ສປປລາວ ມີແຮ່ທາດຫາຍາກຫຼາຍຊະນິດ ທີ່ເປັນທາ່ແຮງໃນການພັດທະນາເສດຖະກິດ-ສັງຄົມຂອງປະເທດ

- 324244838 5686078141518528 2188733997645215738 n - ສປປລາວ ມີແຮ່ທາດຫາຍາກຫຼາຍຊະນິດ ທີ່ເປັນທາ່ແຮງໃນການພັດທະນາເສດຖະກິດ-ສັງຄົມຂອງປະເທດ
- kitchen vibe - ສປປລາວ ມີແຮ່ທາດຫາຍາກຫຼາຍຊະນິດ ທີ່ເປັນທາ່ແຮງໃນການພັດທະນາເສດຖະກິດ-ສັງຄົມຂອງປະເທດ

ທ່ານ ສຸລິຍາ ແສງດາລາວົງ  ຮອງຫົວໜ້າຫ້ອງການກະຊວງ ພະລັງງານ ແລະ ບໍ່ແຮ່ ກ່າວໃນໂອກາດເຂົ້າຮ່ວມ ກອງປະຊຸມລະດົມແນວຄວາມຄິດຕໍ່ຮ່າງດຳລັດຂອງ ລັດຖະບານ ວ່າດ້ວຍແຮ່ທາດຫາຍາກ ທີ່ ແຂວງບໍລິຄຳໄຊ  ວັນທີ  10 ກຸມພາ 2023 ຜ່ານມານີ້ ວ່າ: ເພື່ອເປັນການຜັນຂະຫຍາຍເນື້ອໃນແຈ້ງການຂອງຫ້ອງວ່າການສຳນັກງານນາຍົກລັດຖະມົນຕີ, ມະຕິຂອງຄະນະປະຈຳສະພາແຫ່ງຊາດ ວ່າດ້ວຍການຍົກເວັ້ນບາງເນື້ອໃນມາດຕາຂອງກົດໝາຍວ່າດ້ວຍ ແຮ່ທາດ ທີ່ພົວພັນກັບການລົງທຶນພັດທະນາແຮ່ທາດຫາຍາກ ຢູ່ ສປປ ລາວ ເພື່ອຄັດເລືອກເອົານັກລົງທຶນທີ່ເຮັດແທ້ທຳຈິງ, ເປັນມືອາຊີບ, ມີປະສົບການ, ມີທຶນຮອນ, ມີນັກວິຊາການທີ່ຊຳນານງານ, ມີມາດຕະການປ້ອງກັນ ແລະ ຫຼຸດຜ່ອນຜົນກະທົບຕໍ່ສິ່ງແວດລ້ອມສັງຄົມ ແລະ ທຳມະຊາດ ແລະ ອື່ນໆ ເພື່ອຮັບປະກັນການປົກປັກຮັກສາ, ຄຸ້ມຄອງ ແລະ ນຳໃຊ້ແຮ່ທາດຫາຍາກ ໃຫ້ມີປະສິດທິພາບ, ມີປະສິດທິຜົນ, ຍືນຍົງ, ປະຢັດ ແລະ ນຳເອົາຜົນປະໂຫຍດສູງສຸດມາໃຫ້ແກ່ປະເທດຊາດ ແລະ ປະຊາຊົນ.

- 329395881 5957852887636408 2115101324559159453 n scaled - ສປປລາວ ມີແຮ່ທາດຫາຍາກຫຼາຍຊະນິດ ທີ່ເປັນທາ່ແຮງໃນການພັດທະນາເສດຖະກິດ-ສັງຄົມຂອງປະເທດ

ປັດຈຸບັນ, ລັດຖະບານ ໄດ້ອະນຸຍາດໃຫ້ບໍລິສັດ ທັງພາຍໃນ ແລະ ຕ່າງປະເທດ ລົງທຶນໃນຂະແໜງແຮ່ທາດ ແລະ ບໍ່ແຮ່ ມີທັງໝົດ 263 ບໍລິສັດ, 366 ກິດຈະການ; ໃນນັ້ນ ບໍລິສັດລົງທຶນຊອກຄົ້ນ ແລະ ສຳຫຼວດແຮ່ທາດ ມີທັງໝົດ 131 ບໍລິສັດ, 147 ກິດຈະການ, ບໍລິສັດ ທີ່ກຳລັງຢູ່ໃນໄລຍະການສຶກສາຄວາມເປັນໄປໄດ້ທາງດ້ານເສດຖະກິດ-ເຕັກນິກ ມີທັງໝົດ 33 ບໍລິສັດ, 51 ກິດຈະການ, ບໍລິສັດທີ່ໄດ້ເຊັນສັນຍາວ່າດ້ວຍການຂຸດຄົ້ນ ແລະ ປຸງແຕ່ງແຮ່ທາດ ມີທັງໝົດ 99 ບໍລິສັດ, 168 ກິດຈະການ.
ສຳລັບການລົງທຶນກ່ຽວກັບແຮ່ທາດຫາຍາກ ລັດຖະບານ ໄດ້ອະນຸຍາດໃຫ້ບໍລິສັດໄດ້ລົງທຶນສຳຫຼວດແຮ່ທາດຫາຍາກ ມີທັງໝົດ 9 ບໍລິສັດ, 9 ກິດຈະການ ແລະ ບໍລິສັດທີ່ໄດ້ເຊັນສັນຍາວ່າດ້ວຍການຂຸດຄົ້ນແຮ່ທາດ ໃນໄລຍະເຮັດແບບທົດລອງ ມີທັງໝົດ 5 ບໍລິສັດ, 5 ກິດຈະການ.

ຂ່າວ: ສູນຂ່າວພະລັງງານ ແລະ ບໍ່ແຮ່

- 5 - ສປປລາວ ມີແຮ່ທາດຫາຍາກຫຼາຍຊະນິດ ທີ່ເປັນທາ່ແຮງໃນການພັດທະນາເສດຖະກິດ-ສັງຄົມຂອງປະເທດ
- 3 - ສປປລາວ ມີແຮ່ທາດຫາຍາກຫຼາຍຊະນິດ ທີ່ເປັນທາ່ແຮງໃນການພັດທະນາເສດຖະກິດ-ສັງຄົມຂອງປະເທດ
- 4 - ສປປລາວ ມີແຮ່ທາດຫາຍາກຫຼາຍຊະນິດ ທີ່ເປັນທາ່ແຮງໃນການພັດທະນາເສດຖະກິດ-ສັງຄົມຂອງປະເທດ