ນາຍົກລັດຖະມົນຕີເນັ້ນສື່ຕ້ອງຮັບປະກັນຄວາມຖືກຕ້ອງ ແລະ ແທດເຖິງຕົວຈິງ

- 395 - ນາຍົກລັດຖະມົນຕີເນັ້ນສື່ຕ້ອງຮັບປະກັນຄວາມຖືກຕ້ອງ ແລະ ແທດເຖິງຕົວຈິງ
- AGL banner - ນາຍົກລັດຖະມົນຕີເນັ້ນສື່ຕ້ອງຮັບປະກັນຄວາມຖືກຕ້ອງ ແລະ ແທດເຖິງຕົວຈິງ

ໂດຍ: ທ່ຽງທຳ

ສະບາຍດີ ເພື່ອນຜູ້ອ່ານທີ່ ຮັກແພງ, ທ່ຽງທຳ ກໍນັບວ່າ ເປັນຜູ້ໂຊກດີຄົນໜຶ່ງທີ່ໄດ້ຮ່ວມ ສະເຫລີມສະຫລອງຂ່າວສານ ປະເທດລາວມີອາຍຸ 50 ປີ (6/1/1968-6/1/2018), ທີ່ໄດ້ຈັດຂຶ້ນໃນວັນທີ 9 ພຶດ ສະພານີ້ ແລະ ພິເສດແມ່ນໄດ້ ຮ່ວມຮັບຟັງການໃຫ້ກຽດ ໂອ້ລົມຂອງທ່ານນາຍົກລັດ ຖະມົນຕີ ທອງລຸນ ສີສຸລິດ ຕໍ່ ສື່ມ່ວນຊົນ ກໍຄືການນຳ ແລະ ພະນັກງານ- ລັດຖະກອນສຳ ນັກຂ່າວສານປະເທດລາວ ອັນເຕັມໄປດ້ວຍເນື້ອໃນ ແລະ ຄວາມໝາຍສຳຄັນຍິ່ງ, ເພື່ອ ຕັກເຕືອນໃຫ້ສື່ມວນຊົນລາວ ເຮົາຕ້ອງເພີ່ມຄວາມພະຍາ ຍາມເຮັດໜ້າທີ່ເປັນກະບອກ ສຽງອັນແຫລມຄົມຂອງພັກ ແລະ ລັດຖະບານເຮົາໃຫ້ມີປະ ສິດທິຜົນ, ຍຶດໝັ້ນຫລັກການ ວິທະຍາສາດ, ຖືກຕ້ອງ, ເລິກ ເຊິ່ງວ່ອງໄວ ແລະ ທັນຍຸກທັນ ສະໄໝ, ສ້າງໄດ້ຄວາມເຊື່ອຖື ຂອງຜູ້ອ່ານ, ຜູ້ຟັງ ແລະ ຜູ້ຊົມ, ຢາກໄດ້ແນວນັ້ນສື່ມວນຊົນ ເຮົາຕ້ອງກຳແໜ້ນສອງລັກ ສະນະຕົ້ນຕໍຄື: ລັກສະນະຕໍ່ສູ້ ແລະ ລັກສະນະສຶກສາອົບ ຮົມເພື່ອໃຫ້ສັງຄົມເຂົ້າໃຈບັນ ຫາໃດໜຶ່ງໄດ້ຢ່າງຖືກຕ້ອງ ແລະ ພ້ອມນັ້ນສື່ມວນຊົນເຮົາ ຕ້ອງຍຶດໝັ້ນມູນເຊື້ອປະຕິ ວັດຂອງຕົນ, ໝາຍວ່າ ຕ້ອງ ມີນ້ຳໃຈຮັກຫອມປະເທດ ຊາດ ແລະ ເພື່ອປະຊາຊົນ ຢ່າງແທ້ຈິງ.

ໃນໂອກາດນີ້, ທ່ານນາ ຍົກລັດຖະມົນຕີກໍໄດ້ຍົກໃຫ້ ເຫັນມູນເຊື້ອອັນພິລະອາດ ຫານ ແລະ ການເສຍສະຫລະ ຢ່າງບໍ່ຮູ້ອິດຮູ້ເມື່ອຍ ຂອງບັນ ດານັກຮົບສື່ມວນຊົນລາວໃນ ໄລຍະຕໍ່ສູ້ຕ້ານຈັກກະພັດຜູ້ ຮຸກຮານ, ມືໜຶ່ງຈັບປືນມືໜຶ່ງ ຈັບປາກກາ, ທັງເວນຍາມ, ທັງຂຽນບົດຂ່າວບົດເລື່ອງ ຕ່າງໆໃຕ້ແສງຕະກຽງອັນ ນ້ອຍໆ, ແຕ່ບົດຂ່າວ, ບົດ ຂຽນເລົ່ານັ້ນມັນສາມາດເຂົ້າ ເຖິງແນວຄິດຈິດໃຈຂອງປວງ ຊົນລາວທັງຊາດ, ອັນໄດ້ເປັນ ກຳລັງແຮງປຸກລະດົມຂະ ບວນການປະຕິວັດເຮົານັບມື້ ເຕີບໃຫຍ່ເຂັ້ມແຂງ ແລະ ສາ ມາດຍາດໄດ້ໄຊຊະນະຢ່າງ ລຽນຕິດເນື່ອງນິດມາຈົນ ປົດປ່ອຍປະເທດຊາດໄດ້ ຢ່າງສົມບູນໃນປີ 1975 ແລະ ສ້າງຕັ້ງລະບອບໃໝ່ສາ ທາລະນະລັດ ປະຊາທິປະໄຕ ປະຊາຊົນລາວ ຂຶ້ນໄດ້ຢ່າງ ມີໄຊ.

ນັ້ນກໍປະຕິເສດບໍ່ໄດ້ຂອງ ການປະກອບສ່ວນຂອງກຳ ລັງສື່ມວນຊົນເຮົາ, ນັບທັງໄລ ຍະຮຳບາດແພສົງຄາມ ອັນ ເຕັມໄປດ້ວຍຄວາມຍຸ້ງຍາກ ລຳບາກນາໆປະການ, ແຕ່ ກຳລັງສື່ມວນຊົນເຮົາກໍໄດ້ ອອກແຮງໂຄສະນາປຸກລະ ດົມເຂົ້າມາມີສ່ວນຮ່ວມໃນ ການປົວແປງເສດຖະກິດ ແລະ ຊີວິດການເປັນຢູ່ຂອງປະຊາ ຊົນ ໄດ້ຮັບການຍົກລະດັບດີ ຂຶ້ນເປັນກ້າວໆມາ.

ທ່ານນາຍົກເນັ້ນວ່າ: ເປັນຫຍັງກຳລັງສື່ມວນຊົນ ເຮົາໃນເວລານັ້ນ ຈິ່ງກາຍ ເປັນກຳລັງແຮງສຳຄັນ ແລະ ສ້າງໄດ້ຄວາມໄວ້ເນື້ອເຊື່ອ ໃຈຂອງປະຊາຊົນ ນັ້ນກໍຍ້ອນ ເຂົາເຈົາຍຶດໝັ້ນມູນເຊື້ອປະ ຕິວັດຂອງຕົນ, ມີຄວາມຈົ່ງ ຮັກພັກດີຕໍ່ປະເທດຊາດ ແລະ ການປະຕິວັດ, ບັນດາບົດ ຂ່າວບົດຂຽນຂອງເຂົາເຈົ້າ ສາມາດຮັບປະກັນຄວາມຖືກ ຕ້ອງ ແລະ ແທດເຖິງຕົວຈິງ.

ທ່ານນາຍົກເວົ້າວ່າ: ກ້າວເຂົ້າສູ່ພາລະກິດປົກປັກ ຮັກສາ ແລະ ສ້າງສາພັດທະ ນາປະເທດຊາດ, ກຳລັງສື່ ມວນຊົນຍິ່ງມີຄວາມສຳຄັນ, ນອກຈາກເຮັດວຽກໂຄສະ ນາຢູ່ພາຍໃນແລ້ວ ພວກເຮົາ ຍັງຈະຕ້ອງໄດ້ແກ້ງແຍ້ງແຂ່ງ ຂັນ ແລະ ເຊື່ອມໂຍງເຂົ້າກັບ ພາກພື້ນ ແລະ ສາກົນ ແຕ່ເພື່ອ ຢາກເຮັດໄດ້ແນວນັ້ນກຳລັງ ສື່ມວນຊົນຈະຕ້ອງໄດ້ເພີ່ມ ທະວີປັບປຸງຄຸນນະພາບຂອງ ຕົນ, ເອົາໃຈໃສ່ສ້າງຄົນໃຫ້ມີ ຄວາມຮູ້ຄວາມສາມາດ ແລະ ຮັກມັກອາຊີບຂອງຕົນ, ຍຶດ ໝັ້ນມູນເຊື້ອປະຕິວັດ, ຢ່າງ ມີວິທະຍາສາດສ້າງໃຫ້ສື່ ຂອງຕົນມີຄວາມອຸດົມສົມ ບູນ, ຫລາຍຮູບຫລາຍສີເຮັດ ໃຫ້ຜູ້ອ່ານ, ຜູ້ເບິ່ງ, ຜູ້ຟັງມີ ຄວາມຈັບອົກຈັບໃຈ ແລະ ດຶງ ດູດໃຈຫລາຍຂຶ້ນ./.

- Wave100S AD to Website 2020 0 - ນາຍົກລັດຖະມົນຕີເນັ້ນສື່ຕ້ອງຮັບປະກັນຄວາມຖືກຕ້ອງ ແລະ ແທດເຖິງຕົວຈິງ

 

ສະຫລອງ​ວັນ​ສ້າງຕັ້ງສຳນັກ​ຂ່າວສານ​ປະ​ເທດ​ລາວຄົບຮອບ 50 ປີ

ນາຍົກອອກດໍາລັດກ່ຽວກັບການປະສານງານລະຫວ່າງສູນກາງ ແລະ ທ້ອງຖິ່ນໃຫ້ມີປະສິດທິຜົນ

- 395 - ນາຍົກລັດຖະມົນຕີເນັ້ນສື່ຕ້ອງຮັບປະກັນຄວາມຖືກຕ້ອງ ແລະ ແທດເຖິງຕົວຈິງ

- WhatsApp Image 2020 05 27 at 5 - ນາຍົກລັດຖະມົນຕີເນັ້ນສື່ຕ້ອງຮັບປະກັນຄວາມຖືກຕ້ອງ ແລະ ແທດເຖິງຕົວຈິງ
- WhatsApp Image 2020 05 27 at 5 - ນາຍົກລັດຖະມົນຕີເນັ້ນສື່ຕ້ອງຮັບປະກັນຄວາມຖືກຕ້ອງ ແລະ ແທດເຖິງຕົວຈິງ
- WhatsApp Image 2020 05 27 at 5 - ນາຍົກລັດຖະມົນຕີເນັ້ນສື່ຕ້ອງຮັບປະກັນຄວາມຖືກຕ້ອງ ແລະ ແທດເຖິງຕົວຈິງ
- WhatsApp Image 2020 05 27 at 5 - ນາຍົກລັດຖະມົນຕີເນັ້ນສື່ຕ້ອງຮັບປະກັນຄວາມຖືກຕ້ອງ ແລະ ແທດເຖິງຕົວຈິງ
error: Alert: Content is protected !!