ກຳປູເຈຍເຊີນປະເທດອາຊຽນ ຮ່ວມສັງເກດການເລືອກຕັ້ງ

ກຳປູເຈຍເຊີນປະເທດອາຊຽນ ຮ່ວມສັງເກດການເລືອກຕັ້ງ - LYNXMPEE5Q0DN L - ກຳປູເຈຍເຊີນປະເທດອາຊຽນ ຮ່ວມສັງເກດການເລືອກຕັ້ງ
ກຳປູເຈຍເຊີນປະເທດອາຊຽນ ຮ່ວມສັງເກດການເລືອກຕັ້ງ - Untitled design - ກຳປູເຈຍເຊີນປະເທດອາຊຽນ ຮ່ວມສັງເກດການເລືອກຕັ້ງ

ລັດຖະບານ​ພະນົມ​ເປັນ​ເຊີນ​ຄະນະ​ຈາກ​ຕ່າງປະ​ເທດ ລວມທັງ​ຈີນ ​ແລະ ປະ​ເທດ​ໃນ​ອາ​ຊຽນ ຄື​ສິງກະ​ໂປ, ມຽນມາ ​ແລະ ​ໄທ ​ເຂົ້າຮ່ວມ​ສັງ​ເກດ​ການ​ການ​ເລືອກ​ຕັ້ງທົ່ວ​ໄປ ​ໃນ​ວັນ​ທີ 29 ກໍລະກົດ​ນີ້ ​ເຊິ່ງທຸກ​ຝ່າຍ​ຄາດ​ຄະ​ເນ​ໄປ​ໃນ​ທາງ​ດຽວ​ກັນ​ວ່າ: ພັກ​ຂອງ​ທ່ານ ຮຸນ​​ເຊ​ນ ຈະ​ໄດ້​ຮັບ​ໄຊຊະນະ.

ສຳນັກ​ຂ່າວ​ຕ່າງປະ​ເທດ​ລາຍ​ງານ​ວ່າ: ຄະນະ​ກຳມະການ​ການ​ເລືອກ​ຕັ້ງ​ແຫ່ງ​ຊາດ​ຂອງ​ກຳປູ​ເຈຍ (NEC) ອອກ​ຖະ​ແຫລ​ງການ​ໃນ​ວັນ​ທີ 27 ມິຖຸນາ​ວ່າ: ​ໄດ້​ມີ​ການ​ເຊີນ​ຄະນະ​ຜູ້​ສັງ​ເກດ​ການ 50.000 ຄົນ ຈາກ​ຈີນ, ສິງກະ​ໂປ, ມຽນມາ ​ແລະ ​ໄທ ຮ່ວມ​ສັງ​ເກດ​ການ​ການ​ເລືອກ​ຕັ້ງທົ່ວ​ໄປ ​ເຊິ່ງຈະ​ມີ​ຂຶ້ນ​ໃນ​ວັນ​ທີ 29 ກໍລະກົດ​ນີ້ ​ໂດຍ​ລະບຸ​ວ່າ: ການ​ເຊີນ​ຄະນະ​ຜູ້​ສັງ​ເກດ​ການ​ຈາກ​ພາຍ​ນອກ​ຮ່ວມ​ລົງພື້ນທີ່​ຕາມ​ໜ່ວຍ​ເລືອກ​ຕັ້ງ ຄື​ການສະ​ແດງ​ຄວາມ​ບໍລິສຸດ​ໃຈ​ວ່າການ​ເລືອກ​ຕັ້ງທີ່​ກຳລັງ​ຈະ​ເກີດ​ຂຶ້ນນັ້ນ​ໂປ່​ງ​ໃສ ​ແລະ ກວດ​ສອບ​ໄດ້ ​ແລະ ກຳລັງ​ພິຈາລະນາ​ຄຳ​ຮ້ອງ​ຂອງ​ຄະນະ​ຜູ້​ສັງ​ເກດ​ການ​ຈາກ​ພາກ​ລັດ ​ແລະ ​ເອກະ​ຊົນ​ຂອງ​ປະ​ເທດ​ທີ່ຢູ່​ນອກ​ເໜືອ​ກຸ່ມ​ໄດ້​ຮັບ​ເຊີນ​ອີກ​ປະມານ 800 ຄົນ.

ສຳ​ລັບ​ການ​ເລືອກ​ຕັ້ງຄັ້ງນີ້​ມີ​ພັກ​ການ​ເມືອງ​ຂະໜາດ​ໃຫຍ່​ພຽງ​ພັກ​ດຽວ ຄື​ພັກ​ປະຊາຊົນ​ກຳປູ​ເຈຍ (CPP) ຂອງ​ນາຍົກລັດຖະມົນຕີ ຮຸນ​ເຊ​ນ ​ເຊິ່ງປະກາດ​ວ່າ​ຈະ​ຕ້ອງ​ຊະນະ​ເທົ່າ​ນັ້ນ. ຂະນະ​ທີ່​ພັກ​ແກນ​ນຳ​ຝ່າຍ​ຄ້ານ ຄື​ພັກ​ກູ້​ຊາດ​ກຳປູ​ເຈຍ (CNRP) ຖືກ​ຍຸບ​ໄປ​ແຕ່​ເດືອນ​ພະຈິກ​ປີຜ່ານມາ ​ເຊິ່ງບັນຫາ​ດັ່ງກ່າວ​ກາຍ​ເປັນ​ຂໍ້​ຂັດ​ແຍ່ງ​ລະຫວ່າງ​ລັດຖະບານ​ພະນົມ​ເປັນ​ກັບ​ກຸ່ມ​ປະ​ເທດ​ຕາ​ເວັນ​ຕົກ ​ໂດຍສ​ະ​ເພາະ​ອາ​ເມ​ລິ​ກາ ​ເຊິ່ງ​ເຕືອນ​ວ່າ: ລັດຖະບານ​ວໍ​ຊິງ​ຕັນ​ອາດ​ບໍ່​ຍອມຮັບ​ຜົນ​ການ​ເລືອກ​ຕັ້ງຄັ້ງນີ້ ​ແລະ ​ໃນ​ລະຫວ່າງ​ນີ້​​ໄດ້​ໂຈະ​ການ​ຮ່ວມ​ມື​ຫລາຍ​ດ້ານ​ກັບ​ໜ່ວຍ​ງານ​ຫລາຍ​ແຫ່ງ​ຂອງ​ກຳປູ​ເຈຍ​ແລ້ວ.

ກຳປູເຈຍເຊີນປະເທດອາຊຽນ ຮ່ວມສັງເກດການເລືອກຕັ້ງ - Wave100S AD to Website 2020 0 - ກຳປູເຈຍເຊີນປະເທດອາຊຽນ ຮ່ວມສັງເກດການເລືອກຕັ້ງ
ກຳປູເຈຍເຊີນປະເທດອາຊຽນ ຮ່ວມສັງເກດການເລືອກຕັ້ງ - WhatsApp Image 2020 05 27 at 5 - ກຳປູເຈຍເຊີນປະເທດອາຊຽນ ຮ່ວມສັງເກດການເລືອກຕັ້ງ
ກຳປູເຈຍເຊີນປະເທດອາຊຽນ ຮ່ວມສັງເກດການເລືອກຕັ້ງ - WhatsApp Image 2020 05 27 at 5 - ກຳປູເຈຍເຊີນປະເທດອາຊຽນ ຮ່ວມສັງເກດການເລືອກຕັ້ງ
error: Alert: ເນື້ອຫາຂ່າວມີລິຂະສິດ !!