ເສດຖະກິດຍີ່ປຸ່ນເຕີບໃຫຍ່ 1,4% ໃນໄຕມາດເດືອນກໍລະກົດ-ກັນຍາ

ສຳນັກງານລັດຖະບານຍີ່ປຸ່ນລາຍງານໃນວັນທີ 15 ພະຈິກວ່າ: ເສດຖະກິດຍີ່ປຸ່ນຂະຫຍາຍຕົວ 1,4% ໃນໄຕມາດເດືອນກໍລະ ກົດ-ກັນຍາ ຖືເປັນການເຕີບໃຫຍ່ 7 ໄຕມາດຕິດຕໍ່ກັນສຳລັບຍີ່ປຸ່ນທີ່ມີເສດຖະກິດຂະໜາດໃຫຍ່ເປັນອັນດັບສາມຂອງໂລກ.

ລາຍງານສຳນັກງານລັດຖະບານຍີ່ປຸ່ນລະບຸວ່າ: ເສດຖະກິດຍີ່ປຸ່ນໃນໄລຍະຂະຫຍາຍຕົວຍາວນານທີ່ສຸດນັບແຕ່ປີ 2001. ເຖິງ ຢ່າງໃດກໍຕາມ ການເຕີບໃຫຍ່ຊ້າລົງຈາກ 2,6% ໃນເດືອນເມສາ-ມິຖຸນາ, ຂະແໜງການສົ່ງອອກທີ່ແຂງແຮງ ແລະ ການລົງທຶນ ຂອງເອກະຊົນເພີ່ມຂຶ້ນມີສ່ວນທົດແທນປະລິມານການບໍລິໂພກໃນຄົວເຮືອນທີ່ຊຸດໂຊມ ເຊິ່ງຄິດເປັນເກືອບສອງໃນສາມຂອງກິດ ຈະກຳພາກທຸລະກິດ, ແຕ່ຍັງຖືວ່າບໍ່ໝັ້ນຄົງ ເນື່ອງຈາກອັດຕາຄ່າຈ້າງທີ່ຊຸດໂຊມ, ການບໍລິໂພກພາກເອກະຊົນຫລຸດລົງ 0,5% ເດືອນກໍລະກົດ-ກັນຍາ ຖືເປັນການຫລຸດລົງເທື່ອທຳອິດໃນຮອບ 7 ໄຕມາດ.