ພາຍຸລະດູໜາວພັດຖະຫລົ່ມອາເມລິກາ ກະທົບຊາວອາເມລິກາ 60 ລ້ານກວ່າຄົນ

       ຊາວອາເມລິກາ 60 ລ້ານກວ່າຄົນ ຢູ່ຫລາຍກວ່າ 30 ລັດຂອງອາເມລິກາຜະເຊີນຜົນກະທົບຈາກພາຍຸລະດູໜາວທີ່ພັດຖະຫລົ່ມ ເຊິ່ງສົ່ງຜົນເຮັດໃຫ້ຫລາຍພື້ນທີ່ເກີດຫິມະຕົກໜັກ ແລະ ອຸນຫະພູມຫລຸດຕໍ່າລົງເປັນປະຫວັດສາດໃນຮອບທົດສະວັດ.

       ໂດຍຫລ້າສຸດມີຫລາຍລັດທີ່ປະກາດສະຖານະການສຸກເສີນເພື່ອຮັບມືໄພພິບັດແລ້ວເຊັ່ນ: ແຄນຊັສ, ມິສຊູຣີ, ເຄນທັກກີ, ເວີຈິເນຍ, ອາຄັນຊໍ ແລະ ນິວເຈີຊີ ຫລັງຈາກຜະເຊີນຫິມະຕົກໜັກ, ໝາກເຫັບ, ຝົນນໍ້າກ້ອນ, ລົມພັດແຮງ ແລະ ອຸນຫະພູມທີ່ໜາວເຢັນ.

      ຂະນະທີ່ລັດມິສຊູຣີ ເຊິ່ງເປັນໜຶ່ງໃນພື້ນທີ່ທີ່ໄດ້ຮັບຜົນກະທົບຮ້າຍແຮງທີ່ສຸດ ຫລ້າສຸດພົບວ່າບາງຈຸດມີຫິມະຕົກປົກຄຸມໜາກວ່າ 25 ຊມ, ສ່ວນຢູ່ແຄນຊັສທາງການຕ້ອງສັ່ງປິດຖະໜົນຫລາຍເສັ້ນ, ຍົກເລີກຖ້ຽວບິນຫລາຍພັນຖ້ຽວ ແລະ ປິດສະໜາມບິນເມືອງແຄນຊັສຊົ່ວຄາວ.

ອ້າງອີງ:

• https://edition.cnn.com/2025/01/05/weather/winter-storm-weather-weekend/index.html
• https://www.bbc.com/news/live/c1mr4pn811xt