ຣັດເຊຍຕອບໂຕ້ອາເມລິກາບໍ່ມີຫລັກຖານ ເລື່ອງອາວຸດເຄມີໃນຊີຣີ
ອາເມລິກາ ແລະ ຣັດເຊຍ ຕອບໂຕ້ກັນໄປມາໃນກອງປະຊຸມ UNSC ກ່ຽວກັບສະຖານະການໃຊ້ອາວຸດເຄມີໃນຊີຣີ ທີ່ສົ່ງຜົນໃຫ້ມີຜູ້ເສຍຊີວິດຫລາຍສິບຄົນໃນໄລຍະຫລາຍອາທິດຜ່ານມາ.
.@USUN Ambassador Haley: It’s a tragedy #Russia has sent us back to square one in the effort to end chemical weapons use in #Syria, but we will not cease in our efforts to know the truth of the Assad regime and ensure the truth is known and acted on by the international community pic.twitter.com/2lKyDC88sY
— Department of State (@StateDept) February 5, 2018
ສຳນັກຂ່າວຕ່າງປະເທດລາຍງານຈາກນະຄອນນິວຢອກ ປະເທດສະຫະລັດອາເມລິກາ ໃນວັນທີ 5 ກຸມພາວ່າ: ທ່ານນາງ ນິກກີ ເຮລີ ເອກອັກຄະລັດຖະທູດສະຫະລັດປະຈຳ UN ກ່າວຕໍ່ກອງປະຊຸມສະພາຄວາມໝັ້ນຄົງແຫ່ງສະຫະປະຊາຊາດ (UNSC) ໃນວັນທີ 5 ກຸມພາ ຮຽກຮ້ອງໃຫ້ມີການຮັບຮອງຮ່າງມະຕິທີ່ລັດຖະບານວໍຊິງຕັນເປັນຜູ້ສະເໜີ ໃຫ້ປະນາມ “ຢ່າງຮຸນແຮງທີ່ສຸດ” ຕໍ່ການທີ່ກອງທັບຊີຣີໃຊ້ອາວຸດເຄມີເຂັ່ນຂ້າປະຊາຊົນໃນເມືອງດູມາ ທາງຕາເວັນອອກສຽງເໜືອຂອງນະຄອນຫລວງດາມັດກັດ ໃນວັນທີ 1 ກຸມພາ ເປັນເຫດໃຫ້ມີຜູ້ເສຍຊີວິດຫລາຍກວ່າ 20 ຄົນ ອີກທັງກ່ອນໜ້ານັ້ນ ກອງທັບຊີຣີຍັງໃຊ້ແກັສຄໍຣີນບໍ່ໜ້ອຍກວ່າ 3 ຄັ້ງ ໂຈມຕີພົນລະເຮືອນໃນເຂດກູຕາຕາເວັນອອກ ຊານນະຄອນຫລວງດາມັດກັດນຳອີກ.
#Nebenzia: We need to deploy a fact-finding #OPCW mission. Any conclusions need to be preceded by an investigation. But it should be abundantly clear to all that some #UNSC members have no interest in such investigation. They need neither facts nor clear accurate evidence. pic.twitter.com/HrZJWyITmY
— Russia at the United Nations (@RussiaUN) February 5, 2018
ເຖິງຢ່າງໃດກໍຕາມ, ທ່ານ ວາສຊິລີ ເນເບນເຊຍ ເອກອັກຄະລັດຖະທູດຣັດເຊຍປະຈຳ UN ກ່າວຕອບໂຕ້ຂໍ້ກ່າວຫາຂອງອາເມລິກາວ່າ: “ບໍ່ມີຫລັກຖານ” ແລະ ເປັນອີກຄັ້ງທີ່ອາເມລິກາ ແລະ ພັນທະມິດໃຊ້ “ໂຄສະນາຊວນເຊື່ອ” ເພື່ອກ່າວໂທດປະທານາທິບໍດີ ບາຊາ ອານ ອັດຊັດ ໃນເລື່ອງນີ້ ແລະ ໄດ້ສະເໜີຮ່າງມະຕິໃໝ່ເຂົ້າສູ່ການພິຈາລະນາຂອງກອງປະຊຸມ ວ່າການປະນາມການໃຊ້ອາວຸດເຄມີໃນຊີຣີຄວນອ້າງອີງຈາກ “ຫລັກຖານທີ່ເຊື່ອຖືໄດ້” ແລະ ຜົນການກວດສອບໂດຍ “ຜູ້ຊ່ຽວຊານ”. ທັງນີ້ UNSC ເຄີຍປະຊຸມເລື່ອງສະຖານະການການໃຊ້ອາວຸດເຄມີໃນຊີຣີ 2 ຄັ້ງ ໃນເດືອນພະຈິກປີຜ່ານມາ ແລະ ຣັດເຊຍ ເຊິ່ງເປັນສະມາຊິກຖາວອນໃຊ້ອຳນາດຕອບໂຕ້ເຮັດໃຫ້ຮ່າງມະຕິຕົກທີ່ສະເໜີໂດຍອາເມລິກາຕົກໄປທັງສອງຄັ້ງ.
