ລາວກຽມຈັດກອງປະຊຸມຄະນະກຳມະການຄຸ້ມຄອງໄພພິບັດອາຊຽນ ຄັ້ງທີ 31 ໃນກາງເດືອນຕຸລານີ້

- advert banner 728 90 728x90 - ລາວກຽມຈັດກອງປະຊຸມຄະນະກຳມະການຄຸ້ມຄອງໄພພິບັດອາຊຽນ ຄັ້ງທີ 31 ໃນກາງເດືອນຕຸລານີ້

ວັນທີ 9 ຕຸລານີ້, ທ່ານ ປະສົງ ວົງຄຳຈັນ ຫົວໜ້າກົມສັງເຄາະ, ກະຊວງ ແຮງງານ ແລະ ສະຫວັດດີການສັງຄົມ, ໃນຖານະເປັນຄະນະຮັບຜິດຊອບຈັດ ກອງປະຊຸມຄະນະກຳມະການຄຸ້ມຄອງໄພພິບັດອາຊຽນ ຄັ້ງທີ 31, ໄດ້ຖະ ແຫລງຕໍ່ສື່ມວນຊົນວ່າ: ໃນລະຫວ່າງວັນທີ 17-19 ຕຸລານີ້, ລາວຈະເປັນເຈົ້າ ພາບຈັດກອງປະຊຸມດັ່ງກ່າວຂຶ້ນທີ່ແຂວງຫລວງພະບາງ, ເພື່ອຮ່ວມກັນຫາລື, ແລກປ່ຽນ ແລະ ກຳນົດບັນດາມາດຕະການເພື່ອກຽມພ້ອມ, ຕອບໂຕ້, ປ້ອງກັນ, ແກ້ໄຂ ແລະ ຫລຸດຜ່ອນຜົນກະທົບທີ່ອາດຈະເກີດຂຶ້ນຈາກໄພພິບັດທຳມະຊາດ, ໂດຍສະ ເພາະໃນການຈັດຕັ້ງຜັນຂະຫຍາຍສັນຍາອາຊຽນ ວ່າດ້ວຍການຄຸ້ມຄອງໄພພິ ບັດ ແລະ ການຕອບໂຕ້ຕໍ່ເຫດການສຸກເສີນ ແລະ ຖະແຫລງການອາຊຽນ ວ່າດ້ວຍໜຶ່ງອາຊຽນ ໜຶ່ງການຕອບໂຕ້: ອາຊຽນຮ່ວມກັນເປັນໜຶ່ງດຽວໃນການ ຕອບໂຕໄພພິບັດທັງໃນ ແລະ ນອກອາຊຽນ, ຊຶ່ງຈະໄດ້ຮັບຮອງເອົາໂດຍບັນດາຜູ້ນຳອາຊຽນໃນກອງປະຊຸມດັ່ງກ່າວ.

- new3 - ລາວກຽມຈັດກອງປະຊຸມຄະນະກຳມະການຄຸ້ມຄອງໄພພິບັດອາຊຽນ ຄັ້ງທີ 31 ໃນກາງເດືອນຕຸລານີ້

ກອງປະຊຸມຄັ້ງນີ້ປະກອບມີ: ກອງປະຊຸມຄະນະກຳມະການຄຸ້ມຄອງ ໄພພິບັດອາຊຽນຄັ້ງທີ 31, ຊຶ່ງຈັດຂຶ້ນໃນວັນທີ 17 ຕຸລານີ້, ກອງປະຊຸມສະພາ ບໍລິຫານສູນປະສານງານເພື່ອຊ່ວຍເຫລືອ ດ້ານມະນຸດສະທຳອາຊຽນຄັ້ງທີ 7 ແລະ ກອງປະຊຸມຄະນະກຳມະການຮ່ວມ ເພື່ອເສີມຂະຫຍາຍຂອບການຮ່ວມ ມືອາຊຽນໃນວຽກງານຊ່ວຍເຫລືອດ້ານມະນຸດສະທຳ ແລະ ການບັນເທົາທຸກ ໄພພິບັດຄັ້ງທີ 8 ແມ່ນຈະຈັດຂຶ້ນໃນວັນທີ 18 ຕຸລາ, ພ້ອມນີ້ ຍັງມີກອງປະຊຸມ ລັດຖະມົນຕີຄຸ້ມຄອງໄພພິບັດອາຊຽນ ຄັ້ງທີ 5 ແລະ ກອງປະຊຸມພາຄີຕໍ່ສັນຍາ ອາຊຽນ ວ່າດ້ວຍການຄຸ້ມຄອງໄພພິບັດ ແລະ ການຕອບໂຕ້ຕໍ່ເຫດການສຸກ ເສີນຄັ້ງທີ 6 ແມ່ນຈະໄດ້ຈັດຂຶ້ນໃນວັນທີ 19 ຕຸລານີ້.

- lattana 1 - ລາວກຽມຈັດກອງປະຊຸມຄະນະກຳມະການຄຸ້ມຄອງໄພພິບັດອາຊຽນ ຄັ້ງທີ 31 ໃນກາງເດືອນຕຸລານີ້

ນອກນີ້ ຍັງຈະຈັດໃຫ້ມີກິດຈະກຳຕ່າງໆ ເພື່ອສະເຫລີມສະຫລອງວັນຄຸ້ມ ຄອງໄພພິບັດອາຊຽນໃນລະດັບພາກພື້ນ, ໂດຍການປອ່ຍປາລົງສູ່ທຳມະຊາດ ແມ່ນ້ຳຂອງ, ການຈັດວາງສະແດງຮູບພາບ ແລະ ນຳສະເໜີວິດີໂອ, ພ້ອມທັງໂຄສະນາຕາມສື່ຕ່າງໆ, ເພື່ອປຸກຈິດສຳນຶກໃຫ້ສັງຄົມຮັບຮູ້ ແລະ ເຂົ້າໃຈເຖິງໄພພິບັດ ແລະ ຄວາມສຳຄັນຂອງວຽກງານກຽມພ້ອມ, ປ້ອງກັນ ແລະ ຫລຸດຜ່ອນບັນດາຜົນກະທົບທີ່ອາດຈະເກີດຂຶ້ນຈາກໄພພິບັດອີກດ້ວຍ.

error: Content is protected !!