ມອບ-ຮັບ ແລະ ເປີດນຳໃຊ້ໂທລະໂຄ່ງບ້ານກົກພຸງໃຕ້

ພິທີມອບ-ຮັບ ແລະ ເປີດ ການນຳໃຊ້ລະບົບໂທລະໂຄ່ງຢູ່ ເຂດຈຸດສຸມພັດທະນາທີ II ບ້ານ ກົກພຸງໃຕ້ ເມືອງທ່າແຕງ ແຂວງ ເຊກອງ ໄດ້ມີຂຶ້ນໃນວັນທີ 9 ຕຸລາ ນີ້, ພາຍຫລັງ ໄດ້ຮັບ ການຊ່ວຍ ເຫລືອຈາກພະແນກຖະແຫຼງຂ່າວ, ວັດທະນະທຳ ແລະ ທ່ອງທ່ຽວແຂວງດັ່ງກ່າວ.

+ ມອບ-ຮັບສະຖາບັນການແພດເຂດຮ້ອນ ຝຣັ່ງໂກໂຟນີໃຫ້ແກ່ລັດຖະບານລາວ

+ ໄຟຟ້າລາວມອບໂທລະໂຄ່ງໃຫ້ບ້ານລ້ອງພະບາດ

ເພື່ອຂະຫຍາຍລະບົບໂທລະໂຄ່ງໃຫ້ບັນດາເຂດຈຸດສຸມກຸ່ມບ້ານພັດທະນາ ແລະ ເຂດຫ່າງໄກ ສອກຫຼີກ ແມ່ນໜຶ່ງໃນບັນດາແຜນງານ ພັດທະນາວຽກງານຖະແຫຼງ ຂ່າວ- ສື່ມວນຊົນເພື່ອເປັນເຄື່ອງ ມືສຳຄັນໃນການໂຄສະນາເຜີຍແຜ່ແນວທາງນະໂຍບາຍຂອງພັກ, ລະບຽບ ກົດໝາຍ ແລະ ແຜນພັດທະນາເສດຖະກິດ- ສັງຄົມຂອງປະເທດແນໃສ່ປຸກລະດົມນ້ຳໃຈ ຮັກຊາດ, ຮັກລະບອບ ໃໝ່, ສ້າງສະຕິເຄົາລົບກົດໝາຍ ໃຫ້ແກ່ປະຊາຊົນ, ສົ່ງເສີມໃຫ້ ປະຊາຊົນຮູ້ອະນຸລັກຮັກສາ, ເສີມ ຂະຫຍາຍວັດທະນະທຳອັນດີ ງາມຂອງຊາດ-ຂອງເຜົ່າ ແລະ ເຂົ້າຮ່ວມຂະບວນການພັດ ທະນາຕ່າງໆໃຫ້ເປັນຂະບວນ ກວ້າງຂວາງ.