ເຂດເສດຖະກິດພິເສດສາມຫຼ່ຽມ ຮ່ວມກັບ ເຂດປົກຄອງເມືອງຫຼ້າ ຈັດການແຂ່ງຂັນລົດຈັກວິບາກສາກົນສາມຫຼ່ຽມຄຳ ຄັ້ງ 1

ການແຂ່ງຂັນລົດຈັກວິບາກສາກົນຊີງຂັນເສດຖະກິດພິເສດ ສາມຫຼ່ຽມຄຳ ຄັ້ງທີ 1 ໄດ້ໄຂຂຶ້ນ ຢ່າງເປັນທາງການໃນວັນທີ 10 ເມສາ ຢູ່ສະໜາມແຂ່ງຂັນວິບາກ ເຂດເສດຖະກິດພິເສດສາມຫຼ່ຽມຄຳ ແຂວງບໍ່ແກ້ວ. ນີ້ຖືປັນການ ແຂ່ງຂັນລົດຈັກວິບາກອາຊີບຄັ້ງທຳອິດທີ່ຈັດຂຶ້ນຢູ່ ສປປ. ລາວ. ໄດ້ດຳເນີນໄປເປັນເວລາ 2 ວັນ ຄື: ວັນທີ 10-100 ເມສາ. ແບ່ງ ອອກເປັນສາມປະເພດຄື: ລຸ້ນ 350 CC, 300 CC ແລະ 250 CC ຊຶ່ງແຂ່ງຂັນມີສອງສະໜາມ ມື້ທຳອິດແຂ່ງຂັນຢູ່ສະໜາມວິ ບາກທີ່ສ້າງໃໝ່ໄດ້ມາດຕະຖານ ສາກົນຢູ່ເຂດເສດຖະກິດພິເສດ ເຊິ່ງມີໄລຍະທາງປະມານ 1,5 ກມ, ສ່ວນມື້ທີສອງຈະເລີ່ມອອກ ເດີນທາງຈາກ ບ້ານສີບຸນເຮືອງ ເຂດເສດຖະກິດພິເສດສາມຫຼ່ຽມຄຳ ໄປຫາ ບານສີລີເຮືອງ ເມືອງ ເມີອງ ແຂວງບໍ່ແກ້ວ ຊຶ່ງມີໄລຍະ ທາງ 150 ກມ, ເປັນການແຂ່ງ ຂັນພະຈົນໄພໄປກັບທິວທັດທຳ ມະຊາດໂດຍຜ່ານ 32 ບ້ານ. ໂດຍມີນັກກິລາແຂ່ງລົດວິບາກມືອາຊີບ ແລະ ສະໝັກຫຼິ້ນເຂົ້າຮ່ວມ 158 ຄົນ ຈາກ 13 ປະເທດໃນເອີ ຣົບ ແລະ ພາກພຶ້ນອາຊີ.

ທ່ານ ຫຼີວ ສຽວເຊິງ ປະ ທານສະໂມສອນແຂ່ງຂັນລົດເຂດເສດຖະກິດພິເສດສາມຫຼ່ຽມຄຳ ກ່າວຕື່ມວ່າ: ການແຂ່ງຂັນຄັ້ງນີ້ ເພື່ອສົ່ງເສີມ ແລະ ໂຄສະນາເຜີຍ ແຜ່ການທ່ອງທ່ຽວໃນທ້ອງຖິ່ນ, ກໍຄືເພີ່ມທະວີສາຍພົວພັນແລກ ປ່ຽນທາງດ້ານວັດທະນາທຳ ແລະ ກິລາ ລະຫວ່າງເຂດເສດຖະ ກິດພິເສດສາມຫຼ່ຽມຄຳ ກັບ ເມືອງຫຼ້າ ເຂດປົກຄອງຕົນເອງ ສິບສອງພັນນາ ສປ. ຈີນ ເວົ້າ ລວມ ແລະ ແນ່ໃສ່ພັດທະນາເຂດ ໃຫ້ມີການຂະຫຍາຍຕົວ.