ຫລາຍພາກສ່ວນສືບຕໍ່ມອບເຄື່ອງຊ່ວຍເຫລືອຜູ້ປະສົບໄພພິບັດທາງທຳມະຊາດ
December 6, 2017 - 5:06 PM
ວັນທີ 6 ທັນວານີ້, ກະຊວງແຮງງານ ແລະ ສະຫວັດດີການສັງຄົມ, ໄດ້ຮັບເຄື່ອງຊ່ວຍເຫລືອ ແລະ ເງິນສົດ ຈາກກະຊວງການຕ່າງປະເທດ ຈໍານວນ 62 ລ້ານກວ່າກີບ ແລະ ກົມໃຫຍ່ການເມືອງກອງທັບ ກະຊວງປ້ອງກັນປະເທດ ຈຳນວນ 14 ລ້ານກວ່າກີບ, ພ້ອມອາຫານສຳເລັດຮູບຈຳນວນໜຶ່ງ, ເພື່ອປະກອບສ່ວນຊ່ວຍ ເຫລືອຜູ້ປະສົບໄພພິບັດ ທາງທຳມະຊາດໃນທ້ອງຖິ່ນຕ່າງໆ, ທັງເປັນການປະກອບສ່ວນຊ່ວຍແກ້ໄຂຊີວິດການ ເປັນຢູ່ຂອງເຂົາເຈົ້າກັບຄືນສູ່ປົກກະຕິໂດຍໄວ.ພິທີມອບ-ຮັບເຄື່ອງຊ່ວຍເຫລືອດັ່ງກ່າວ, ມີຂຶ້ນທີ່ກະຊວງດັ່ງກ່າວລະຫວ່າງທ່ານນາງ ໃບຄຳ ຂັດທິຍະ ຮອງລັດຖະມົນຕີກະຊວງ ແຮງງານ ແລະ ສະຫວັດດີການສັງຄົມ ແລະ ຜູ້ຕາງໜ້າຈາກພາກສ່ວນກ່ຽວຂ້ອງເຂົ້າຮ່ວມ.
