ຜູ້ນຳ ສ.ເກົາຫລີ ເຜີຍຈະເດີນໜ້າແຜນ ທະຍອຍຍົກເລີກໃຊ້ໂຮງໄຟຟ້ານິວເຄຼຍ

- 1508657600349 960x0 - ຜູ້ນຳ ສ.ເກົາຫລີ ເຜີຍຈະເດີນໜ້າແຜນ ທະຍອຍຍົກເລີກໃຊ້ໂຮງໄຟຟ້ານິວເຄຼຍ
- Untitled design - ຜູ້ນຳ ສ.ເກົາຫລີ ເຜີຍຈະເດີນໜ້າແຜນ ທະຍອຍຍົກເລີກໃຊ້ໂຮງໄຟຟ້ານິວເຄຼຍ

ປະທານາທິບໍດີ ມຸນ​ແຈ​ອິນ ຂອງ ສ.​ເກົາຫລີ ​ເປີດ​ເຜີຍ​ວ່າ: ລັດຖະບານ​ຈະ​ເດີນ​ໜ້າ​ແຜນການ​ທະຍອຍ​ຍົກ​ເລີກ​ໃຊ້​ໂຮງ​ໄຟຟ້າ​ນິວ​ເຄຼຍ ​ແລະ ຂໍ​ໃຫ້​ຜູ້​ສະໜັບສະໜູນ​ເຄົາລົບ​ຜ​ົນສຳ​ຫລວດ​ທີ​່ວ່າ: ປະຊາຊົນ​ກວ່າ​ເຄິ່ງສະໜັບສະໜູນ​ໃຫ້​ເດີນ​ໜ້າການ​ກໍ່ສ້າງ​ເຕົາ​ປະຕິ​ກອນ​ນິວ​ເຄຼຍ 2 ​ເຄື່ອງ​ທີ່​ຖືກ​ຢຸດ​ໄປ.

ທຳນຽບປະທານາທິບໍດ​ີ​ແຈກ​ຢາຍ​ຄຳ​ຖະ​ແຫລ​ງຂອງ​ປະທານາທິບໍດີ​ໃນ​ວັນ​ທີ 22 ຕຸລາ​ນີ້ວ່າ: ລັດຖະບານ​ຈະ​ຢຸດ​ການ​ກໍ່ສ້າງ​ເຕົາ​ປະຕິ​ກອນ​ໃໝ່​ທັງ​ໝົດ​ຕາມ​ທີ່​ເຄີຍ​ຮັບປາກ​ໄວ້ ​ແລະ ຈະ​ເພີ່ມ​ການ​ໃຊ້​ແກັສທຳ​ມະ​ຊາດ ລວມທັງ​ພະລັງງານ​ທົດ​ແທນ​ເພື່ອ​ຊົດ​ເຊີຍການ​ທະຍອຍ​ຍົກ​ເລີກ​ໂຮງ​ໄຟຟ້າ​ນິວ​ເຄຼຍ. ​ເຖິງ​ຢ່າງ​ໃດ​ກໍ​ດີ, ຂໍ​ໃຫ້​ຜູ້​ສະໜັບສະໜູນ​ເຄົາລົບ​ຜົນ​ການ​ສຳ​ຫລວດ​ທີ່​ພົບ​ວ່າ: ຜູ້​ຕອບ​ເກືອບ 60% ຢາກ​ໃຫ້​ເດີນ​ໜ້າການ​ກໍ່ສ້າງ​ເຕົາ​ປະຕິ​ກອນ​ນິວ​ເຄຼຍ 2 ​ເຄື່ອງ​ທີ່​ຖືກ​ຢຸດ​ໄປ. ທ່ານ​ເບິ່ງ​ວ່າ​ເປັນຄວາມ​ເຫັນ​ທີ່ສະຫລາດ ​ເພາະ​ການ​ກໍ່ສ້າງ​ເຕົາ​ທັງ​ສອງ​ເຄື່ອງ​ໃຫ້​ສຳ​ເລັດ​ຕາມ​ກຳນົດ​ເດືອນ​ຕຸລາ 2021 ​ແລະ ​ເດືອນ​ຕຸລາ 2022 ຈະ​ຊ່ວຍ​ບັນ​ເທົາການ​ໃຊ້​ແກັສທຳ​ມະ​ຊາດ​ທີ່ປັດຈຸບັນ​ຢູ່ ສ.​ເກົາຫລີ ​ໃຊ້​ຫລາຍ​ເປັນອັນ​ດັບ​ສອງ​ຂອງ​ໂລກ.

ປະທານາທິບໍດີ ມຸນ​​ແຈ​ອິນ ລະບຸ​ວ່າ: ພາຍຫລັງ​ເຕົາ​ປະຕິ​ກອນ​ນິວ​ເຄຼຍທັງ​ສອງ​ເຄື່ອງ​ກໍ່ສ້າງ​ສຳ​ເລັດ ທາງ​ການຈະ​ເພີ່ມ​ຄວາມ​ເຂັ້ມງວດ​ເລື່ອງ​ມາດຕະຖານ​ຄວາມ​ປອດ​ໄພ​ຂອງ​ໂຮງ​ໄຟຟ້າ​ນິວ​ເຄຼຍ ​ແລະ ຍັງ​ຢືນຢັນ​ຕາມ​ແຜນການ​ປິດ​ເຕົາ​ປະຕິ​ກອນ​ນິວ​ເຄຼຍວໍ​ຊອງ 1 ທີ່​ມີ​ອາຍຸ​ເກົ່າ​ແກ່​ເປັນອັນ​ດັບ​ສອງ​ຂອງ​ປະ​ເທດ​ທັນທີ​ທີ່​ລັດຖະບານ​ໝັ້ນ​ໃຈ​ວ່າ​ປະລິມານ​ກະ​ແສ​ໄຟຟ້າ​ທີ່​ຜະລິດ​ໄດ້​ພຽງພໍ​ຕໍ່​ການ​ໃຊ້. ​ເຕົາ​ປະຕິ​ກອນ​ນິວ​ເຄຼຍວໍ​ຊອງ 1 ມີກຳລັງ​ຜະລິດ 697 ​ເມ​ກາ​ວັດ ຖືກ​ປິດ​ເຄື່ອງ​ໄປ​ເມື່ອ​ຄົບ​ອາຍຸ​ການ​ໃຊ້ 30 ປີ​ໃນ​ປີ 2012, ​ແຕ່​ສຳນັກງານ​​ຄວບ​ຄຸມ​ເບິ່ງ​ແຍງ​ອະນຸມັດ​ໃນ​ປີ​ກ່ອນ​ໃຫ້​ເດີນ​ເຄື່ອງ​ໄປ​ຈົນ​ເຖິງ​ປີ 2022. ປັດຈຸບັນ ສ.​ເກົາຫລີ ມີ​ເຕົາ​ປະຕິ​ກອນ​ນິວ​ເຄຼຍທັງ​ໝົດ 24 ​ເຄື່ອງ, ຜະລິດ​ໄຟຟ້າ​ໄດ້ 1 ​ໃນ 3 ຂອງ​ຈຳນວນ​ທັງ​ໝົດ.

- Wave100S AD to Website 2020 0 - ຜູ້ນຳ ສ.ເກົາຫລີ ເຜີຍຈະເດີນໜ້າແຜນ ທະຍອຍຍົກເລີກໃຊ້ໂຮງໄຟຟ້ານິວເຄຼຍ
- WhatsApp Image 2020 05 27 at 5 - ຜູ້ນຳ ສ.ເກົາຫລີ ເຜີຍຈະເດີນໜ້າແຜນ ທະຍອຍຍົກເລີກໃຊ້ໂຮງໄຟຟ້ານິວເຄຼຍ
- WhatsApp Image 2020 05 27 at 5 - ຜູ້ນຳ ສ.ເກົາຫລີ ເຜີຍຈະເດີນໜ້າແຜນ ທະຍອຍຍົກເລີກໃຊ້ໂຮງໄຟຟ້ານິວເຄຼຍ
error: Alert: ເນື້ອຫາຂ່າວມີລິຂະສິດ !!