ປູເລຟ ໄດ້ຮັບບາດເຈັບຢູ່ບ່າ, ໂຈຊົວ ປ່ຽນຄູ່ຊົກມາເປັນ ທາຄາມ ແລ້ວ

ແອນໂທນີ ໂຈຊົວ ແຊ໊ມ ໂລກຮຸ່ນ ເຮຟວີເວດ ສະມາ ຄົມມວຍໂລກ (WBA)ແລະ ສະຫະພັນມວຍນາໆຊາດ (IBF) ຄົນ ອັງກິດ ມີອັນຕ້ອງ ປ່ຽນຄູ່ຊົກໃນການປ້ອງກັນ ແຊ໊ມໂລກທີ່ສະໜາມມວຍ ປຣິນຊິປັລລິຕີ ໃນເມືອງຄາດິຟ ແຄວ້ນເວລ ໃນວັນທີ 28 ຕຸ ລານີ້ ເຊິ່ງເປັນຄູ່ຊົກກ່ອນໜ້າ ນີ້ໄດ້ຮັບບາດເຈັບຢູ່ບ່າຈາກ ການຊ້ອມ.
ສຳລັບປີ້ເຂົ້າຊົມການຊົກລະຫວ່າງ ໂຈຊົວ ກັບ ປູເລຟ ທີ່ ຄາດິຟ ກວ່າ 70.000 ໃບນັ້ນ ຖືກຈຳໜ່າຍອອກໄປຈົນໝົດ ແລ້ວ ແນວໃດກໍຕາມ ປູເລຟ ກໍ ມາໄດ້ຮັບບາດເຈັບຢູ່ບ່າຈາກການຊ້ອມ ເຮັດໃຫ້ຕ້ອງມີການ ປ່ຽນຄູ່ຊົກເປັນ ທາຄາມ ແທນ ໂດຍ ເອັດດີ ເວິນ ຜູ້ຈັດການ ແຂ່ງຂັນຄັ້ງນີ້ ກ່າວວ່າ: “ຂ້ອຍໄດ້ຮັບໂທລະສັບຈາກ ຄັລເລ ເຊົາເອີລັນ ຜູ້ຈັດການ ສ່ວນໂຕຂອງ ປູເລຟ ວ່ານັກ ມວຍຂອງລາວໄດ້ຮັບບາດ ເຈັບຢູ່ບ່າ ແລະ ອາກເຊົາບໍ່ທັນ ຂຶ້ນຊົກ ກ່ອນທີ່ໝໍຈະຢືນຢັນ ວ່າລາວຂຶ້ນຊົກບໍ່ໄດ້ໃນເວລາຕໍ່ມາ ໃນກໍລະນີຕາມກົດຂອງ IBF ລະບຸວ່າສິດທິໃນການຂຶ້ນ ຊີງແຊ໊ມໂລກຄັ້ງບັງຄັບຈະຕົກເປັນຂອງຮອງແຊ໊ມໂລກອັນ ດັບຕໍ່ໄປ ເຊິ່ງກໍຄື ຄາລອສ ທາ ຄາມ ຕອນທີ່ຂ້ອຍປະກາດວ່າ ໂຈຊົວ ຈະຊົກກັບ ປູເລຟ ນັ້ນ ຂ້ອຍເຮັດໄດ້ຂໍ້ຕົກລົງກັບທີມ ງານຂອງ ທາຄາມ ວ່າໃຫ້ ພວກເຂົາເລີ່ມຝຶກຊ້ອມ ແລະ ກຽມພ້ອມເພື່ອມີເຫດສຸກເສິນ ໃນຄັ້ງນີ້ ແລະ ເມື່ອຂ້ອຍໂທລະ ສັບໄປພວກເຂົາດີໃຈຫຼາຍ ແລະ ພ້ອມທີ່ຈະຂຶ້ນຊົກຄັ້ງນີ້ ຢ່າງເຕັມທີ່ ອັນທີ່ຈິງ ໂຈຊົວ ໄດ້ກຽມໂຕໄວ້ສຳລັບການພົບກັບ ປູເລຟ ທີ່ມີຮູບແບບການ ຊົກ ແລະ ສ່ວນສູງແບບໜຶ່ງ ແຕ່ຕອນນີ້ລາວຕ້ອງມາພົບກັບຄູ່ຊົກທີ່ມີຮູບແບບແຕກຕ່າງ ຢ່າງ ທາຄາມ ໂຈຊົວ ບໍ່ເຄີຍ ພົບເລື່ອງແບບນີ້ມາກ່ອນ ແຕ່ ລາວກໍພ້ອມທີ່ຈະພົບໃຜກໍ ໄດ້ໃນວັນທີ 28 ຕຸລານີ້”.