ພັກເປັນຫລັກແກ່ນຂອງຊາດເປັນທີ່ເພິ່ງຂອງປະຊາຊົນ

ໂດຍ: ກ້ອງສ່ອງ ອິດສະຫລະ   

ຄືດັ່ງພວກເຮົາໄດ້ຮັບຮູ້ໃນທົ່ວພັກ, ທົ່ວກອງທັບ ແລະ ທົ່ວ ປວງຊົນລາວວ່າ ວັນທີ 22 ມີນາ ທີ່ຫາກໍຜ່ານໄປ ບໍ່ພໍເທົ່າໃດວັນ ມານີ້, ເປັນວັນສ້າງຕັ້ງພັກປະ ຊາຊົນປະຕິວັດລາວ. ມາຮອດ ປີນີ້ ແມ່ນມີອາຍຸໄດ້ 63 ປີເຕັມ, ພັກເຮົາມີຕົ້ນກຳເນີດມາຈາກ ພັກກອມມູນິດອິນດູຈີນ ແລະ ພັກກອມມູນິດອິນດູຈີນກໍໄດ້ ກຳເນີດເກີດຂຶ້ນບົນພື້ນຖານ ສາມປະເທດອິນດູຈີນ ລາວ, ຫວຽດນາມ, ຂະແມ ໄດ້ຕົກເປັນ ຫົວເມືອງຂອງປະເທດຝຣັ່ງ, ເປົ້າໝາຍຂອງພັກກອມມູນິດ ອິນດູຈີນ ໃນສະໄໝນັ້ນກໍເພື່ອ ສ້າງພະລະກຳປະຫວັດສາດ ປົດປ່ອຍປະຊາຊົນອອກຈາກ ການກົດຂີ່ຂູດຮີດຈາກຈັກກະ ພັດລ່າເມືອງຂຶ້ນຝຣັ່ງ, ພາຍ ຫລັງມີການເຄື່ອນໄຫວຕໍ່ສູ້ ກັບສັດຕູເຫັນວ່າຂະບວນການ ປະຕິວັດໄດ້ຂະຫຍາຍຕົວ ທາງດ້ານປະລິມານ ແລະ ຄຸນ ນະພາບຈຶ່ງໄດ້ແຍກໂຕ ອອກ ເປັນສາມພັກຂອງແຕ່ລະປະ ເທດເພື່ອສືບຕໍ່ເຮັດພາລະກິດ ການຕໍ່ສູ້ປະຕິວັດ ໃຫ້ໄດ້ຮັບ ໄຊຊະນະຕາມຄວາມມຸ້ງມາດ ປາດຖະໜາຂອງພັກກໍ່ຄືຂອງ ປວງຊົນໃນສາມປະເທດອິນ ດູຈີນ, ນີ້ຄືເຫດຜົນ ແລະ ກົກ ເຄົ້າເຫງົ້າກໍ ແລະ ທີ່ໄປທີ່ມາ ທາງດ້ານປະຫວັດ ສາດຂອງ ພັກເຮົາ.

+ ສະມາຊິກພັກຕ້ອງເປັນແວ່ນແຍງອັນໃສແຈ້ງ

+ ສະມາຊິກພັກບາງສະຫາຍບວດບໍ່ໄດ້ແຖຫົວ

ແນວໃດກໍຕາມ, ຕະ ຫລອດໄລຍະການຕໍ່ສູ້ປະຕິ ວັດ ເພື່ອປົດປ່ອຍປະເທດຊາດ ກໍຄືໄລຍະສ້າງສາ ແລະ ພັດທະ ນາປະເທດຊາດ ຄຸນງາມຄວາມ ດີຂອງພັກປະຊາຊົນປະຕິວັດ ລາວ ທີ່ມີຕໍ່ຊາດ ແລະ ປະຊາ ຊົນບັນດາເຜົ່ານັ້ນ ມັນມີຢ່າງ ຫລວງຫລາຍພາຍມາກ. ຕະ ຫລອດໄລຍະເກືອບໜຶ່ງສະ ຕະວັດຜ່ານມາ, ພັກເຮົາໄດ້ ນຳພາຕໍ່ສູ້ກັບສັດຕູຜູ້ຮຸກຮານ ແລະ ທັງນຳພາສ້າງສາປະເທດ ຊາດຈົນເຮັດໃຫ້ບ້ານເມືອງຈະ ເລີນຮຸ່ງເຮືອງ ແລະ ກ້າວໄປໜ້າ ຢ່າງບໍ່ຢຸດຢັ້ງ. ພວກເຮົາຕ້ອງ ພ້ອມກັນເຂົ້າໃຈວ່າ: ກວ່າຈະ ມາ ເຖິງວັນນີ້, ວັນເວລາມັນກໍ ໄດ້ ຜ່ານພົ້ນໄປຫລາຍເດືອນ, ຫລາຍປີ, ຈາກຫລາຍເດືອນ, ຫລາຍປີກໍກາຍເປັນທົດສະວັດ, ຈາກທົດສະວັດມັນກໍກາຍເປັນສະຕະວັດ, ແຕ່ພັກເຮົາກໍຍັງ ຍືນຍົງຄົງຕົວຢ່າງແໜ້ນໜາຖາ ວອນ, ເປັນຫລັກເສົາຄ້ຳ ອັນ ແໜ້ນແກ່ນຂອງຊາດ ແລະ ເປັນທີ່ເພິ່ງຂອງປະຊາຊົນຢ່າງ ແທ້ຈິງ.

ນັບແຕ່ມື້ໄດ້ກຳອຳນາດ ເປັນຕົ້ນມາພັກເຮົາໄດ້ນຳພາ ຫັນປ່ຽນປະເທດຊາດກ້າວສູ່ ບາດລ້ຽວປະຫວັດສາດໜ້າ ໃໝ່ ທີ່ບໍ່ເຄີຍມີມາໃນຍຸກປະຫວັດ ສາດຂອງຊາດລາວຄົນລາວນັ້ນ ກໍຄືໄດ້ຫັນປ່ຽນລະບອບການ ປົກຄອງຈາກລະບອບສັກດີນາທີ່ລ້າສະໄໝ ມາເປັນລະບອບ ການ ປົກຄອງໃນລະບອບປະ ຊາທິປະໄຕ ຂອງປະຊາຊົນ; ໂດຍໄດ້ປ່ຽນຊື່ປະເທດຈາກ ລາດຊະອານາຈັກລາວ ໃນ ສະໄໝນັ້ນມາເປັນສາທາລະ ນະລັດ ປະຊາທິປະໄຕ ປະຊາ ຊົນລາວ.

ໃນໄລຍະການນຳພາເພື່ອ ປົກປັກຮັກສາ ແລະ ສ້າງສາປະ ເທດຊາດກ້າວສູ່ການປ່ຽນແປງໃໝ່ຢ່າງມີຫລັກການຂອງພັກ ປະເທດຊາດບ້ານເມືອງຂອງ ພວກເຮົາໄດ້ມີຄວາມຈະເລີນ ຮຸ່ງເຮືອງ ແລະ ເດີນໜ້າກ້າວ ໄປຢ່າງບໍ່ຢຸດຢັ້ງ. ພຽງຊ່ວງ ເວລາ 40 ກວ່າປີ ພັກເຮົາໄດ້ນຳ ພາປະເທດຊາດກ້າວສູ້ເປັນຕົວຕົນຂອງຕົນເອງຢ່າງໜັກແໜ້ນ ແລະ ເຫັນໄດ້ຊັດ ເຊິ່ງມາຮອດ ປັດຈຸບັນ ປະເທດລາວເຮົາໄດ້ ບັນລຸເງື່ອນໄຂ ທີ່ຈຳເປັນໃນ ການຫລຸດພົ້ນອອກຈາກສະ ຖານະພາບການເປັນປະເທດ ດ້ອຍພັດທະນາໄປແລ້ວ ອັນ ນີ້ກໍ ໝາຍຄວາມວ່າປະເທດເຮົາ ໄດ້ຜ່ານເງື່ອນໄຂທີ່ກຳນົດສຳ ລັບລາຍຮັບຕໍ່ຫົວຄົນ (Gross National income per Capita) 1.996 ໂດລາສະ ຫະລັດ; ຫລາຍກວ່າເກນມາດ ຕະຖານ 1.230 ໂດລາສະ ຫະລັດ ຫລື ສູງກວ່ານັ້ນ 1.232 ໂດລາສະຫະລັດທຽບໃສ່ປີ 2015 ຢູ່ທີ່ 1.242 ໂດລາ ສະຫະລັດເຫັນວ່າເພີ່ມຂຶ້ນ ບາງເລັກນ້ອຍ, ດັດສະນີຊັບສິນ ມະນຸດ (Human Asets index) ກໍບັນລຸ 72.8 ເມື່ອ ທຽບໃສ່ມາດຖານແມ່ນຢູ່ທີ່ 66 ຫລື ຫລາຍກວ່າ (60.8 ຢູ່ ໃນເກນດຽວກັນກັບປີ 2015). ດັດສະນີຄວາມອ່ອນໄຫວທາງ ດ້ານເສດຖະກິດກໍບັນລຸ 33.7 ໃກ້ຄຽງກັບເກນມາດຕະຖານ 32 ຫລື ຕ່ຳກວ່າ (36.2 ເມື່ອ ທຽບໃສ່ເກນມາດຕະຖານອັນ ດຽວກັນກັບປີ 2015) ນີ້ຄືຜົນ ງານອັນລວມຍອດແຫ່ງການ ນຳພາຂອງພັກໃນຕະຫລອດ 40 ປີກວ່າ ຜ່ານມາ ແລະ ຂໍ້ມູນນີ້ ເຮົາກໍໄດ້ຖອດເອົາຈາກຄະນະ ກຳມະການເພື່ອນະໂຍບາຍ ການພັດທະນາຂອງອົງການ ສະຫະປະຊາຊາດ ເຊິ່ງໄດ້ລາຍ ງານມາໃນວັນທີ 19 ມີນາ ທີ່ຜ່ານມານີ້ເອງ.

ເຖິງຢ່າງໃດກໍດີ, ຕາມເຮົາ ວ່າ ເພື່ອກ້າວໄປເຖິງຈຸດໝາຍ ພາຍໃຕ້ການນຳພາຂອງພັກ ພວກເຮົາຕ້ອງໄດ້ຮ່ວມແຮງ ຮ່ວມໃຈກັນສູ້ຊົນ ແລະ ເປັນເຈົ້າ ການປະຕິບັດບັນດາມະຕິຕ່າງໆ ຂອງພັກ, ກົດໝາຍຂອງລັດໃຫ້ ສົມກັບວ່າ ພັກເຮົາເປັນຫລັກ ແກ່ນຂອງຊາດເປັນທີ່ເພິ່ງຂອງປະຊາຊົນຢ່າງແທ້ຈິງ./.