ຈີນ-ຣັດເຊຍ ຮັດແໜ້ນດ້ານການຮ່ວມມືຫລາຍດ້ານ ເພື່ອເພີ່ມຄວາມແນ່ນອນເຂົ້າໃນສະຖານະການຂອງໂລກທີ່ສັບສົນວຸ່ນວາຍ

- 308566135 1991855044351599 8115691879785143571 n - ຈີນ-ຣັດເຊຍ ຮັດແໜ້ນດ້ານການຮ່ວມມືຫລາຍດ້ານ ເພື່ອເພີ່ມຄວາມແນ່ນອນເຂົ້າໃນສະຖານະການຂອງໂລກທີ່ສັບສົນວຸ່ນວາຍ
- 16583075379783 - ຈີນ-ຣັດເຊຍ ຮັດແໜ້ນດ້ານການຮ່ວມມືຫລາຍດ້ານ ເພື່ອເພີ່ມຄວາມແນ່ນອນເຂົ້າໃນສະຖານະການຂອງໂລກທີ່ສັບສົນວຸ່ນວາຍ
ຕາມ​ການລາຍງານຂ່າວ​ຂອງ cri ,​ ເມື່ອ​ບໍ່​ດົນ​ມາ​ນີ້, ທ່ານ ສີ ຈິ້ນຜິງ, ປະທານ ປະເທດຈີນ ໄດ້ພົບປະເຈລະຈາກັບ ທ່ານວາລະດີເມຍ ປູຕິນ, ປະທານາທິບໍດີຣັດເຊຍຢູ່ຫໍຮັບແຂກຊາມາຄານຂອງອຸດສະເບກິດສະຖານ ​ໂດຍ​ທັງສອງຝ່າຍໄດ້ແລກປ່ຽນຄວາມຄິດຄວາມເຫັນກ່ຽວກັບການພົວພັນລະຫວ່າງຈີນ-ຣັດເຊຍກໍຄືບັນຫາສາກົນ ແລະ ພາກພື້ນທີ່ສອງຝ່າຍສົນໃຈຮ່ວມກັນ.
ທ່ານ ສີ ຈິ້ນຜິງ ​ໄດ້ຊີ້ໃຫ້ເຫັນວ່າ: ແຕ່ປີນີ້ເປັນຕົ້ນມາ, ຈີນ ແລະ ຣັດເຊຍໄດ້ຮັກສາການຕິດຕໍ່ພົວພັນທາງຍຸດທະສາດທີ່ມີປະສິດທິຜົນສູງສົມຄວນ. ການຮ່ວມມືລະຫວ່າງສອງປະເທດໃນຂົງເຂດຕ່າງໆໄດ້ຮັບການຊຸກຍູ້ຢ່າງໜັກແໜ້ນເປັນກ້າວໆ, ກິດຈະກຳປີແລກປ່ຽນດ້ານກິລາໄດ້ດຳເນີນໄປຢ່າງເປັນລະບຽບຮຽບຮ້ອຍ, ການຮ່ວມມືລະດັບທ້ອງຖິ່ນ ແລະ ການແລກປ່ຽນດ້ານວັດທະນະທຳມີຄວາມແໜ້ນແຟ້ນຂຶ້ນຫລາຍກວ່າເກົ່າ, ໄດ້ປະສານງານກັນຢ່າງແໜ້ນແຟ້ນໃນເວທີສາກົນ, ໄດ້ປົກປັກຮັກສາຫລັກການພື້ນຖານຂອງການພົວພັນສາກົນ.
ໂດຍຜະເຊີນໜ້າກັບການປ່ຽນແປງ ຂອງໂລກ, ການປ່ຽນແປ່ງ ແຫ່ງ ຍຸກສະໄໝ ແລະ ການປ່ຽນແປງ ທາງປະຫວັດສາດ, ຈີນ ຍິນດີ ທຳຄວາມ ພະຍາຍາມ ຮ່ວມກັນກັບ ຣັດເຊຍ, ສະແດງ ໃຫ້ເຫັນ ຄວາມຮັບຜິດຊອບ ຂອງປະເທດໃຫຍ່, ເສີມຂະຫຍາຍ ບົດບາດ ນຳໜ້າ, ເພື່ອເພີ່ມຄວາມແນ່ນອນເຂົ້າໃນສະຖານະການຂອງໂລກທີ່ສັບສົນວຸ່ນວາຍ ​ແລະ ຈີນຍິນດີຮ່ວມກັບຣັດເຊຍໃຫ້ການສະໜັບສະໜູນເຊິ່ງກັນ ແລະ ກັນໃນບັນຫາທີ່ກ່ຽວພັນເຖິງ ຜົນປະໂຫຍດໃຈກາງຂອງກັນ ແລະ ກັນ, ລົງເລິກການຮ່ວມມື ທີ່ແທ້ຈິງໃນຂົງເຂດການຄ້າ, ກະສິກຳ, ການເຊື່ອມໂຍງ ເຊື່ອມຈອດກັນ ແລະ ຂົງເຂດອື່ນໆ. ພ້ອມທັງເພີ່ມທະວີການປະສານງານກັນ ແລະ ປະສານສົມທົບກັນ, ຮ່ວມກັນປົກປັກຮັກສາຜົນປະໂຫຍດດ້ານຄວາມໝັ້ນຄົງ ຂອງພາກພື້ນແຫ່ງນີ້,ປົກປັກ ຮັກສາຜົນປະໂຫຍດຮ່ວມກັນຂອງບັນດາປະເທດພວມພັດທະນາ ແລະ ປະເທດທີ່ເປັນຕະຫລາດຈະເລີນໃໝ່.
ຈາກ​ນັ້ນ ທ່ານປູຕິນ ກ່າວວ່າ: ໂລກໃນປັດຈຸບັນພວມເກີດມີການປ່ຽນແປງຢ່າງຫລວງຫລາຍ, ແຕ່ສິ່ງທີ່ບໍ່ໄດ້ມີການປ່ຽນແປງມາໂດຍຕະຫລອດພຽງອັນດຽວແມ່ນມິດຕະພາບ ແລະ ຄວາມໄວ້ເນື້ອເຊື່ອໃຈກັນລະຫວ່າງຣັດເຊຍ-ຈີນ, ການພົວພັນຄູ່ຮ່ວມປະສານງານຍຸດທະສາດຮອບດ້ານລະຫວ່າງສອງປະເທດໄດ້ມີຄວາມໝັ້ນຄົງຂະໜົງແກ່ນ. ຣັດເຊຍຍິນດີຮ່ວມກັບຈີນລົງເລິກ ແລະປັບປຸງການຕິດຕໍ່ພົວພັນ ແລະ ການປະສານງານກັນລະຫວ່າງສອງຝ່າຍ ແລະ ຫລາຍຝ່າຍໃຫ້ດີຂຶ້ນ, ເປີດກວ້າງການຮ່ວມມືໃນຂົງເຂດທີ່ສຳຄັນຕ່າງໆເຊັ່ນ: ເສດຖະກິດການຄ້າ ແລະ ພະລັງງານ ເປັນຕົ້ນ.
- lattana banner - ຈີນ-ຣັດເຊຍ ຮັດແໜ້ນດ້ານການຮ່ວມມືຫລາຍດ້ານ ເພື່ອເພີ່ມຄວາມແນ່ນອນເຂົ້າໃນສະຖານະການຂອງໂລກທີ່ສັບສົນວຸ່ນວາຍ
-    AD conten website - ຈີນ-ຣັດເຊຍ ຮັດແໜ້ນດ້ານການຮ່ວມມືຫລາຍດ້ານ ເພື່ອເພີ່ມຄວາມແນ່ນອນເຂົ້າໃນສະຖານະການຂອງໂລກທີ່ສັບສົນວຸ່ນວາຍ
- lattana banner 1 - ຈີນ-ຣັດເຊຍ ຮັດແໜ້ນດ້ານການຮ່ວມມືຫລາຍດ້ານ ເພື່ອເພີ່ມຄວາມແນ່ນອນເຂົ້າໃນສະຖານະການຂອງໂລກທີ່ສັບສົນວຸ່ນວາຍ
error: Alert: ເນື້ອຫາຂ່າວມີລິຂະສິດ !!