ປກສ ແຂວງອັດຕະປື ມອບຄຳຮູບປະພັນ 21 ບາດ ຄືນໃຫ້ເຈົ້າຂອງເດີມ

ປກສ ແຂວງອັດຕະປື  ມອບຄຳຮູບປະພັນ 21 ບາດ ຄືນໃຫ້ເຈົ້າຂອງເດີມ - kitchen vibe - ປກສ ແຂວງອັດຕະປື  ມອບຄຳຮູບປະພັນ 21 ບາດ ຄືນໃຫ້ເຈົ້າຂອງເດີມ

ພັທ ອຸບົນ ເພັດມີໄຊ ຫົວໜ້າພະແນກຕຳຫຼວດສືບສວນ-ສອບສວນຄະດີອາຍາ ແຂວງອັດຕະປື ລາຍງານ ວັນທີ 28 ພະຈິກ 2023 ຜ່ານມານີ້ວ່າ: ວັນທີ 3 ແລະ ວັນທີ 8 ພະຈິກ 2023 ຜ່ານມາ ໄດ້ຮັບແຈ້ງຄວາມຈາກຜູ້ເສຍຫາຍຊື່ ນາງມີ່ຫັ້ນ ອາຍຸ 27 ປີ ຢູ່ບ້ານເມືອງໃໝ່ ແລະ ນາງ ຊື່ນໃຈ ອາຍຸ 43 ປີ, ຢູ່ບ້ານເວີນແຄນ ວ່າມີຄົນຮ້າຍລັກຊັບສິນຂອງຕົນ.

 

ປກສ ແຂວງອັດຕະປື  ມອບຄຳຮູບປະພັນ 21 ບາດ ຄືນໃຫ້ເຈົ້າຂອງເດີມ - Visit Laos Visit SALANA BOUTIQUE HOTEL - ປກສ ແຂວງອັດຕະປື  ມອບຄຳຮູບປະພັນ 21 ບາດ ຄືນໃຫ້ເຈົ້າຂອງເດີມ

ຮອດວັນທີ 12 ພະຈິກ ຈຶ່ງໄດ້ເຂົ້າກັກຕົວ ທ້າວ ເອກກະໄຊ ຢູ່ບ້ານເຊໃຫຍ່ ເມືອງສາມັກຄີໄຊ ແຂວງອັດຕະປື ແລະ ວັນທີ 14 ພະຈິກ 2023 ກັກຕົວທ້າວໄຊຍະສັກ ຢູ່ບ້ານຫຼັກ 3 ເມືອງສາມັກຄີໄຊ ແຂວງອັດຕະປື ມາສືບສວນ-ສອບສວນ.

 

ທ້າວ ເອກກະໄຊ ຍອມຮັບສາລະພາບວ່າ ວັນທີ 8 ພະຈິກ 2023 ເວລາ 9:00 ໂມງ, ຕົນເອງໄດ້ໄປງັດເຮືອນຂອງຜູ້ເສຍຫາຍແທ້, ມີສາຍແຂນຄຳ 1 ເສັ້ນນໍ້າໜັກ 2 ບາດ, ສາຍຄໍຄຳ 2 ເສັ້ນໆ ລະ 2 ບາດ, ສາຍແຂນຄຳເດັກນ້ອຍ 1 ເສັ້ນນຳ້ໜັກ 2 ສະຫຼຶງ, ຕຸ້ມຫູຄຳ 1 ຄູ່ນຳ້ໜັກ 5 ຫຸນ, ປື້ມບັນຊີເງີນຝາກຈຳນວນ 4 ຫົວ ພາຍຫລັງທີ່ລັກໄດ້ມາແລ້ວກໍເອົາສາຍແຂນ 1 ເສັ້ນ ໜັກ 2 ບາດໄປຂາຍຢູ່ຮ້ານຊື້-ຂາຍເງິນຄຳຢູ່ ແຂວງເຊກອງ ເຊິ່ງໄດ້ເງິນ 41.000.000 ກີບ ສຳລັບເງິນທີ່ໄດ້ມາແມ່ນໃຊ້ຈ່າຍກິນຈົນໝົດ, ສ່ວນຄຳທີ່ຍັງເຫຼືອແມ່ນໄດ້ເອົາເຊື່ອງໄວ້ຢູ່ເຮືອນຕົນເອງ.

 

ສ່ວນທ້າວໄຊຍະສັກ (ເປັນພະນັກງານປະຈຳຢູ່ບໍລິສັດຂົນສົ່ງແຫ່ງໜຶ່ງຂອງແຂວງອັດຕະປື) ສາລະພາບວ່າ ວັນທີ 13 ຕຸລາ 2023 ຕົນເອງໄດ້ມາວຽກຢູ່ບໍລິສັດຂົນສົ່ງດ່ວນເປັນປົກກະຕິ ຕົກມາຮອດເວລາ 11 ໂມງ ໄດ້ມີນາງ ມີ່ຫັ້ນ (ຜູ້ເສຍຫາຍ) ໄດ້ໂທຖາມຕົນເອງວ່າເຄື່ອງມາຮອດແລ້ວບໍ, ຕົນເອງໄດ້ຕອບວ່າຍັງບໍ່ຮອດ, ຕໍ່ມາເວລາ 16:30 ນາທີຂອງວັນດຽວກັນ ລົດສົ່ງເຄື່ອງບໍລິສັດໄດ້ມາຮອດຕົນເອງຈຶ່ງໄດ້ໄຂປະຕູທາງຂ້າງລົດແລ້ວຂຶ້ນໄປຫາກ່ອງສີເຫລືອງທີ່ມີຊື່ ແລະ ເບີໂທຂອງນາງມີ່ຫັ້ນ ເພາະຕົນເອງຮູ້ວ່າພັດສະດຸຂອງນາງມີ່ຫັ້ນ ແມ່ນມີຄຳແນ່ນອນ. ຈາກນັ້ນ, ຈຶ່ງໄດ້ແກະກ່ອງດັ່ງກ່າວ ພົບວ່າມີ ຄຳແທ້ ເມື່ອເຫັນແນວນັ້ນແລ້ວກໍໄດ້ໄຂເອົາແຕ່ຄຳຢູ່ໃນກ່ອງຈຳນວນ 25 ບາດກັບ 2 ສະຫຼຶງ, ແລ້ວນຳເອົາຄຳໄປເຊື່ອງໄວ້ຢູ່ເຮືອນຂອງຕົນເອງ ມາຮອດວັນທີ 16 ຕຸລາ 2023 ໄດ້ເອົາຄຳດັ່ງກ່າວໄປຂາຍຢູ່ຮ້ານແຫ່ງໜຶ່ງຂອງແຂວງອັດຕະປື ແລະ ກໍຖືກເຈົ້າໜ້າທີ່ເຂົ້າກັກຕົວໃນວັນຕໍ່ມາ.

 

ສ່ວນເປົ້າໝາຍແມ່ນເຈົ້າໜ້າທີ່ສືບຕໍ່ດຳເນີນຄະດີຕາມກົດໝາຍ, ສຳລັບເຄື່ອງຂອງກາງທີ່ຍັງເຫລືອທາງເຈົ້າໜ້າທີ່ ຍັງຈະເລັ່ງເກັບກຳທ້ອນໂຮມແລ້ວນຳມາມອບໃຫ້ຕາມທີຫຼັງ.

 

ດັ່ງນັ້ນ, ເຈົ້າໜ້າທີ່ຈຶ່ງໄດ້ນຳເອົາຊັບສົມບັດຂອງກາງຈາກຜູ້ກໍ່ເຫດ ເປັນຄຳຮູບປະພັນຈຳນວນ 21 ບາດ ຄືນໃຫ້ເຈົ້າຂອງເດີມ

#ຂ່າວພາຍໃນລາວພັດທະນາ #ປກສແຂວງອັດຕະປື #ມອບຄຳຮູບປະພັນຄືນໃຫ້ເຈົ້າຂອງ

ປກສ ແຂວງອັດຕະປື  ມອບຄຳຮູບປະພັນ 21 ບາດ ຄືນໃຫ້ເຈົ້າຂອງເດີມ - 5 - ປກສ ແຂວງອັດຕະປື  ມອບຄຳຮູບປະພັນ 21 ບາດ ຄືນໃຫ້ເຈົ້າຂອງເດີມ
ປກສ ແຂວງອັດຕະປື  ມອບຄຳຮູບປະພັນ 21 ບາດ ຄືນໃຫ້ເຈົ້າຂອງເດີມ - 4 - ປກສ ແຂວງອັດຕະປື  ມອບຄຳຮູບປະພັນ 21 ບາດ ຄືນໃຫ້ເຈົ້າຂອງເດີມ
ປກສ ແຂວງອັດຕະປື  ມອບຄຳຮູບປະພັນ 21 ບາດ ຄືນໃຫ້ເຈົ້າຂອງເດີມ - 3 - ປກສ ແຂວງອັດຕະປື  ມອບຄຳຮູບປະພັນ 21 ບາດ ຄືນໃຫ້ເຈົ້າຂອງເດີມ