ເຈົ້າໜ້າທີ່ພາສີ ແຂວງບໍ່ແກ້ວ ຢຶດລົດເກັງ Lexus ທີ່ນໍາເຂົ້າບໍ່ຖືກຕ້ອງ

ວັນທີ 25 ສິງຫາ 2023 , ເຈົ້າໜ້າທີ່ພາສີພະແນກສືບສວນ-ສອບສວນ ແລະ ປາບປາມກາລັກລອບໜີພາສີ (ພສປ) ປະຈໍາຈຸດປະສານງານບ້ານປຸ່ງຮ່ວມກັບ ພາສີ ປະຈຳແຂວງບໍ່ແກ້ວ, ໄດ້ລົງກວດກາລົດນຳເຂົ້າບໍ່ຖືກຕ້ອງຢູ່ເຂດເມືອງຕົ້ນເຜິ້ງ ແຂວງບໍ່ແກ້ວ, ໂດຍຜ່ານການກວດກາຕົວຈິງພົບເຫັນລົດເກັງຍີ່ຫໍ້: Lexus, ພວງມະໄລຂວາ, ໃສ່ປ້າຍຈີນ, ບໍ່ມີເອກະສານ. ດັ່ງນັ້ນ, ເຈົ້າໜ້າທີ່ພາສີ, ຈຶ່ງໄດ້ເຮັດບົດບັນທຶກກັບເຈົ້າຂອງລົດຄັນດັ່ງກ່າວ, ພ້ອມທັງເອົາລົດມາຮັກສາໄວ້ທີ່ຫ້ອງການພາສີ ປະຈຳແຂວງບໍ່ແກ້ວ, ເພື່ອດຳເນີນຄະດີຕາມລະບຽບກົດໝາຍ