ລັດຖະມົນຕີຕ່າງປະເທດຣັດເຊຍ-ອາເມລິກາ ຈະຫາລືເລື່ອງ ສປປ ເກົາຫລີ ຢູ່ວຽນນາ
December 5, 2017 - 6:24 PM
ສຳນັກຂ່າວເຣຍຂອງຣັດເຊຍລາຍງານຄາດວ່າ: ທ່ານ ເຊີເກ ລາຟຣອຟ ລັດຖະມົນຕີຕ່າງປະເທດຣັດເຊຍ ຈະໄດ້ຫາລືບັນຫາວິກິດ ສປປ ເກົາຫລີ ກັບທ່ານ ເຣັກ ທິວເລີສັນ ລັດຖະມົນຕີຕ່າງປະເທດອາເມລິກາ ລະຫວ່າງພົບປະກັນຢູ່ນະຄອນຫລວງວຽນນາ ປະເທດໂອຕຣິດ ໃນອາທິດນີ້.
ສຳນັກຂ່າວເຣຍລາຍງານອ້າງຄຳກ່າວຂອງທ່ານ ເຊີເກ ໄຣອັບຄອຟ ຮອງລັດຖະມົນຕີຕ່າງປະເທດຣັດເຊຍ. ກ່ອນໜ້ານີ້ ກະຊວງຕ່າງປະເທດອາເມລິກາລາຍງານວ່າ: ການພົບປະກັນລະຫວ່າງທ່ານ ທິວເລີສັນ ກັບທ່ານ ລາຟຣອຟ ໄດ້ມີການວາງແຜນກັນໄວ້ແລ້ວວ່າຈະມີຂຶ້ນນອກຮອບກອງປະຊຸມລະດັບລັດຖະມົນຕີໂອເອສຊີອີ ລະຫວ່າງທີ່ລັດຖະມົນຕີຕ່າງປະເທດອາເມລິກາຢ້ຽມຢາມເອີຣົບໃນອາທິດນີ້.
