ຈີນເປີດກອງປະຊຸມສອງສະພາ ຕັ້ງເປົ້າ GDP ເຕີບໃຫຍ່ປະມານ 5% ໃນປີ 2025

        ຈີນເປີດກອງປະຊຸມສອງສະພາຢ່າງຍິ່ງໃຫຍ່ ເຊິ່ງເປັນກອງປະຊຸມທາງການເມືອງລະດັບປະເທດທີ່ສໍາຄັນຂອງຈີນ ທີ່ຈະກໍານົດທິດທາງນະໂຍບາຍຂອງປະເທດ ທ່າມກາງສະພາບແວດລ້ອມສະຫລັບສັບຊ້ອນ ແລະ ທ້າທາຍຢູ່ຈີນ ແລະ ທົ່ວໂລກ ໂດຍກອງປະຊຸມປະຈໍາປີຂອງຄະນະກໍາມະການແຫ່ງຊາດປະຈໍາສະພາທີ່ປຶກສາທາງການເມືອງແຫ່ງປະຊາຊົນຈີນ (CPPCC) ເຊິ່ງເປັນໜ່ວຍງານທີ່ປຶກສາທາງການເມືອງລະດັບສູງສຸດຂອງຈີນ ເລີ່ມຂຶ້ນໃນວັນທີ 4 ມີນາ, ສ່ວນກອງປະຊຸມຂອງສະພາຜູ້ແທນປະຊາຊົນແຫ່ງຊາດ (NPC) ເຊິ່ງເປັນສະພານິຕິບັນຍັດລະດັບສູງສຸດ ເລີ່ມຂຶ້ນແລ້ວໃນວັນທີ 5 ມີນາ.

       ຈີນຕັ້ງເປົ້າໝາຍການເຕີບໃຫຍ່ຂອງລວມຍອດຜະລິດຕະພັນພາຍໃນ (GDP) ປະມານ 5% ໃນປີ 2025 ເຊິ່ງໂດຍທົ່ວໄປແລ້ວ ຕົວເລກນີ້ຖືເປັນໜຶ່ງໃນຕົວເລກທີ່ຖືກເຝົ້າຕິດຕາມຫລາຍທີ່ສຸດ ໂດຍ GDP ບໍ່ພຽງແຕ່ເປັນຕົວຊີ້ວັດເສດຖະກິດ, ແຕ່ຍັງເປັນຕົວບົ່ງຊີ້ສໍາຄັນຂະນະທີ່ເສດຖະກິດຂອງຈີນກໍາລັງປ່ຽນຜ່ານສູ່ການພັດທະນາທີ່ມີຄຸນນະພາບສູງ.

ອ້າງອີງ:

• https://english.news.cn/20250304/d211dd9ecdd245e4933decb73095c88b/c.html
• https://www.globaltimes.cn/page/202503/1329505.shtml
• https://www.chinadaily.com.cn/a/202503/05/WS67c7b23ca310c240449d8b9d.html