ກໍາປູເຈຍຂໍໃຫ້ທຸກໂຮງຮຽນປົກປ້ອງນັກຮຽນຈາກແສງແດດ ຫລັງອຸນຫະພູມສູງເຖິງ 43 ອົງສາ

- image 5 14 - ກໍາປູເຈຍຂໍໃຫ້ທຸກໂຮງຮຽນປົກປ້ອງນັກຮຽນຈາກແສງແດດ ຫລັງອຸນຫະພູມສູງເຖິງ 43 ອົງສາ
- kitchen vibe - ກໍາປູເຈຍຂໍໃຫ້ທຸກໂຮງຮຽນປົກປ້ອງນັກຮຽນຈາກແສງແດດ ຫລັງອຸນຫະພູມສູງເຖິງ 43 ອົງສາ

      ວັນທີ 29 ເມສາ, ສໍານັກຂ່າວຊິນຮົວລາຍງານວ່າ: ກະຊວງສຶກສາທິການ, ເຍົາວະຊົນ ແລະ ກິລາຂອງກໍາປູເຈຍ ອອກມາຮຽກຮ້ອງໃຫ້ໂຮງຮຽນທຸກແຫ່ງທົ່ວປະເທດຊ່ວຍກັນປົກປ້ອງເບິ່ງແຍງເດັກໃຫ້ພົ້ນຈາກແສງແດດ ພາຍຫລັງກໍາປູເຈຍຜະເຊີນອຸນຫະພູມເຖິງລະດັບສູງສຸດເປັນປະຫວັດສາດໃນອາທິດກ່ອນ.

      ທ່ານ ຮັງ ຊວນ ຢາຣອງ ລັດຖະມົນຕີກະຊວງສຶກສາທິການ, ເຍົາວະຊົນ ແລະ ກິລາ ແລະ ຮອງນາຍົກລັດຖະມົນຕີ ລະບຸວ່າ: ໜ່ວຍງານການສຶກສາທົ່ວປະເທດຄວນແນະນໍາໃຫ້ນັກຮຽນຫລິ້ນຢູ່ໃນຮົ່ມ ຫລື ໃນຫ້ອງຮຽນເວລາພັກ, ພ້ອມຂໍໃຫ້ເຈົ້າໜ້າທີ່ປະຈໍາໂຮງຮຽນແຈ້ງນັກຮຽນໃຫ້ດື່ມນໍ້າຫລາຍໆ, ຫລີກເວັ້ນການຕາກແດດເປັນເວລາດົນໂດຍປາສະຈາກສິ່ງບົດບັງ ຕະຫລອດຈົນໃຫ້ນັກຮຽນໃສ່ເສື້ອຜ້າຫລົມໆ, ນໍ້າໜັກເບົາທີ່ມີສີຂາວ ຫລື ສີອ່ອນເພື່ອປ້ອງກັນຜິວໄໝ້ແດດ.

- Visit Laos Visit SALANA BOUTIQUE HOTEL - ກໍາປູເຈຍຂໍໃຫ້ທຸກໂຮງຮຽນປົກປ້ອງນັກຮຽນຈາກແສງແດດ ຫລັງອຸນຫະພູມສູງເຖິງ 43 ອົງສາ

     ທ່ານ ຮັງ ຊວນ ຢາຣອງ ຍັງແນະນໍາໃຫ້ເຈົ້າໜ້າທີ່ປະຈໍາໂຮງຮຽນສີດພົ່ນນໍ້າເທິງຫລັງຄາອາຄານຮຽນ ເພື່ອຫລຸດຜົນກະທົບຈາກຄື້ນຄວາມຮ້ອນ ແລະ ຂໍໃຫ້ນັກຮຽນຫລີກເວັ້ນການອອກກໍາລັງກາຍ ຫລື ຫລິ້ນກິລາກາງແດດ.

     ທ່ານ ຈັນ ຍຸດທະ ໂຄສົກ ແລະ ເລຂາທິການກະຊວງຊັບພະຍາກອນນໍ້າ ແລະ ອຸຕຸນິຍົມວິທະຍາ ກ່າວໃນອາທິດກ່ອນວ່າ: ກໍາປູເຈຍຜະເຊີນອຸນຫະພູມສູງສຸດເປັນປະຫວັດສາດໃນຮອບປະມານ 170 ປີໃນໄລຍະລະດູຮ້ອນຂອງປີນີ້, ແຕ່ອຸນຫະພູມຈະເລີ່ມຫລຸດລົງຊ່ວງຕົ້ນເດືອນພຶດສະພາ ເນື່ອງຈາກຄາດວ່າຈະມີຝົນຕົກ.

     ກະຊວງຊັບພະຍາກອນນໍ້າ ແລະ ອຸຕຸນິຍົມວິທະຍາ ເປີດເຜີຍວ່າ: ອຸນຫະພູມຢູ່ບາງແຂວງທາງຕອນເໜືອ, ຕາເວັນອອກສຽງເໜືອ, ຕາເວັນຕົກສຽງເໜືອ, ຕອນກາງ ແລະ ຕອນໃຕ້ຂອງປະເທດ ສູງເຖິງ 43 ອົງສາໃນວັນທີ 29 ເມສາຜ່ານມາ ເຊິ່ງລະດັບອຸນຫະພູມ “ໜ້າກັງວົນ” ນີ້ຈະຍັງຢູ່ຈົນຮອດວັນທີ 30 ເມສາ ແລະ 1 ພຶດສະພາ.

- 3 - ກໍາປູເຈຍຂໍໃຫ້ທຸກໂຮງຮຽນປົກປ້ອງນັກຮຽນຈາກແສງແດດ ຫລັງອຸນຫະພູມສູງເຖິງ 43 ອົງສາ
- 4 - ກໍາປູເຈຍຂໍໃຫ້ທຸກໂຮງຮຽນປົກປ້ອງນັກຮຽນຈາກແສງແດດ ຫລັງອຸນຫະພູມສູງເຖິງ 43 ອົງສາ
- 5 - ກໍາປູເຈຍຂໍໃຫ້ທຸກໂຮງຮຽນປົກປ້ອງນັກຮຽນຈາກແສງແດດ ຫລັງອຸນຫະພູມສູງເຖິງ 43 ອົງສາ