ຍ້ອນບໍ່ລຶ້ງເສັ້ນທາງ ແລະ ຫັກຫລົບຕົ້ນໄມ້ ຈຶ່ງເຮັດໃຫ້ລົດເສຍຫລັກປີ້ນລົງຂົວ

ຈາກເຫດການ ອຸບັດເຫດລົດໃຫຍ່ເສຍຫລັກປີ້ນລົງຂົວ ຢູ່ບ້ານຫລັກ 44 (ຈຸດຊາຍແດນເຊື່ອມຕໍ່ ເມືອງໄຊ ແຂວງອຸດົມໄຊ-ເມືອງນໍ້າບາກ ແຂວງຫລວງພະບາງ) ໃນວັນທີ 12 ມີນາ 2023 ຜ່ານມາ ເຮັດໃຫ້ມີຜູ້ໄດ້ຮັບບາດເຈັບ 6 ຄົນ. ທັງໝົດແມ່ນຄອບຄົວດຽວກັນຢູ່ບ້ານນາເດືອຍ ນະຄອນຫລວງພະບາງ ແຂວງຫລວງພະບາງ.

ຫລ້າສຸດ ວັນທີ 20 ມີນາ 2023 ນີ້ ທ່ານ ພັນຕີ ອ່ອນສີ ແສງມະນີ ຫົວໜ້າພະແນກຈະລາຈອນ ແຂວງອຸດົມໄຊ ລາຍງານໃຫ້ຮູ້ວ່າ: ຈາກການລົງເກັບກຳຕົວຈິງໃນເບື້ອງຕົ້ນພົບວ່າສາເຫດໃນການເກີດອຸບັດເຫດໃນຄັ້ງນີ້ຍ້ອນ ຜູ້ຂັບຂີ່ບໍ່ລຶ້ງເສັ້ນທາງ ແລະ ຜຸູ້ກ່ຽວມີສຸຂະພາບທີ່ບໍ່ແຂງແຮງບວກກັບແລ່ນໄວມາພໍຮອດຂົວເຫັນຕົ້ນໄມ້ຢູ່ເບື້ອງຂົວມືແລ້ວຫັກມາເບື້ອງຊ້າຍຈຶ່ງເຮັດໃຫ້ລົດຕົກຂົວ.