ເມືອງປາກງື່ມຍັງເປັນເມືອງທຸກຍາກ ຈະສູ້ຊົນປະກາດເປັນເມືອງພົ້ນທຸກພາຍໃນປີນີ້

- 327979129 1996767410666243 7946109603857502845 n - ເມືອງປາກງື່ມຍັງເປັນເມືອງທຸກຍາກ ຈະສູ້ຊົນປະກາດເປັນເມືອງພົ້ນທຸກພາຍໃນປີນີ້
- kitchen vibe - ເມືອງປາກງື່ມຍັງເປັນເມືອງທຸກຍາກ ຈະສູ້ຊົນປະກາດເປັນເມືອງພົ້ນທຸກພາຍໃນປີນີ້

ທ່ານ ຄໍາໝູນ ຕຽງທາລາດ  ເຈົ້າເມືອງປາກງື່ມ  ນະຄອນຫລວງວຽງຈັນ ໃຫ້ສໍາພາດຜ່ານວິທະຍຸກະຈາຍສຽງແຫ່ງຊາດລາວ ວັນທີ 9 ກຸມພາ 2023 ຜ່ານມານີ້ວ່າ: ສໍາລັບເມືອງປາກງື່ມ ມີທັງໝົດ 53 ບ້ານ, ມີ 11.448 ຄົວເຮືອນ, ພົນລະເມືອງທັງໝົດ 57.880 ຄົນ, ຍິງ 29.128 ຄົນ ເຊິ່ງປະກອບດ້ວຍ 10 ຊົນເຜົ່າ ຄື: ຊົນເຜົ່າລາວ, ຊົນເຜົ່າມົ້ງ, ຊົນເຜົ່າອິວມຽນ, ຊົນເຜົ່າໄທເໜືອ, ຊົນເຜົ່າໄຕ, ຊົນ ເຜົ່າຜູ້ໄທ, ຊົນເຜົ່າຫໍ້, ຊົນເຜົ່າກຶມມຸ, ຊົນເຜົ່າລະວີ ແລະ ຊົນເຜົ່າຜູ້ນ້ອຍ, ໃນນັ້ນ, ຊົນເຜົ່າລາວ ກວມເປັນສ່ວຍໃຫຍ່.

ປັດຈຸບັນ, ປາກງື່ມ ຍັງຈັດເປັນເມືອງທຸກຍາກ ເພາະຖ້າປະເມີນຕາມດຳລັດ 348/ລບ ວ່າດ້ວຍມາດຕະຖານພົ້ນທຸກ ແລະ ມາດຕະຖານພັດທະນາ, ທົ່ວເມືອງຍັງເຫລືອບ້ານທຸກຍາກ 2 ບ້ານ ຄື: ບ້ານໜອງດົງ ແລະ ບ້ານຝັ່ງແດງ.

- Visit Laos Visit SALANA BOUTIQUE HOTEL - ເມືອງປາກງື່ມຍັງເປັນເມືອງທຸກຍາກ ຈະສູ້ຊົນປະກາດເປັນເມືອງພົ້ນທຸກພາຍໃນປີນີ້

ກ່ອນໜ້ານີ້ ບ້ານໜອງດົງ ແລະ ບ້ານຝັ່ງແດງ ຍັງທຸກຍາກ ຍ້ອນບໍ່ມີເສັ້ນທາງເຂົ້າເຖິງເຮັດໃຫ້ການສັນຈອນໄປ-ມາ ພົບຄວາມຫຍຸ້ງຍາກຫລາຍ, ແຕ່ມາຮອດປັດຈຸບັນ ການບຸກທະລຸເສັ້ນທາງເຂົ້າຫາສອງບ້ານດັ່ງກ່າວໄດ້ສໍາເລັດຮຽບຮ້ອຍແລ້ວ ການໄປມາມີຄວາມສະດວກສະບາຍຫລາຍ.

ປັດຈຸບັນ, ຈໍານວນຄອບຄົວທຸກຍາກທົ່ວເມືອງຍັງເຫລືອ 1.630 ຄອບຄົວ, ອົງການປົກຄອງເມືອງໄດ້ເກັບກໍາຂໍ້ມູນລະອຽດ ໂດຍອີງຕາມດຳລັດ 348/ລບ, ຖ້າເຫັນວ່າຄອບຄົວໃດຍັງຂາດມາດຖານໃດ ແມ່ນມອບໃຫ້ຂະແໜງການທີ່ກ່ຽວຂ້ອງຂອງເມືອງປະສານກັບພະແນກທີ່ກ່ຽວຂ້ອງຂອງນະຄອນຫລວງ ແລະ ກະຊວງທີ່ກ່ຽວຂ້ອງ ລົງໄປຫາວິທີແກ້ໄຂຕາມຄວາມເໝາະສົມ.

ພ້ອມນີ້ ໄດ້ແຕ່ງຕັ້ງໃຫ້ບັນດາຄະນະປະຈໍາຂັ້ນເມືອງທີ່ປະຈໍາຢູ່ແຕ່ລະກຸ່ມບ້ານສົມທົບກັບພາກສ່ວນທີ່ກ່ຽວຂ້ອງຂອງເມືອງເປັນເຈົ້າການຊຸກຍູ້ແກ້ໄຂ ໂດຍອີງໃສ່ທ່າແຮງ ແລະ ເງື່ອນໄຂຕົວຈິງ ເພື່ອເຮັດໃຫ້ຄອບຄົວທຸກຍາກໃນເຂດຮັບຜິດຊອບຂອງຕົນຫລຸດພົ້ນອອກຈາກຄວາມທຸກຍາກ ແລະ ເຮັດໃຫ້ເມືອງປາກງື່ມ ໄດ້ຮັບການປະກາດໃຫ້ເປັນເມືອງພົ້ນທຸກພາຍໃນປີ 2023 ນີ້.

 

- 5 - ເມືອງປາກງື່ມຍັງເປັນເມືອງທຸກຍາກ ຈະສູ້ຊົນປະກາດເປັນເມືອງພົ້ນທຸກພາຍໃນປີນີ້
- 4 - ເມືອງປາກງື່ມຍັງເປັນເມືອງທຸກຍາກ ຈະສູ້ຊົນປະກາດເປັນເມືອງພົ້ນທຸກພາຍໃນປີນີ້
- 3 - ເມືອງປາກງື່ມຍັງເປັນເມືອງທຸກຍາກ ຈະສູ້ຊົນປະກາດເປັນເມືອງພົ້ນທຸກພາຍໃນປີນີ້