ເປີດ​ເວທີ​ສົນທະນາ​ຮ່ວມ​ມື​ພັ​ດທະ​ນາ​ການທ່ອງທ່ຽວ​ລາວ-​ຈີນ

- Laos china travel 1 - ເປີດ​ເວທີ​ສົນທະນາ​ຮ່ວມ​ມື​ພັ​ດທະ​ນາ​ການທ່ອງທ່ຽວ​ລາວ-​ຈີນ
- AGL banner - ເປີດ​ເວທີ​ສົນທະນາ​ຮ່ວມ​ມື​ພັ​ດທະ​ນາ​ການທ່ອງທ່ຽວ​ລາວ-​ຈີນ

​ເປັນ​ຄັ້ງ​ປະຖົມ​ມະ​ລືກ ທີ່​ກາ​ນທ່​ອງທ່ຽວຂອງ​ລາວ​ແລະ​ຈີນ ​ໄດ້​ເປີດ​ເວທີ​ໃຫຍ່ ສົນທະນາ​ຮ່ວມ​ມືພັດທະ​ນາ​ການທ່ອງທ່ຽວ​​ລາວ-​ຈີນ ຂື້ນທີ່​ນະຄອນຫຼວງ​ວຽງ​ຈັນ,​​ໃນມື້ວານ​ນີ້ ,​ໂດຍ​ການ​ເຂົ້າ​ຮ່ວມ​ເປັນ​ປະທານ​ຂອງ​ທ່ານ ບໍ່​​ແສງ​ຄຳ ວົງ​ດາລາ ລັດຖະມົນຕີ​ກະຊວງ​ຖະ​ແຫຼ​ງຂ່າວ,ວັດທະນະ​ທຳ​ແລະ​ທ່ອງ​ທ່ຽວ ​ແຫ່ງ ສປປ ລາວ;ທ່ານ ຕູ້​ຈ່ຽງ ຮອງ​ລັດຖະມົນຕີ ກະຊວງ​ວັດທະນະທຳ​ແລະ​ທ່ອງ​ທ່ຽວ​ແຫ່ງ ສ​ປ ຈີນ,ພ້ອມ​ດ້ວຍ​ທ່ານ​ທູດ​ສປຈີນ​ປະຈຳ​ລາວ​ແລະ​ພະນັກງານ ທົ່ວ​ຂະ​ແໜງ​ການທ່ອງທ່ຽວ​ເຂົ້າ​ຮ່ວມ​​ເປັນ​ຈຳນວນ​ຫຼາຍ.

ມີ​ຫຼາຍ​ປະ​ເດັນ​,ຫຼາຍ​ຫົວ​ຂໍ້​ທີ່​ໜ້າ​ສົນ​ໃຈ,ທີ່​ຊ່ຽວຊານ​ດ້ານ​ການທ່ອງທ່ຽວ​ຂອງ​ລາວ​ແລະ​ຈີນ​ນຳ​ສະ​ເໜີ​ ​ເພື່ອ​ຮ່ວມ​ມືກັນ​ພັດທະນາ​ການທ່ອງທ່ຽວ​ສ​ອງປະ​ເທດ​ເປັນ​ຕົ້ນ:ການ​ສົ່ງ​ເສີມ​ການທ່ອງທ່ຽວ​ຮ່ວມ​ກັນ;​ແນະນຳ​ກ່ຽວ​ກັບ​ວິທີ​ການ​ຊຸກຍູ້​ການ​ແລກ​ປ່ຽນ​ແລະ​ຮ່ວມ​ມື​ດ້ານ​ການທ່ອງທ່ຽວ​ລະຫວ່າງ​ສອງ​ຝ່າຍ;ການ​ພັດທະນາ​ບຸກຄະລາ​ກອນ​ການທ່ອງ​ທ່ຽວ;ທ່າ​ອ່ຽງກ່ຽວ​ກັບ​ການ​ພັດ​ທາະນາ​ການທ່ອງທ່ຽວ​ຂອງ​ຈີນ;​ເບິ່ງ​ກາລະ​ໂອກາດ​ການ​ຮ່ວມ​ມື​ດ້ານ​ກາ​ນທ່ອງ​ທ່ຽວ​ແລະ​ບັນ​ບັນຫາ​ອື່ນໆ.

ທ່ານ ບໍ່​ແສງ​ຄຳ ວົງ​ດາລາ ກ່າ​ວວ່າ: ປະຈຸ​ບັນ ລາວ​ແລະ​ສປ ຈີນ ​ໄດ້​ກາຍ​ເປັນ​ປະ​ເທດ​ຄູ່​ຮ່ວມ​ຍຸດ​ທາະສາດ​ຂອງ​ການ​ພັດທະນາ​ການທ່ອງທ່ຽວ​ ຊຶ່ງ​ແມ່ນ​ວຽກ​ງານ​ໜຶ່ງ​ທີ່​ສອງ​ພັກ-​ລັດ​ຖະບານ​ລາວ-​ຈີນ​ໄດ້​ຊຸກຍູ້​ສົ່ງ​ເສີມ​,ມີ​ເສັ້ນ​ທາງ​ເຊື່ອມ​ຕໍ່​ທາງ​ບົກ,ທາງ​ອາກາດ ອຳ​ນວຍ​ຄວາມ​ສະດວກ​ໃຫ້​ແກ່​ະຊາ​ຊົນ​ສອງ​ຊາດ​ລາວ​-ຈີນ​​ໄດ້ໄປມາຫາ​ສູ່​ກັນ​ສະ​ດວກ​ສະບາຍ​ເຮັດ​ໃຫ້​ນັກ​ທ່ອງ​ທ່ຽວ​ຈີນ​ເຂົ້າ​ມາລາ​ວນັບ​ມື້​ນັບ​ຫຼາຍ​ຂື້ນ ສະ​ແດງ​ໃຫ້​ເຫັນ​ຈາ​ກການທ່ອງທ່ຽວ1.99.857​ຄົນ​ ໃນ​ປີ2012​ ມາເປັນ 639.185ຄົນ​ ໃນ​ປີ 2017​ແລະ​ຄາດ​ວ່າ​ນັກ​ທ່ອງ​ທ່ຽວ​ຈະ​​ເຂົ້າມາລາ​ວ​ເພີ່ມ​ຂື້ນ​ຢ່າງ​ຕໍ່​ເນື່ອງ​ໃນ​ຕໍ່ໜ້າ.​ແລະ​ສອງ​ກະຊວງ​ກໍ່​ກຳລັງ​ຮ່ວມ​ມື ກຽມ​​ເປີດ​ປີ​ທ່ອງ​ທ່ຽວ​ລາວ-​ຈີນ2019 ​ເພື່ອ​ສົ່ງ​ເສີມ​ການທ່​ອງທ່ຽວ​ຂອງ​ສອງ​ປະ​ເທດ​ໃຫ້​ນັບ​ມື້​ຂະຫຍາຍຕົວ.

- Wave100S AD to Website 2020 0 - ເປີດ​ເວທີ​ສົນທະນາ​ຮ່ວມ​ມື​ພັ​ດທະ​ນາ​ການທ່ອງທ່ຽວ​ລາວ-​ຈີນ

ທ່ານ ຫວັງ ​ເຫວີນ ​ທ່ຽນ ​ເອກ​ອັກຄະ​ລັດຖະທູດ ຈີ​ນ ປະຈຳ​ສປປລາວ​ກ່າວ​ວ່າ:ສອງ​ປະ​ເທດ​ຈີນ-​ລາວ ມີ​ກຳລັງ​ບົ່ມ​ຊ້ອນ​ໃຫຍ່​ຫຼວງ​ໃນ​ການ​ຮ່ວມ​ມື​ຂົງ​ເຂດ​ທ່ອງ​ທ່ຽວ,ປີ2017​ຄົນ​ຈີນ​ອອກ​​ໄປ​ທ່ຽວ​ຕ່າງປະ​ເທດ​ປະມານ1,29ລ້າ​ນຄົນ,ມີ​ການ​ບໍລິ​ໂພ​ກດ້ານ​ການທ່ອງທ່ຽວ360​ຕື້​ໂດ​ລາ​ສະຫະລັດ ຕິດອັນ​ດັບ​ໜຶ່ງ​ຂອງ​ໂລກ​​ແລະ​ເຂົ້າ​ມາລາ​ວ ​ເກືອ​ບ7​ແສນ​ຄົນ ທຽບ​ໃນ​ໄລຍະ​ດຽວ​ກັນ​ຂອງ​ປີຜ່ານມາ​ເພີ່ມ​ຂື້ນ32%​ແລະ​ຕິດ​ອັນ​ດັບ3​ຂອງ​ນັກ​ທ່ອງ​ທ່ຽວ​​ເຂົ້າ​ມາລາ​ວ.​ແລະ​ການ​ເປີດ​ເວທີ​ສົນທະນາ​ຮ່ວມ​ມື​ການທ່ອງທ່ຽວ​ສອງ​ຊາດ​ເຮົາ​ເປັນ​ນີມິດ​ໝາຍ ຂອງ​ການ​ພັດ​ທະ​ນາ​ຕາທ່າ​​ແຮງ​ບົ່ມ​ຊ້ອນການທ່ອງທ່ຽວ​​ສອງ​ຊາດ​ຈີນ-​ລາວ​ເຕີບ​ໃຫຍ່​ຂະຫຍາຍຕົວ.

 

- WhatsApp Image 2020 05 27 at 5 - ເປີດ​ເວທີ​ສົນທະນາ​ຮ່ວມ​ມື​ພັ​ດທະ​ນາ​ການທ່ອງທ່ຽວ​ລາວ-​ຈີນ
- WhatsApp Image 2020 05 27 at 5 - ເປີດ​ເວທີ​ສົນທະນາ​ຮ່ວມ​ມື​ພັ​ດທະ​ນາ​ການທ່ອງທ່ຽວ​ລາວ-​ຈີນ
- WhatsApp Image 2020 05 27 at 5 - ເປີດ​ເວທີ​ສົນທະນາ​ຮ່ວມ​ມື​ພັ​ດທະ​ນາ​ການທ່ອງທ່ຽວ​ລາວ-​ຈີນ
- WhatsApp Image 2020 05 27 at 5 - ເປີດ​ເວທີ​ສົນທະນາ​ຮ່ວມ​ມື​ພັ​ດທະ​ນາ​ການທ່ອງທ່ຽວ​ລາວ-​ຈີນ
error: Alert: Content is protected !!