ຄວາມສໍາຄັນຂອງວັນຫຼຸດຜ່ອນຄວາມສ່ຽງໄພພິບັດສາກົນ ແລະ ວັນຄຸ້ມຄອງໄພພິບັດອາຊຽນ 13 ຕຸລາ

          ກອງປະຊຸມລັດຖະມົນຕີຄຸ້ມຄອງໄພພິບັດອາຊຽນໃນປີ 2004 ໄດ້ກໍານົດເອົາວັນທີ 13 ຕຸລາ ເປັນວັນຄຸ້ມຄອງໄພພິບັດອາຊຽນ ແລະ ເປັນວັນດຽວກັບ ວັນຫຼຸດຜ່ອນໄພພິບັດສາກົນ ແລະ ເຫັນດີໃຫ້ແຕ່ລະປະເທດສະມາຊິກອາຊຽນ ຈັດກິດຈະກໍາສະເຫລີມສະຫລອງວັນດັ່ງກ່າວ ເພື່ອປູກຈິດສໍານຶກແກ່ສັງຄົມໃຫ້ຮັບຮູ້ເຂົ້າໃຈ ແລະ ມີສ່ວນຮ່ວມເຂົ້າໃນວຽກງານຫຼຸດຜ່ອນຄວາມສ່ຽງໄພພິບັດ. ເລີ່ມແຕ່ປີ 2005 ເປັນຕົ້ນມາ, ກົມສັງຄົມສົງເຄາະໃນຖານະເປັນຈຸດປະສານງານຄະນະກໍາມະການຄຸ້ມຄອງໄພພິບັດອາຊຽນ ໄດ້ຈັດບັນດາກິດຈະກໍາຕ່າງໆ ເພື່ອສະເຫຼີມສະຫລອງວັນດັ່ງກ່າວຢູ່ໃນປະເທດ ແລະ ທັງເຂົ້າຮ່ວມກິດຈະກໍາໃນລະດັບພາກພື້ນ ແລະ ສາກົນຈັດຂຶ້ນ.

ສໍາລັບນະໂຍບາຍລັດຖະບານຕໍ່ວຽກງານຫຼຸດຜ່ອນຄວາມສ່ຽງໄພພິບັດຄືໄດ້ມີແຜນຍຸດທະສາດຄຸ້ມຄອງຄວາມສ່ຽງໄພພິບັດ ແຕ່ 2003-2010 ແລະ 2020 ຈາກສະພາບໄພພິບັດໄດ້ເກີດຂຶ້ນເລື້ອງໆ ແລະ ສ້າງຄວາມຮຸນແຮງຂຶ້ນ ມັນຮຽກຮ້ອງໃຫ້ປະຊາຄົມໂລກ ຕ້ອງຊອກຫາວີທີການ ແລະ ມາດຕະການອັນໃໝ່ເພື່ອແນ່ໃສຕ້ານ ແລະ ຫຼຸດຜ່ອນຄວາມເສຍຫາຍຈາກໄພພິບັດ. ໂດຍສະເພາະໄດ້ຮັບຮອງເອົາຍຸດທະສາດໃໝ່ໃນການຄຸ້ມຄອງໄພພິບັດຄື: ເພື່ອແນໃສ່ໃຫ້ຊຸມຊົນ, ສັງຄົມ ແລະ ເສດຖະກິດຂອງຊາດມີຄວາມປອດໄພ ແລະ ຫຼຸດຜ່ອນຄວາມເສຍຫາຍ ຈາກຜົນກະທົບຂອງໄພພິບັດ ຈະມາຈາກທໍາມະຊາດ ຫຼືຄົນເຮັດກໍຕາມ ຮັບປະກັນໃຫ້ແກ່ການພັດທະນາແບບຍືນຍົງຂອງປະເທດ, ຫັນຈາກການຊ່ວຍເຫຼືອບັນເທົາທຸກ ແລະ ຟື້ນຟູຫຼັງຈາກໄພພິບັດກະທົບໃສ່ຊຸມຊົນ, ສັງຄົມ ແລະ ເສດຖະກິດຂອງການຈັດຕັ້ງລັດ ມາເປັນການຫ້າງຫາກະກຽມຄວາມພ້ອມ ເພື່ອຕ້ານກັບໄພພິບັດ ກ່ອນມັນຈະເກີດຂຶ້ນ ແລະ ຕ້ອງໄດ້ຮ່ວມມືປະສານງານນໍາອົງການຈັດຕັ້ງຄະນະກໍາມະການຄຸ້ມຄອງໄພພິບັດໃນແຕ່ລະຂັ້ນສູນກາງຮອດທ້ອງຖິ່ນ ແລະ ອົງການຈັດຕັ້ງສາກົນຕ່າງໆ ທີ່ເຮັດວຽກງານການຄຸ້ມຄອງໄພພິບັດໃນລາວ ເພື່ອສືບຕໍ່ ແລະ ເສີມຂະຫຍາຍຕາໜ່າງການຄຸ້ມຄອງໄພພິບັດ ລົງຮອດຊຸມຊົນ, ສ້າງໃຫ້ຊຸມຊົນມີຄວາມເຂັ້ມແຂງ ແລະ ທົນທານຕໍ່ສະພາບເຫດການຄວາມສ່ຽງໄພພິບັດ ໂດຍໃຫ້ທຸກຄົນໃນສັງຄົມມີສ່ວນຮ່ວມ ແລະ ໃນວັນທີ 19 ຕຸລານີ້, ຈະໄດ້ຈັດງານສະເຫລີມສະຫລອງວັນດັ່ງກ່າວຂຶ້ນທີ່ແຂວງ ຫຼວງພະບາງ ພາຍໃຕ້ຫົວຂໍ້ “ສ້າງຊຸມຊົນໃຫ້ປອດໄພ ແລະ ມີຄວາມທົນທານຕໍ່ໄພພິບັດໃນອາຊຽນ” ພ້ອມມີຢູ່ 2 ກິດຈະກໍາ ວາງສະແດງຮູບພາບກ່ຽວກັບໄພພິບັດ ແລະ ສາທິດການປະຖົມພະຍາບານເບື້ອງຕົ້ນ.

+ເຈົ້າຫນ້າທີ່ອາວຸໂສຄະນະກຳມະການຄຸ້ມຄອງໄພພິບັດອາຊຽນຮ່ວມຫາລືວຽກງານຕ້ານໄພພິບັດ