ໂກລົມບີໂຈະການສົ່ງອອກຖ່ານຫີນໃຫ້ອິດສະລາແອນ ຍົກລະດັບປະທ້ວງສົງຄາມກາຊາ

- 675375 0 - ໂກລົມບີໂຈະການສົ່ງອອກຖ່ານຫີນໃຫ້ອິດສະລາແອນ ຍົກລະດັບປະທ້ວງສົງຄາມກາຊາ
- kitchen vibe - ໂກລົມບີໂຈະການສົ່ງອອກຖ່ານຫີນໃຫ້ອິດສະລາແອນ ຍົກລະດັບປະທ້ວງສົງຄາມກາຊາ

     ລັດຖະບານໂກລົມບີຢຸດສົ່ງອອກຖ່ານຫີນທີ່ເປັນໜຶ່ງໃນວັດຖຸດິບສໍາຄັນຂອງການຜະລິດອາວຸດໃຫ້ອິດສະລາແອນ, ສັນຍານຫລ້າສຸດຂອງຄວາມເຄັ່ງຕຶງລະຫວ່າງທັງສອງປະເທດ ຈາກສົງຄາມຢູ່ເຂດກາຊາ.

     ວັນທີ 9 ມິຖຸນາ, ສໍານັກຂ່າວຕ່າງປະເທດລາຍງານວ່າ: ປະທານາທິບໍດີ ກຸສຕາໂວ ເປໂຕຣ ຜູ້ນໍາໂກລົມບີ ກ່າວວ່າ: ໄດ້ສັ່ງໃຫ້ໜ່ວຍງານທຸກແຫ່ງທີ່ກ່ຽວຂ້ອງໂຈະການສົ່ງອອກຖ່ານຫີນໄປອິດສະລາແອນຈົນກວ່າອີກຝ່າຍຈະຢຸດການຂ້າລ້າງເຜົ່າພັນຢູ່ເຂດກາຊາ.

- Visit Laos Visit SALANA BOUTIQUE HOTEL - ໂກລົມບີໂຈະການສົ່ງອອກຖ່ານຫີນໃຫ້ອິດສະລາແອນ ຍົກລະດັບປະທ້ວງສົງຄາມກາຊາ

      ມາດຕະການດັ່ງກ່າວຈະມີຜົນບັງຄັບໃຊ້ຢ່າງເປັນທາງການພາຍໃນໄລຍະເວລາ 5 ວັນ ຫລັງມີການປະກາດຄໍາສັ່ງ. ທັງນີ້ ລະຫວ່າງເດືອນມັງກອນ-ສິງຫາປີຜ່ານມາ ມູນຄ່າການສົ່ງອອກຖ່ານຫີນຈາກໂກລົມບີໄປອິດສະລາແອນ ບັນລຸ 375 ລ້ານໂດລາສະຫະລັດ ແລະ ຖ່ານຫີນຖືເປັນໜຶ່ງໃນສ່ວນປະກອບສໍາຄັນຂອງການຜະລິດອາວຸດສົງຄາມ.

      ຢ້ອນກັບໄປໃນເດືອນພຶດສະພາຜ່ານມາ, ໂກລົມບີຢຸດການພົວພັນທາງການທູດກັບອິດສະລາແອນ. ເຖິງຢ່າງໃດກໍດີ, ການພົວພັນລະຫວ່າງອິດສະລາແອນກັບໂກລົມບີເຄັ່ງຕຶງຢ່າງຕໍ່ເນື່ອງ ນັບແຕ່ສົງຄາມຢູ່ເຂດກາຊາເລີ່ມຂຶ້ນ ໃນວັນທີ 7 ຕຸລາ 2023. ອິດສະລາແອນປະກາດໂຈະການສົ່ງອອກທີ່ກ່ຽວກັບຄວາມໝັ້ນຄົງໃຫ້ໂກລົມບີ ເພື່ອປະທ້ວງກໍລະນີທ່ານ ເປໂຕຣ ວິຈານທ່ານ ໂຢອາບ ກັລລັນ ລັດຖະມົນຕີກະຊວງປ້ອງກັນປະເທດອິດສະລາແອນ ວ່າເວົ້າເຖິງຊາວປາແລັສຕິນຢູ່ເຂດກາຊາແບບດຽວກັບທີ່ນາຊີເວົ້າເຖິງຊາວຢິວ.

      ຈາກນັ້ນ, ລັດຖະບານ ໂບໂກຕາ ຕອບໂຕ້ທາງການທູດ ດ້ວຍການໃຫ້ອິດສະລາແອນເອີ້ນເອກອັກຄະລັດຖະທູດປະຈໍາໂກລົມບີກັບ ແລະ ໂຈະຊື້ອາວຸດຂອງອິດສະລາແອນ ຫລັງເກີດເຫດຊາວປາແລັສຕິນຈໍານວນຫລາຍເສຍຊີວິດ ລະຫວ່າງການລໍຖ້າຮັບອາຫານຈາກຂະບວນລົດບັນທຸກຢູ່ເຂດກາຊາໃນເດືອນກຸມພາຜ່ານມາ.

- 3 - ໂກລົມບີໂຈະການສົ່ງອອກຖ່ານຫີນໃຫ້ອິດສະລາແອນ ຍົກລະດັບປະທ້ວງສົງຄາມກາຊາ
- 5 - ໂກລົມບີໂຈະການສົ່ງອອກຖ່ານຫີນໃຫ້ອິດສະລາແອນ ຍົກລະດັບປະທ້ວງສົງຄາມກາຊາ
- 4 - ໂກລົມບີໂຈະການສົ່ງອອກຖ່ານຫີນໃຫ້ອິດສະລາແອນ ຍົກລະດັບປະທ້ວງສົງຄາມກາຊາ