ສະພາແຫ່ງຊາດຮັບຮອງ 2 ກົດໝາຍ

- Law 1 - ສະພາແຫ່ງຊາດຮັບຮອງ 2 ກົດໝາຍ
- AGL banner - ສະພາແຫ່ງຊາດຮັບຮອງ 2 ກົດໝາຍ

ກອງປະຊຸມສະໄໝສາມັນເທື່ອທີ 4 ຂອງສະພາແຫ່ງຊຸດທີ VIII, ໃນວັນທີ 15 ພະຈິກນີ້, ສະມາຊິກສະພາແຫ່ງຊາດ ໄດ້ເຫັນດີຮັບຮອງ ເອົາກົດໝາຍ 2 ສະບັບຄື: ກົດໝາຍວ່າດ້ວຍຊັບສນທາງປັນຍາ (ສະບັບ ປັບປຸງ) ແລະ ກົດໝາຍວ່າດ້ວຍກຳມະບານລາວ (ສະບັບປັບປຸງ), ດ້ວຍຄະແນນສຽງສ່ວນຫຼາຍ ແລະ ເປັນເອກະພາບກັນ.

ໃນພາກເຊົ້າຂອງວັນດັ່ງກ່າວ, ທ່ານ ບໍ່ວຽງຄໍາ ວົງດາລາ ລັດຖະມົນ ຕີກະຊວງວິທະຍາສາດ ແລະ ເຕັກໂນໂລຊີ, ໄດ້ຂຶ້ນສະເໜີຮ່າງກົດໝາຍ ດັ່ງກ່າວຕໍ່ກອງປະຊຸມວ່າ: ກົດໝາຍສະບັບນີ້ປະກອບມີ 10 ພາກ, 25 ໝວດ ແລະ 169 ມາດຕາ, ໄດ້ຖືຮັບຮອງ ໃນກອງປະຊຸມສະໄໝສາມັນເທື່ອທີ່ 2 ຂອງ ສະພາແຫ່ງຊາດຊຸດທີ VII ໃນວັນທີ 20 ທັນວາ 2011 ແລະ ປະກາດໃຊ້ ໃນວັນທີ 16 ມັງກອນ 2012 ເປັນຕົ້ນມາ ແລະ ມາຮອດປັດຈຸບັນ, ເພື່ອໃຫ້ສາມາດເຊື່ອມໂຍງ ກັບພາກພື້ນ ແລະ ສາກົນກວ້າງຂວາງຂຶ້ນຕື່ມ, ໂດຍສະເພາະຕ້ອງ ສອດຄ່ອງກັບລະບຽບການສົນທິສັນຍາ ຫຼື ສັນຍາສາກົນທີ່ລາວເປັນພາຄີ ເຊັ່ນ: ປີ 2012 ລາວໄດ້ຖືກຮັບຮອງເຂົ້າເປັນພາຄີຂອງສົນທິສັນຍາເບີນ ວ່າດ້ວຍການປົກປ້ອງຜົນງານທາງດ້ານວັນນະກໍາ ແລະ ສິລະປະກໍາ, ໃນປີ 2015 ລາວໄດ້ເຂົ້າເປັນພາຄີຂອງອານຸສັນຍາທີ່ຕິດພັນກັບສົນທິ ສັນຍາມາດຣິດ ວ່າດ້ວຍການຈົດທະບຽນສາກົນກ່ຽວກັບເຄື່ອງໝາຍ. ໃນຊຸມປີຕໍ່ໜ້າ ປະເທດເຮົາຍັງຈະໄດ້ເຂົ້າຮ່ວມເປັນພາຄີຂອງສັນຍາ ແລະ ສົນທິສັນຍາສາກົນ ທີ່ສໍາຄັນຈໍານວນໜຶ່ງອີກ, ດັ່ງນັ້ນ ຈຶ່ງຮຽກຮ້ອງໃຫ້ມີ ການປັບປຸງບາງມາດຕາຂອງກົດໝາຍດັ່ງກ່າວໃຫ້ມີເນື້ອໃນຄົບຖ້ວນ, ຮັດກຸມ, ເຂົ້າໃຈງ່າຍ ແລະ ຈະແຈ້ງຂຶ້ນຕື່ມ.

ໃນຕອນບ່າຍຂອງວັນດັ່ງກ່າວ, ທ່ານ ປ້ານ ນ້ອຍມະນີ ປະທານສູນ ກາງສະຫະພັນກຳມະບານລາວ ໄດ້ສະເໜີກົດໝາຍວ່າດ້ວຍກຳມະບານ ລາວ ສະບັບປັບປຸງຕໍ່ປະຊຸມວ່າ: ກົດໝາຍດັ່ງກ່າວ ປະກອບມີ: 12 ພາກ, 53 ມາດຕາ, ຊຶ່ງກາຍເປັນບ່ອນອີງອັນແໜ້ນແກ່ນ ໃນການປະຕິບັດພາລະ ບົດບາດ,​ ສິດ ແລະ ໜ້າທີ່ຂອງກໍາມະບານແຕ່ລະຂັ້ນ, ເຮັດໃຫ້ສາຍພົວ ພັນແຮງງານລະຫວ່າງຜູ້ອອກແຮງງານ ກັບຜູ້ໃຊ້ແຮງງານໄດ້ຮັບການປັບ ປຸງດີຂຶ້ນ, ສາມາດສ້າງເງື່ອນໄຂໃຫ້ເຂົາເຈົ້າໄດ້ຕັ້ງໜ້າປະກອບສ່ວນປະຕິ ບັດແນວທາງຂອງພັກ, ແຜນພັດທະນາເສດຖະກິດ-ສັງຄົມຂອງລັດແຕ່ລະ ໄລຍະ, ຢູ່ຫົວໜ່ວຍແຮງງານມີຄວາມສະຫງົບໂດຍພື້ນຖານ. ແນວໃດກໍ ຕາມ ກົດໝາຍສະບັບເກົ່າ, ເນື້ອໃນສ່ວນຫລາຍແມ່ນເອົາມາຈາກກົດລະ ບຽບຂອງສະຫະພັນກຳມະບານ, ຊຶ່ງມີບາງມາດຕາກຳນົດບໍ່ຊັດເຈນ, ຊໍ້າຊ້ອນໃນກະໂຕຂອງກົດໝາຍເອງ ແລະ ບາງມາດຕາຍັງຊໍ້າຊ້ອນ ວຽກງານຂອງຂະແໜງການອື່ນ, ຈຶ່ງເຮັດໃຫ້ສັງຄົມບໍ່ທັນໄດ້ໃຫ້ຄວາມສົນ ໃຈ ແລະ ປະຕິບັດໄດ້ດີເທົ່າທີ່ຄວນ, ຊຶ່ງການປັບປຸງຄັ້ງນີ້ ເປັນການປັບປຸງ ຍົກລະດັບວຽກງານກຳມະການເຂົ້າສູ່ບາດກ້າວໃໝ່ທີ່ມີຄຸນນະພາບສູງກວ່າ ເກົ່າ ເປັນການຍົກລະດັບຄວາມຮັບຜິດຊອບຂອງບັນດາ ພາກສ່ວນທີ່ກ່ຽວຂ້ອງກັບວຽກງານກຳມະບານຕື່ມບາດກ້າວໜຶ່ງ, ແນໃສ່ ເຮັດໃຫ້ຊົນຊັ້ນກຳມະກອນ ແລະ ຜູ້ອອກແຮງງານລາວໄດ້ຮັບການປົກ ປ້ອງຕາມແນວທາງນະໂຍບາຍຂອງພັກ, ກົດໝາຍ ແລະ ລະບຽບການ ຂອງລັດ, ດັ່ງນັ້ນ ກົດໝາຍວ່າດ້ວຍກຳມະບານລາວ ຈຶ່ງມີຄວາມຈຳເປັນ ຕ້ອງໄດ້ປັບປຸງ.

- Wave100S AD to Website 2020 0 - ສະພາແຫ່ງຊາດຮັບຮອງ 2 ກົດໝາຍ
- WhatsApp Image 2020 05 27 at 5 - ສະພາແຫ່ງຊາດຮັບຮອງ 2 ກົດໝາຍ
- WhatsApp Image 2020 05 27 at 5 - ສະພາແຫ່ງຊາດຮັບຮອງ 2 ກົດໝາຍ
- WhatsApp Image 2020 05 27 at 5 - ສະພາແຫ່ງຊາດຮັບຮອງ 2 ກົດໝາຍ
- WhatsApp Image 2020 05 27 at 5 - ສະພາແຫ່ງຊາດຮັບຮອງ 2 ກົດໝາຍ
error: Alert: Content is protected !!