ຕາດໄຟໄໝ້ແຫລ່ງທ່ອງທ່ຽວທຳມະຊາດທີ່ສວຍງາມ

- 4577 - ຕາດໄຟໄໝ້ແຫລ່ງທ່ອງທ່ຽວທຳມະຊາດທີ່ສວຍງາມ
- Untitled design - ຕາດໄຟໄໝ້ແຫລ່ງທ່ອງທ່ຽວທຳມະຊາດທີ່ສວຍງາມ

ທ່າແຕງນັບວ່າ ເປັນອີກ ເມືອງໜຶ່ງຂອງແຂວງເຊກອງ ທີ່ເຕັມໄປດ້ວຍຊັບພະຍາກອນ ທຳມະຊາດ ແລະ ຊີວະນາໆ ພັນອັນອຸດົມສົມບູນ, ດ້ານສະຖານທີ່ທ່ອງທ່ຽວກໍບໍ່ໄດ້ເປັນ ຮອງຈາກເມືອງອື່ນໃດ, ບໍ່ວ່າຈະ ເປັນທາງດ້ານວັດ ທະນະທຳຮີດຄອງປະເພນີ, ຮ່ອງຮອຍປະ ຫວັດສາດ ແລະ ທຳມະຊາດ ທີ່ສວຍງາມ ໂດຍສະເພາະແມ່ນ “ ນ້ຳຕົກຕາດໄຟໄໝ້ ”.
“ ຕາດໄຟໄໝ້ ” ຖືເປັນ ອີກສະຖານທີ່ທ່ອງທ່ຽວທາງ ທໍາມະຊາດທີ່ສວຍງາມອີກ ແຫ່ງໜຶ່ງຂອງເມືອງທ່າແຕງ ທັງນີ້ ກໍເນື່ອງຈາກວ່າ ຍັງຄົງ ມີຄວາມອຸດົມສົມບູນແບບທຳ ມະຊາດເປັນຢ່າງດີ, ບໍ່ວ່າຈະເປັນ ພູຜາປ່າໄມ້, ຫ້ວຍນ້ຳລຳທານ ແລະ ໂງ່ນຫີນທີ່ຢູ່ຕາມຕາດ ກໍຍັງຄົງມີສະພາບເດີມໂດຍບໍ່ໄດ້ມີການດັດສ້າງ ຫຼື ຕົບແຕ່ງແຕ່ ຢ່າງໃດເວົ້າໄດ້ວ່າ: “ ຍັງງົດ ງາມດ້ວຍທຳມະຊາດໂດຍແທ້ ” ຊຶ່ງການເປັນມົນສະເໜ່ດຶງດູດ ຈິດໃຈຜູ້ທີ່ໄດ້ພົບເຫັນໃຫ້ຄິດຮອດຈົນຍາກທີ່ຈະລືມ.

- fai mai 640x400 - ຕາດໄຟໄໝ້ແຫລ່ງທ່ອງທ່ຽວທຳມະຊາດທີ່ສວຍງາມ

+ ແຂວງເຊກອງມີຫລາຍກິດຈະກຳທີ່ໜ້າທ່ຽວຊົມໃນປີທ່ອງທ່ຽວ

+ ທ່ຽວຫລວງພະບາງ

ຕາດໄຟໄໝ້ມີເລື່ອງເລົ່າ ກັນວ່າ: ແຕ່ກ່ອນໄດ້ມີບ່າວ- ສາວຄູ່ໜຶ່ງມາຫຼິ້ນນ້ຳຢູ່ຕາດແຫ່ງນີ້ ເຮັດໃຫ້ເຄື່ອງນຸ່ງຫົ່ມ ປຽກໝົດຈິ່ງໄດ້ພາກັນດັງໄຟຝີງ ແລະ ຕາກເຄື່ອງນຸ່ງປະໄວ້, ແຕ່ ບັງເອີນໃນເວລານັ້ນມີລົມພັດ ມາຢ່າງແຮງ ແລະ ພັດເອົາເຄື່ອງ ນຸ່ງຮົ່ມທັງໝົດຂອງຄູ່ບ່າວ- ສາວທີ່ຕາກໄວ້ນັ້ນເຂົ້າກອງໄຟ ເຮັດໃຫ້ໄຟໄໝ້ຈົນໝົດກ້ຽງ, ນັບ ແຕ່ນັ້ນມາຊາວບ້ານຈິ່ງໄດ້ເອີ້ນຊື່ຕາດນີ້ວ່າ: “ ຕາດໄຟໄໝ້ ” ຈົນເຖິງປັດຈຸບັນ.

ຕາດໄຟໄໝ້ແຫຼ່ງທ່ອງ ທ່ຽວທາງທຳມະຊາດທີ່ສວຍ ງາມດັ່ງກ່າວ ມີທີ່ຕັ້ງຢູ່ໃນເຂດ ບ້ານປະແຫຼງໃຕ້ເມືອງທ່າແຕງແຂວງເຊກອງ ຊຶ່ງຫ່າງຈາກ ເທ ສະບານເມືອງທ່າແຕງໄປທາງ ທິດເໜືອປະມານ 8 ກິໂລແມັດ, ຕາດທີ່ວ່ານີ້ ມີຄວາມສູງປະມານ 100 ແມັດ, ກວ້າງປະມານ 20 ແມັດ ແລະ ໄດ້ເປີດໃຫ້ບໍລິການ ນັກທ່ອງທ່ຽວເຂົ້າທ່ຽວຊົມ ແລະ ຫຼິ້ນນ້ຳຢ່າງເປັນທາງການນັບແຕ່ປີ 2008 ເປັນຕົ້ນມາ.

- Wave100S AD to Website 2020 0 - ຕາດໄຟໄໝ້ແຫລ່ງທ່ອງທ່ຽວທຳມະຊາດທີ່ສວຍງາມ

ຢ່າງໃດກໍຕາມ, ສຳລັບ ທ່ານໃດທີ່ສົນໃຈກໍສາມາດໄປທ່ຽວໄປຊົມກັນໄດ້ ຫຼື ບັນດານັກ ທ່ອງທ່ຽວທັງພາຍໃນ ແລະ ຕ່າງປະເທດທ່ານໃດທີ່ໄດ້ມີໂອກາດເດີນທາງໄປແຂວງພາກ ໃຕ້ ໂດຍສະເພາະແຂວງເຊກອງ ກໍຄືເມືອງທ່າແຕງ ກໍຢ່າພາດໄປ ທ່ຽວໄປຊົມກໍແລ້ວກັນ ແລະ ເຊື່ອແນ່ວ່າ ຈະສາມາດຜ່ອນ ຄາຍຄວາມຕຶງຄຽດຂອງທ່ານໄດ້ບໍ່ຫຼາຍກໍໜ້ອຍແນ່ນອນ.

- 24852356 377503762698427 201935243798496682 n - ຕາດໄຟໄໝ້ແຫລ່ງທ່ອງທ່ຽວທຳມະຊາດທີ່ສວຍງາມ

- 4577 - ຕາດໄຟໄໝ້ແຫລ່ງທ່ອງທ່ຽວທຳມະຊາດທີ່ສວຍງາມ

- WhatsApp Image 2020 05 27 at 5 - ຕາດໄຟໄໝ້ແຫລ່ງທ່ອງທ່ຽວທຳມະຊາດທີ່ສວຍງາມ
- WhatsApp Image 2020 05 27 at 5 - ຕາດໄຟໄໝ້ແຫລ່ງທ່ອງທ່ຽວທຳມະຊາດທີ່ສວຍງາມ
error: Alert: ເນື້ອຫາຂ່າວມີລິຂະສິດ !!