດລົດ
ການຖືເບົາເວົ້າຄວາມງ່າຍ ແລະ ການບໍ່ພິຈາລະນາຄົ້ນຄິດຖີ່ຖ້ວນເປັນບົດພິສູດທີ່ສາມາດຊີ້ໃຫ້ເຫັນຄວາມຜິດພາດຂອງພາກສ່ວນກ່ຽວຂ້ອງລວມທັງບັນດານັກຂັບຂີ່ລົດທັງຫລາຍ ຊຶ່ງຄວາມຈິງ ແລ້ວທຸກການກໍ່ສ້າງ ເພື່ອການນຳໃຊ້ ດັ່ງ ທາງຍ່າງ ຊຶ່ງຄໍາວ່າ ທາງຍ່າງ ບໍ່ຈຳເປັນອະທິບາຍ ພຽງແຕ່ຊື່ກໍຮູ້ແລ້ວ, ແຕ່ບັນຫາ ການນໍາໃຊ້ຜົນປະໂຫຍດຈາກມັນຖືກເປົ້າໝາຍໜ້ອຍຫລາຍສໍ່າໃດ ຊຶ່ງເທົ່າທີ່ສັງເກດເຫັນທັງປັດຈຸບັນແລະ ຜ່ານມາຢູ່ນະຄອນຫລວງວຽງຈັນໄດ້ຫັນເອົາ ບາງເສັ້ນທາງຍ່າງ ມາເປັນບ່ອນຈອດລົດ.
ທັງນີ້ມີບາງທາງ ຍ່າງຢູ່ເຂດນັ້ນມີເຮືອນ, ຮ້ານອາ ຫານຮ້ານກິນດື່ມ, ສຳນັກງານຫ້ອງການທັງພາກລັດ ແລະ ເອກະຊົນ ຢ່າງຫລວງຫລາຍໂດຍສິ່ງທີ່ຈະຕາມ ມາໃຫ້ຄົ້ນຄິດກັນຄື ຄວາມເປັນລະບຽບຮຽບຮ້ອຍ, ຄວາມສະຫງົບ ປອດໄພ ແລະ ສະພາບການສັນຈອນ ໄປມາສັບສົນ ຫລື ບໍ່? ປອດໄພ ຫລື ບໍ່, ສ່ຽງຕໍ່ການເກີດອຸບັດ ຕິເຫດ ຫລື ບໍ່? ແລ້ວຈະແກ້ໄຂແນວໃດ?
ຍົກບັນຫານີ້ຂຶ້ນມາເພື່ອຄິດນຳກັນວ່າ: ຄວນ ຫລື ບໍ່ຄວນ? ຢ່າມົວເຫັນແຕ່ຄວາມສະດວກສະບາຍຂອງ ຕົນພຽງຝ່າຍດຽວ ເພາະມັນເປັນການທຳລາຍຄວາມງົດງາມທີ່ເຮົາມີຢູ່ໃຫ້ເສຍໄປ. ດີທີ່ສຸດ ຂໍ ໃຫ້ຄິດເຖິງ ຄວາມປອດໄພໃນການສັນຈອນໄປມາຂອງຄົນຍ່າງແດ່ ຄິດເຖິງຄວາມຈະເລີນທາງຈິດໃຈຂອງໂຕເອງ ພ້ອມ.
