ຈີນເລັ່ງປັບປຸງບູລະນະລະບົບເສດຖະກິດຕະຫຼາດສັງຄົມນິຍົມ

- advert banner 728 90 728x90 - ຈີນເລັ່ງປັບປຸງບູລະນະລະບົບເສດຖະກິດຕະຫຼາດສັງຄົມນິຍົມ

ກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ  XIX ຂອງພັກກອມມູນິດຈີນ ແມ່ນກອງປະຊຸມໃຫຍ່ທີ່ສໍາຄັນ ຈັດຂຶ້ນໃນໄລຍະສຸດທ້າຍ ເພື່ອສ້າງສັງຄົມອີ່ມໜໍາສໍາລານໃຫ້ສໍາເລັດຢ່າງຮອບດ້ານ ແລະ ກໍເປັນໄລຍະຂໍກຸນແຈໃນການສ້າງສັງຄົມ ທີ່ມີສີສັນພິເສດຂອງຈີນ ກ້າວເຂົ້າສູ່ຍຸກໃໝ່ ດ້ວຍຄໍາຂັວນຂອງກອງປະຊຸມໃນຄັ້ງນີ້ ຄື: “ຢ່າລືມອຸດົມການ, ຈົດຈໍາພາລະກໍາ, ຊູຄັນທຸງອັນຍິ່ງໃຫຍ່ແຫ່ງສັງຄົມນິຍົມ ທີ່ມີສີສັນພິເສດຂອງຈີນ, ສູ້ຊົນສ້າງສັງຄົມອີ່ມໜໍາສໍາລານໃນໄລຍະສຸດທ້າຍ ໃຫ້ສໍາເລັດຢ່າງຮອບດ້ານ, ຍາດເອົາໄຊຊະນະອັນຍິ່ງໃຫຍ່ແຫ່ງສັງຄົມນິຍົມ ທີ່ມີສີສັນພິເສດຂອງຈີນໃນຍຸກໃໝ່, ​ບາກບັ່ນສູ້ຊົນຢ່າງບໍ່ລົດລະ ເພື່ອບັນລຸຄວາມໄຝ່ຝັນຂອງຈີນໃນການຟື້ນຟູຄວາມຈະເລີນຮຸ່ງເຮືອງ ອັນຍິ່ງໃຫຍ່ຂອງປະຊາຊາດຈີນ”.

- new3 - ຈີນເລັ່ງປັບປຸງບູລະນະລະບົບເສດຖະກິດຕະຫຼາດສັງຄົມນິຍົມ

ສະຫາຍ ສີຈິນຜິງ ເລຂາທິການໃຫຍ່ຄະນະບໍລິຫານງານ ສູນກາງພັກກອມມູນິດຈີນ ໄດ້ສະເໜີຕໍ່ກອງປະຊຸມໃຫຍ່ຜູ້ແທນ ທົ່ວປະເທດ ຄັ້ງທີ  XIX ຂອງພັກກອມມູນິດຈີນ, ແຕ່ໃນບົດນີ້ ຜູ້ຂຽນຈະຂໍນໍາສະເໜີກ່ຽວກັບ ຈີນເລັ່ງປັບປຸງ ບູລະນະລະບົບເສດຖະກິດຕະຫຼາດສັງຄົມນິຍົມ. ການປະຕິຮູບລະບົບເສດຖະກິດ ຕ້ອງເນັ້ນໃສ່ການບູລະນະລະບອບກໍາມະສິດໃຫ້ສົມບູນຂຶ້ນ ແລະ ຈັດສັນປັດໃຈການຜະລິດຕາມຕະຫຼາດ ເຮັດໃຫ້ກໍາມະສິດເປັນກໍາລັງຊຸກດັນທີ່ມີປະສິດທິຜົນ, ປັດໃຈການຜະລິດໄຫຼວຽນຢ່າງເສລີ, ຈັງຫວະການປ່ຽນແປງລາຄາໄວ, ການແຂ່ງຂັນ ມີຄວາມຍຸຕິທໍາ ແລະ ເປັນລະບຽບຮຽບຮ້ອຍ, ວິສາຫະກິດພັດທະນາຕາມກົດເກນຕະຫຼາດ. ຕ້ອງບູລະນະລະບົບຄຸ້ມຄອງຊັບສິນປະເພດຕ່າງໆຂອງລັດໃຫ້ສົມບູນຂຶ້ນ, ປະຕິຮູບລະບົບມອບສິດທຸລະກິດຂອງທຶນລັດ, ເລັ່ງປັບປຸງການຈັດວາງ, ສັບຊ້ອນອົງປະກອບ ແລະ ດໍາເນີນການລວມເຂົ້າຄືນໃໝ່ແບບຍຸດທະສາດຕໍ່ເສດຖະ ກິດລັດ, ຮັກສາມູນຄ່າຊັບສິນລັດ ແລະເຮັດໃຫ້ຊັບສິນລັດມີມູນຄ່າເພີ່ມຂຶ້ນ, ຊຸກຍູ້ໃຫ້ທຶນຮອນຂອງລັດພັດທະນາຢ່າງເຂັ້ມແຂງ, ມີຄຸນນະພາບ ແລະ ມີຂະໜາດໃຫຍ່ຂຶ້ນ, ປ້ອງກັນຊັບສິນຂອງລັດບໍ່ໃຫ້ເສຍຫາຍ. ລົງເລິກການປະຕິຮູບລັດວິສາຫະກິດ, ພັດທະ ນາເສດຖະກິດ ດ້ວຍລະບອບກໍາມະສິດປະສົມ, ບໍາລຸງກໍ່ສ້າງວິສາຫະກິດລະດັບໜຶ່ງຂອງໂລກ ທີ່ມີກໍາລັງແຂ່ງຂັນສາກົນ. ຈັດຕັ້ງປະຕິບັດລະບຽບການບັນຊີທາງລົບໃນການອະນຸຍາດເຂົ້າຕະຫຼາດຢ່າງຮອບດ້ານ, ລົບລ້າງຂໍ້ກໍານົດ ແລະມາດຕະການຕ່າງໆທີ່ຂັດ ຂວາງຄວາມເປັນເອກະພາບຂອງຕະຫຼາດ ແລະການແຂ່ງຂັນທີ່ຍຸຕິທໍາ, ສະໜັບສະໜູນການພັດທະນາວິສາຫະກິດເອກະຊົນ, ກະ ຕຸກຊຸກຍູ້ອົງການຕະຫຼາດປະເພດຕ່າງໆໃຫ້ມີຊີວິດຊີວາ. ລົງເລິກການປະຕິຮູບລະບຽບການຄ້າ, ລົບລ້າງການຜູກຂາດລັກສະນະບໍ ລິຫານ, ປ້ອງກັນ ບໍ່ໃຫ້ເກີດການຜູກຂາດໃນຕະຫຼາດ, ເລັ່ງການປະຕິຮູບ ໃຫ້ຕະຫຼາດກໍານົດລາຄາປັດໃຈການຜະລິດ, ຫຼຸດຜ່ອນຄວາມຈໍາກັດໃນການອະນຸຍາດເຂົ້າຕະຫຼາດຂອງຂະແໜງການບໍລິການ, ບູລະນະລະບົບຕິດຕາມກວດກາ ແລະຄຸ້ມຄອງຕະຫຼາດ, ປະດິດສ້າງ ແລະ ບູລະນະການດັດສົມຄວບຄຸມມະຫາພາກ, ເສີມຂະຫຍາຍບົດບາດຊີ້ນໍາຍຸດທະສາດຂອງແຜນການພັດທະນາແຫ່ງຊາດ, ປັບປຸງລະບົບປະສານງານລະຫວ່າງນະໂຍບາຍເສດຖະກິດທາງການເງິນ, ເງິນຕາ, ຂະແໜງການ ແລະ ການພັດທະນາທ້ອງຖິ່ນ ເປັນຕົ້ນ ບູລະນະລະບົບ ແລະ ກົນໄກຊຸກຍູ້ການບໍລິໂພກ, ເພີ່ມທະວີບົດບາດລັກສະນະພື້ນຖານຂອງການບໍລິໂພກ ຕໍ່ການພັດທະນາເສດຖະກິດ, ລົງເລິກການປະຕິຮູບລະບົບການລົງທຶນ ແລະ ລະດົມທຶນ, ເສີມຂະຫຍາຍບົດບາດລັກສະນະຂໍກຸນ ແຈຂອງການລົງທຶນຕໍ່ການປັບປຸງອົງປະກອບດ້ານການສະໜອງ. ເລັ່ງສ້າງລະບຽບການການເງິນທີ່ທັນສະໄໝ, ສ້າງສາຍພົວພັນການເງິນລະຫວ່າງສູນກາງ ແລະ ທ້ອງຖິ່ນ ທີ່ແບ່ງສິດ ແລະ ຄວາມຮັບຜິດຊອບຢ່າງຈະແຈ້ງ, ມີຄວາມສາມາດດ້ານການເງິນທີ່ປະ ສານສົມທົບກັນ ແລະ ມີຄວາມດຸ່ນດ່ຽງກັນລະຫວ່າງເຂດແຄວ້ນຕ່າງໆ. ສ້າງລະບຽບການງົບປະມານ ທີ່ເປັນລະບຽບແບບແຜນຮອບດ້ານ, ໂປ່ງໃສ, ມີມາດຕະຖານຖືກຕ້ອງກັບຫຼັກວິທະຍາສາດ ແລະ ມີການຜູກມັດ ຢ່າງມີປະສິດທິຜົນ, ຈັດຕັ້ງປະຕິບັດການຄຸ້ມຄອງຕາມຜົນງານ ແລະ ປະສິດທິພາບຢ່າງຮອບດ້ານ. ລົງເລິກການປະຕິຮູບລະບຽບການສ່ວຍສາອາກອນ, ປັບປຸງລະບົບອາ ກອນທ້ອງຖິ່ນໃຫ້ສົມບູນຂຶ້ນ. ລົງເລິກການປະຕິຮູບລະບົບການທະນາຄານ, ຍົກຄວາມສາມາດຮັບໃຊ້ເສດຖະກິດຮູບປະທໍາຂອງຂະແໜງການທະນາຄານໃຫ້ສູງຂຶ້ນ, ຍົກອັດຕາສ່ວນລະດົມທຶນໂດຍກົງໃຫ້ສູງຂຶ້ນ, ຊຸກຍູ້ຕະຫຼາດທຶນຮອນທີ່ມີຫຼາຍລະດັບພັດ ທະນາຢ່າງແຂງແຮງ. ເສີມສ້າງຂອບດັດສົມຄວບຄຸມມະຫາພາກ ທີ່ມີ 2 ເສົາຄໍ້າ ຄື: ນະໂຍບາຍເງິນຕາ ແລະ ນະໂຍບາຍມະຫາພາກແບບສຸຂຸມຮອບຄອບ, ລົງເລິກການປະຕິຮູບກົນໄກດອກເບ້ຍ ແລະ ອັດຕາແລກປ່ຽນຫັນເປັນແບບຕະຫຼາດ. ປັບປຸງລະບົບຕິດຕາມກວດກາ ແລະ ຄຸ້ມຄອງການທະນາຄານ ໃຫ້ສົມບູນຂຶ້ນ, ຮັກສາຂີດຕໍ່າສຸດບໍ່ໃຫ້ເກີດຄວາມສ່ຽງການທະນາຄານໃນທົ່ວລະບົບ.

 

ໂດຍ: ຣັດສະໝີ ດວງສັດຈະ

 

error: Content is protected !!