5 ວິທີຄິດເພື່ອຊີວິດທີ່ດີຂຶ້ນ

5 ວິທີຄິດເພື່ອຊີວິດທີ່ດີຂຶ້ນ - 042404 2018 - 5 ວິທີຄິດເພື່ອຊີວິດທີ່ດີຂຶ້ນ
5 ວິທີຄິດເພື່ອຊີວິດທີ່ດີຂຶ້ນ - Untitled design - 5 ວິທີຄິດເພື່ອຊີວິດທີ່ດີຂຶ້ນ

ທ່ານໃດບໍ່ຢາກເຄັ່ງຄຽດລອງໃຊ້ວິທີຄິດແບບບໍ່ເຄັ່ງຄຽດຕໍ່ໄປນີ້ ແລ້ວທ່ານຈະບໍ່ເຈັບຫົວ.

  1. ຄິດຫົດຢືດໃຫ້ຫລາຍຂຶ້ນ : ຢ່າຈິງຈັງ, ເຂັ້ມງວດຈັບຜິດ ຫລື ຕັດສິນຖືກຜິດຕົນເອງ ຫລື ຜູ້ອື່ນຕະຫລອດເວລາ, ຮູ້ຈັກຜ່ອນໜັກຜ່ອນເບົາ, ຜ່ອນສັ້ນຜ່ອນຍາວ, ຫລຸດອັກຄະຕິ ແລະ ສິ່ງສຳຄັນ ຄວນຮູ້ຈັກການໃຫ້ອະໄພ ກໍຈະເຮັດໃຫ້ຊີວິດມີຄວາມສຸກຂຶ້ນ ແລະ ມີຄວາມເຄັ່ງຄຽດໜ້ອຍລົງ.
  2. ຄິດຢ່າງມີເຫດຜົນ : ບໍ່ດ່ວນເຊື່ອຫຍັງງ່າຍໆ, ບໍ່ດ່ວນສະຫລຸບຫຍັງງ່າຍໆ, ໃຫ້ພະຍາຍາມໃຊ້ເຫດຜົນກວດສອບຄວາມເປັນຈິງ, ຄວາມເປັນໄປໄດ້, ພິຈາລະນາໃຫ້ຮອບຄອບ ເພາະນອກຈາກຈະບໍ່ເຮັດໃຫ້ຕົກເປັນເຫຍື່ອໃຫ້ໃຜມາຕົວະຍົວະຫລອກລວງງ່າຍໆແລ້ວ ຍັງສາມາດຕັດຄວາມກັງວົນໃຈນ້ອຍໆໄປໄດ້ນຳອີກ.
  3. ຄິດຫລາຍໆແງ່ມຸມ ເບິ່ງຫລາຍໆດ້ານ : ທັງດ້ານດີ ແລະ ບໍ່ດີ, ຈື່ໄວ້ສະເໝີວ່າທຸກຢ່າງຕ້ອງມີຂໍ້ດີ ແລະ ຂໍ້ເສຍ ຈຶ່ງບໍ່ຄວນເບິ່ງດ້ານໃດດ້ານໜຶ່ງພຽງດ້ານດຽວໃຫ້ໃຈເປັນທຸກ ແລະ ສິ່ງສຳຄັນຄວນຝຶກຄິດຝຶກເບິ່ງໃນມຸມຂອງຄົນອື່ນນຳ ດັ່ງທີ່ເອີ້ນວ່າ : ເອົາໃຈເຂົາມາໃສ່ໃຈເຮົາຈະຊ່ວຍໃຫ້ເຮົາ ເບິ່ງຫຍັງໄດ້ກ້ວາງໄກກ່ວາເກົ່າ.
  4. ຄິດແຕ່ເລື່ອງດີໆ : ເພາະຫາກວ່າຄິດເຖິງແຕ່ເລື່ອງຮ້າຍໆ, ເລື່ອງຄວາມລົ້ມເຫລວຜິດຫວັງ  ຫລື ເລື່ອງທີ່ເປັນທຸກ ກໍຈະເຮັດໃຫ້ເຄັ່ງຄຽດຫລາຍຂຶ້ນ, ຄວນຄິດເຖິງເລື່ອງດີໆໃຫ້ຫລາຍໆ ນອກຈາກບໍ່ເຮັດໃຫ້ເຄັ່ງຄຽດແລ້ວ ຍັງເຮັດໃຫ້ສະບາຍໃຈຫລາຍຂຶ້ນຕື່ມ.
  5. ຄິດເຖິງຄົນອື່ນແດ່ : ຢ່າໝົກໝຸ້ນແຕ່ເລື່ອງຂອງຕົນເອງເທົ່ານັ້ນ ເປີດໃຈໃຫ້ກ້ວາງ ຮັບຮູ້ຄວາມຮູ້ສຶກ ແລະ ຄວາມເປັນໄປຂອງຄົນອື່ນ ແລະ ຄົນໃກ້ຊິດ, ໃສ່ໃຈທີ່ຈະຊ່ວຍເຫລືອແກ້ໄຂບັນຫາຂອງຜູ້ອື່ນໃນສັງຄົມແດ່.

ບາງເທື່ອຈະພົບວ່າບັນຫາ ຫລື ຄວາມເຄັ່ງຄຽດທີ່ກຳລັງພະເຊີນຢູ່ນັ້ນເປັນເລື່ອງນ້ອຍໆເມື່ອປຽບທຽບກັບບັນຫາຂອງຜູ້ອື່ນ ເຊິ່ງຄວາມຮູ້ສຶກແບບນີ້ຈະເຮັດໃຫ້ເຄັ່ງຄຽດໜ້ອຍລົງ ຈະຊ່ວຍໃຫ້ຮູ້ສຶກດີຂຶ້ນ ຍິ່ງຖ້າສາມາດຊ່ວຍໃຫ້ຜູ້ອື່ນແກ້ໄຂບັນຫາໄດ້ ກໍຈະເຮັດໃຫ້ສຸກໃຈຫລາຍຂຶ້ນເປັນທະວີຄູນ.

5 ວິທີຄິດເພື່ອຊີວິດທີ່ດີຂຶ້ນ - Wave100S AD to Website 2020 0 - 5 ວິທີຄິດເພື່ອຊີວິດທີ່ດີຂຶ້ນ
5 ວິທີຄິດເພື່ອຊີວິດທີ່ດີຂຶ້ນ - WhatsApp Image 2020 05 27 at 5 - 5 ວິທີຄິດເພື່ອຊີວິດທີ່ດີຂຶ້ນ
5 ວິທີຄິດເພື່ອຊີວິດທີ່ດີຂຶ້ນ - WhatsApp Image 2020 05 27 at 5 - 5 ວິທີຄິດເພື່ອຊີວິດທີ່ດີຂຶ້ນ
error: Alert: ເນື້ອຫາຂ່າວມີລິຂະສິດ !!