ປີ​ທ່ອງ​ທ່ຽວ​ລາວ ນະຄອນຫລວງ​ວຽງ​ຈັນ​ວາງ​ຄາດໝາຍ​ດຶງ​ດູດ​ນັກ​ທ່ອງ​ທ່ຽວ​ໃຫ້​ໄດ້ 2,5 ລ້ານ​ເທື່ອ​ຄົນ

- 9 - ປີ​ທ່ອງ​ທ່ຽວ​ລາວ ນະຄອນຫລວງ​ວຽງ​ຈັນ​ວາງ​ຄາດໝາຍ​ດຶງ​ດູດ​ນັກ​ທ່ອງ​ທ່ຽວ​ໃຫ້​ໄດ້ 2,5 ລ້ານ​ເທື່ອ​ຄົນ
- AGL banner - ປີ​ທ່ອງ​ທ່ຽວ​ລາວ ນະຄອນຫລວງ​ວຽງ​ຈັນ​ວາງ​ຄາດໝາຍ​ດຶງ​ດູດ​ນັກ​ທ່ອງ​ທ່ຽວ​ໃຫ້​ໄດ້ 2,5 ລ້ານ​ເທື່ອ​ຄົນ

ທ່ອງ​ທ່ຽວ​ນະຄອນຫລວງ​ວຽງ​ຈັນ​ເປີດ​ເຜີຍ​ວ່າ: ​ໃນ​ປີ​ທ່ອງ​ທ່ຽວ​ລາວ 2018 ນີ້ ​ເປັນ​ອີກ​ໂອກາດ​ໜຶ່ງ​ທີ່​ນະຄອນຫລວງ​ຈະ​ສູ້​ຊົນ​ດຶງ​ດູດ​ນັກ​ທ່ອງ​ທ່ຽວ​ເຂົ້າມາ​ໃຫ້​ໄດ້​ຢ່າງ​ໜ້ອຍ 2,5 ລ້ານ​ເທື່ອ​ຄົນ ​ໂດຍ​ສ່ວນ​ໃຫຍ່​ມີ​ເປົ້າໝາຍ​ເລັ່ງ​ໃສ່​ນັກ​ທ່ອງ​ທ່ຽວ​ຂອງ​ບັນດາ​ປະ​ເທດ​ໃກ້​ຄຽງ ດັ່ງ​ລາຊະ​ອານາຈັກ​ໄທ, ສປ ຈີນ, ສສ ຫວຽດນາມ ​ແລະ ບັນດາ​ປະ​ເທດ​ຂົງ​ເຂດ​ອາຊີ​ເຫລົ່າ​ນີ້​ເປັນຕົ້ນ.

ຜູ້​ລາຍ​ງານ​ຂ່າວ​ໃຫ້​ຮູ້​ວ່າ: ​ໃນ​ປີ 2017 ຜ່ານ​ມາ​ນີ້, ​ເຖິງ​ວ່າ​ສະພາບ​ຄ່ອງ​ຕົວ​ດ້ານ​ການທ່ອງທ່ຽວ​ມີ​ທ່າ​ອ່ຽງຫລຸດ​ລົງ ​ໂດຍ​ສະ​ເພາະ​ຄວາມ​ຫຍຸ້ງຍາກ​ທາງ​ດ້ານ​ເສດຖະກິດ-ການ​ເງິນ ​ແລະ ຄວາມ​ສະຫງົບ​ໃນ​ຂົງ​ເຂດ, ​ແຕ່​ນະຄອນຫລວງ​ວຽງ​ຈັນ​ກໍ​ສາມາດ​ດຶງ​ດູດ​ນັກ​ທ່ອງ​ທ່ຽວ​ເຂົ້າມາ​ທ່ຽວ​ຊົມ​ໄດ້​ປະມານ 1,2 ລ້ານ​​ເທື່ອ​ຄົນ ​ເທົ່າ​ກັບ 62% ຂອງ​ຕົວ​ເລກ​ຄາດໝາຍ​ວາງ​ໄວ້ ​ແຕ່​ກໍ​ສາມາດ​ສ້າງ​ລາຍ​ຮັບ​ເຂົ້າສູ່​ນະຄອນຫລວງ​ວຽງ​ຈັນ​ໄດ້​ປະມານ 200 ລ້ານ​ກວ່າ​ໂດ​ລາ ​ແລະ ​ເພື່ອ​ບັນລຸ​ຄາດໝາຍ​ດຶງ​ດູດ​ນັກ​ທ່ອງ​ທ່ຽວ​ໃນ​ປີ 2018 ນີ້ ນະຄອນຫລວງ​ຕ້ອງ​ໄດ້​ອອກ​ແຮງ​ຫລາຍ​ຢ່າງ​ໃນ​ການ​ພັດທະນາ ​ແລະ ປັບປຸງ​ແຫ​ລ່ງທ່ອງ​ທ່ຽວ​ສຳຄັນ​ຕ່າງໆ​ທາງ​ດ້ານ​ວັດທະນະທຳ, ປູ​ສະ​ນີຍະສະ​ຖານ​ສຳຄັນ, ​ແຫ​ລ່ງທ່ອງ​ທ່ຽວ​ທາງ​ປະຫວັດສາດ ​ແລະ ທຳ​ມະ​ຊາດ​ຫລາຍ​ແຫ່ງ​ໃຫ້​ມີ​ຄວາມ​ໂດດ​ເດັ່ນ​ງົດ​ງາມ ​ແລະ ສາມາດ​ສ້າງ​ຄວາມ​ປະ​ທັບ​ໃຈ​ໃຫ້​ຜູ້​ເຂົ້າມາ​ທ່ຽວ​ຊົມ​ຫລາຍ​ຂຶ້ນ.

ພະ​ແນ​ກກ່ຽວຂ້ອງ​ລາຍ​ງານ​ວ່າ: ປັດຈຸບັນ ຢູ່​ນະຄອນຫລວງ​ວຽງ​ຈັນ​ມີ​ໂຮງ​ແຮມ, ​ເຮືອນ​ພັກ ​ແລະ ຮ້ານ​ອາຫານ​ລະດັບ​ດີ​ຕ່າງໆ​ຫລາຍ​ກວ່າ 100 ​ແຫ່ງ ​ເຊິ່ງຈະ​ເປັນ​ເງື່ອນ​ໄຂ​ອັນ​ດີ​ໃຫ້​ແກ່​ການ​ຮອງ​ຮັບ​ຜູ້​ມາ​ທ່ຽວ​ດີ​ຂຶ້ນ.

- Wave100S AD to Website 2020 0 - ປີ​ທ່ອງ​ທ່ຽວ​ລາວ ນະຄອນຫລວງ​ວຽງ​ຈັນ​ວາງ​ຄາດໝາຍ​ດຶງ​ດູດ​ນັກ​ທ່ອງ​ທ່ຽວ​ໃຫ້​ໄດ້ 2,5 ລ້ານ​ເທື່ອ​ຄົນ

ທ່ານ ສີ​ຫຸນ ສິດທິ​ລື​ໄຊ ຮອງ​ເຈົ້າຄອງ​ນະຄອນຫລວງ​ວຽງ​ຈັນ ​ໃຫ້​ຮູ້​ວ່າ: ສະ​ເພາະ​ປີ​ທ່ອງ​ທ່ຽວ​ລາວ​ນີ້ ນະຄອນຫລວງ​ໄດ້​ທຸ່ມ​ງົບປະມານ​ຫລາຍ​ຮ້ອຍ​ລ້ານ​ກີບ​ເຂົ້າ​ໃນ​ກນປົວ​ແປງ​ເພື່ອ​ສ້າງ​ສີສັນ​ໃໝ່​ໃຫ້​ແຫ​ລ່ງທ່ອງ​ທ່ຽວ​ຕ່າງໆ, ພ້ອມ​ຂະຫຍາຍ​ລາຍການ​ທ່ອງ​ທ່ຽວ​ໃຫ້​ຫລາຍ​ຂຶ້ນ​ເຊັ່ນ: ການ​ຍ່າງ, ​ແລ່ນ, ຂີ່​ລົດຖີບ​ເພື່ອ​ສຸຂະພາບ​ຕາມ​ເສັ້ນທາງ​ພູ​ພະນັງ​ຂຶ້ນ​ໄປ​ຈຸດ​ຊົມ​ວິວດ່ານ​ຫີນ, ທ່ຽວ​ຊົມ​ສວນພຶກສາ, ​ແຫ​ລ່ງທ່ອງ​ທ່ຽວ​ທຳ​ມະ​ຊາດ​ພູ​ເຂົາ​ຄວາຍ, ລ່ອງ​ເຮືອນ້ຳງື່ມ ​ແລະ ທ່ຽວ​ຊົມ​ສະຖານ​ທີ່​ວັດຖຸບູຮານ​ຕ່າງໆ​ໃຫ້​ມີ​ຄວາມ​ຫລາກ​ຫລາຍ. ທ່ານ​ເຈົ້າຄອງ​ເວົ້າວ່າ: ​ແຕ່​ໄປ​ຄຽງ​ຄູ່​ກັບ​ການ​ເອົາ​ໃຈ​ໃສ່​ຂະຫຍາຍ​ກິດຈະກຳ​ທ່ອງ​ທ່ຽວ​ແລ້ວ, ນະຄອນຫລວງ​ພວກ​ເຮົາ​ກໍ​ຈະ​ໄດ້​ເອົາ​ໃຈ​ໃສ່​ຕື່ມ​ອີກ​ໃນ​ການ​ແກ້​ໄຂ​ປາກົດການ​ຫຍໍ້​ທໍ້​ຕ່າງໆ​ທີ່​ສົ່ງ​ຜົນ​ກະທົບ​ບໍ່​ດີ​ໃຫ້​ແກ່​ນັກ​ທ່ອງ​ທ່ຽວ​ເຊັ່ນ: ບັນຫາ​ຂີ້ລັກ​ງັດ​ແງະ, ດຶງ​ກະ​ເປົາ ຜູ້​ປະກອບ​ການ​ຂົນ​ສົ່ງ​ໂດຍສານ​ມີ​ການ​ອັດ​ລົດ​ເອົາ​ປຽບ​ເລື່ອງ​ຄ່າ​ໂດຍສານ​ສຳລັບ​ນັກ​ທ່ອງ​ທ່ຽວ ​ແລະ ລາຄາ​ອາຫານ, ປີ້​ເຂົ້າຊົມ​ສະຖານ​ທີ່​ທ່ອງ​ທ່ຽວ​ຕ່າງໆ​ກໍ​ໃຫ້​ມີ​ຄວາມ​ເໝາະ​ສົມ ​ເພື່ອ​ສ້າງ​ສິ່ງ​ປະ​ທັບ​ໃຈ​ໃຫ້​ຜູ້​ມາ​ທ່ຽວ​ຫລາຍ​ຂຶ້ນ.

- lattana 1 - ປີ​ທ່ອງ​ທ່ຽວ​ລາວ ນະຄອນຫລວງ​ວຽງ​ຈັນ​ວາງ​ຄາດໝາຍ​ດຶງ​ດູດ​ນັກ​ທ່ອງ​ທ່ຽວ​ໃຫ້​ໄດ້ 2,5 ລ້ານ​ເທື່ອ​ຄົນ
error: Alert: Content is protected !!