ຈະສ້າງທາງດ່ວນບໍ່ແກ້ວ-ບໍ່ເຕັນຍາວ 181 ກິໂລແມັດ

ໃນວັນທີ 8-11 ພະຈິກນີ້, ສະຫາຍ ຄຳພັນ ເຜີຍຍະວົງ ກຳ ມະການສູນກາງພັກ ເລຂາພັກ ແຂວງ ເຈົ້າແຂວງໆບໍ່ແກ້ວ ພ້ອມ ຄະນະໄດ້ເຄື່ອນໄຫວຢ້ຽມຢາມ ແລະ ເຮັດວຽກຢູ່ນະຄອນຄຸນມິງ ແຂວງ ຢຸນນານ ສປ ຈີນ ເພື່ອປຶກ ສາຫາລືການກະກຽມຄວາມພ້ອມ ກ່ຽວກັບໂຄງການກໍ່ສ້າງທາງ ດ່ວນລະຫວ່າງແຂວງບໍ່ແກ້ວ ຫາ ບໍ່ເຕັນ ແຂວງຫລວງນ້ຳທາ ເຊິ່ງ ມີໄລຍະທາງຍາວ 181 ກິໂລ ແມັດ ຄາດວ່າຈະມີມູນຄ່າລົງທຶນ ປະມານ 3 ຕື້ໂດລາສະຫະລັດ, ທີ່ ສອງຝ່າຍໄດ້ຮ່ວມກັນລົງນາມ ໃນ ວັນທີ 18 ກໍລະກົດ 2017 ທີ່ນະ ຄອນຫລວງວຽງຈັນ, ໂດຍແມ່ນ ກະຊວງໂຍທາທິການ ແລະ ຂົນ ສົ່ງ ສປປ ລາວ ແລະ ກະຊວງຄົມ ມະນາຄົມ ສປ ຈີນ.

+ ຈະສ້າງຮາວເຫລັກແຄມທາງຍ່າງແຕ່ໄຟແດງສະຖານີລົດເມຮອດໄຟແດງວັດທາດຝຸ່ນ

+ ແຂວງບໍ່ແກ້ວຖືເອົາ 9 ໂຄງການພັດທະນາແຫລ່ງທ່ອງທ່ຽວບຸລິມະສິດ

ປັດຈຸບັນພວມຢູ່ໃນໄລຍະ ສຶກສາຄົ້ນຄວ້າມາໃນວັນທີ 15- 30 ກັນຍາ ຜ່ານມາທີມງານວິ ຊາການກໍໄດ້ເດີນສຳຫລວດ ສະພາບການກໍ່ສ້າງຕົວຈິງເພື່ອ ຫລີກເວັ້ນຜົນກະທົບທາງດ້ານ ສິ່ງແວດລ້ອມ, ປ່າສະຫງວນເຂດ ຫ່ວງຫ້າມ ແລະ ເຂດກະສິກຳ. ເພື່ອໃຫ້ກະຊວງໂຍທາທິການ ແລະ ຂົນສົ່ງຂອງ ສປປ ລາວ ພິຈາລະນາແລ້ວລົງມືກໍ່ສ້າງ ທັນທີ.
ໂອກາດນີ້ ສະຫາຍ ຄຳພັນ ເຜີຍຍະວົງ ຕາງໜ້າການນຳ ຂອງແຂວງບໍ່ແກ້ວ ກໍໄດ້ລາຍ ງານຄວາມຄືບໜ້າຂອງການກະ ກຽມໂຄງການກໍ່ສ້າງເສັ້ນທາງ ດ່ວນດັ່ງກ່າວ ໃຫ້ສຳເລັດໂດຍ ໄວເພາະແມ່ນບັນຫາຕົ້ນຕໍ ແລະ ຈຳເປັນໃນການຄົມມະນາຄົມ ໄປມາຫາສູ່, ແລກປ່ຽນສິນຄ້າ ຂອງປະຊາຊົນສອງປະເທດ ແລະ ຊ່ວຍແກ້ໄຂຄວາມທຸກຈົນ ຂອງປະຊາຊົນ.
ໂອກາດນີ້ ສະຫາຍ ຄຳເກິ່ງ ເອືອຍມະນີຮັກ ຮອງເລຂາພັກ ແຂວງ ຮອງເຈົ້າແຂວງໆບໍ່ແກ້ວ ແລະ ສະຫາຍ ເສັນຊຸ້ນ ຮອງເຈົ້າ ແຂວງຢູນນານ ໄດ້ເຊັນບົດທຶກ ຊ່ວຍຈຳການ ພົວພັນຮ່ວມມືລະ ຫວ່າງ ແຂວງບໍ່ແກ້ວກັບ ແຂວງ ຢູນນານ ເຊິ່ງປະກອບມີ 9 ວຽກ ຫລັກຄື: ສ້າງກົນໄກການ ຢ້ຽມຢາມ ເຊິ່ງກັນ ແລະ ກັນລະ ຫວ່າງການນຳຂັ້ນ ສູງຂອງ ສອງ ແຂວງ, ຊຸກຍູ້ການກໍ່ສ້າງພື້ນ ຖານໂຄ່ງລາງເສັ້ນທາງດ່ວນບໍ່ ແກ້ວ-ບໍ່ເຕັນ, ເສີມຂະຫຍາຍ ການຮ່ວມມືຂົນສົ່ງສາກົນຕາມ ລຳແມ່ນ້ຳຂອງ, ຮ່ວມມືດ້ານ ກະສິກຳ ແລະ ການປູກຝັ່ງ-ລ້ຽງ ສັດ, ຮ່ວມມືປົກປັກຮັກສາລະບົບ ນິເວດສິ່ງແວດລ້ອມຊີວານາໆ ພັນ ແລະ ສ້າງກົນໄກການ ປະສານງານການຕ່າງ ປະເທດ ສອງຝ່າຍ.
ໃນວັນດຽວກັນ ບັນດາຜູ້ ແທນ ກໍໄດ້ສືບຕໍ່ໄປພົບປະຢ້ຽມ ຢາມແລກປ່ຽນບົດຮຽນນຳກຸ່ມ ບໍລິສັດນິຄົມກະສິກຳ ຈຳກັດ ແລະ ໂຮງງານຜະລິດກາເຟສຳ ເລັດຮູບ. ໂອກາດໄປເຖິງກໍໄດ້ ຖືກຕ້ອນຮັບຢ່າງອົບອຸ່ນ ແລະ ຮັບຟັງການລາຍງານສະພາບ ການຈັດຕັ້ງວຽກງານການລົງ ທຶນເຂົ້າໃນການປູກ-ການລ້ຽງ ໂດຍສະເພາະແມ່ນການລົງທຶນ ສົ່ງເສີມ ການປູກຢາງພາລາ, ປູກ ກາເຟ, ລ້ຽງງົວນົມ, ລ້ຽງແບ້, ລ້ຽງໝູ, ປູກກ້ວຍຫອມ, ປູກ ໝາກແອບເປີນ ແລະ ປູກພືດ ຜັກຕ່າງໆ. ປັດຈຸບັນທາງບໍລິສັດ ໄດ້ມາລົງທຶນປູກຢາງພາລາຢູ່ ລາວ ທັງໝົດ 18 ພື້ນທີຄື: ແຂວງ ບໍ່ແກ້ວ, ແຂວງຄຳມ່ວນ ແລະ ແຂວງສະຫວັນນະເຂດ.

ຈາກນັ້ນ ບັນດາຜູ້ແທນ ກໍ ໄດ້ສືບຕໍ່ຢ້ຽມຊົມໂຮງງານຜະລິດ ກາເຟສຳເລັດຮູບ ໂຮງງານແຫ່ງ ນີ້ເປັນໂຮງງານທີ່ທັນສະໄໝນຳ ເຂົ້າຈາກປະເທດເຢຍລະມັນ ແລ້ວເດີນທາງໄປເບິ່ງ ໂຄງການ ກໍ່ສ້າງກຸ່ມບ້ານຈັດສັນຂອງບໍລິ ສັດເຊີນຈຽງ ເມືອງເຊີນຈຽງ ແຂວງຢູນນານ ເຊິ່ງເປັນເມືອງທີ່ ມີຄວາມສວຍສົດງົດງາມທາງ ດ້ານທຳມະຊາດ ມີທະເລຊາບທີ່ ສະອາດເປັນ ຊັບສົມບັດ ແລະ ສັນ ຍາລັກຂອງເມືອງບໍລິການທ່ອງ ທ່ຽວ. ພ້ອມທັງເຄື່ອນໄຫວ ຢ້ຽມ ຊົມໂຮງງານເຫລັກກ້າ ໂຮງງານ ແຫ່ງນີ້ໄດ້ຄຳນຶງເຖິງຄຸນນະພາບ, ສິ່ງແວດລ້ອມເປັນ ຫລັກດ້ວຍເຕັກ ໂນໂລຊີ ທີ່ທັນສະໄໝສາມາດ ຈຳກັດມົນລະຜິດທີ່ສ້າງຄວາມ ເສຍຫາຍໃຫ້ແກ່ອາກາດ. ປັດຈຸ ບັນທາງບໍລິສັດພວມສ້າງສາຂາ ຢູ່ນະຄອນຫລວງວຽງຈັນຊື່ ໂຮງ ງານເຫລັກກ້າລາວ, ວັດຖຸດິບ ສ່ວນຫລາຍແມ່ນຢູ່ໃນປະເທດ 70%, ຕ່າງປະເທດ 30%.