ອິນໂດເນເຊຍກັບການອະນຸລັກພັນພືດ ແລະ ພັນສັດ

- 251 - ອິນໂດເນເຊຍກັບການອະນຸລັກພັນພືດ ແລະ ພັນສັດ
- Untitled design - ອິນໂດເນເຊຍກັບການອະນຸລັກພັນພືດ ແລະ ພັນສັດ

 # ວິເສດ ສະແຫວງສຶກສາ 

ທີ່ປວດຢາກຂຽນເລື່ອງນີ້ ກໍເພາະວ່າຫວ່າງ ສອງ-ສາມ ວັນຜ່ານມາ, ໄດ້ມີກອງປະຊຸມ ບັນດາປະເທດລຸ່ມແມ່ນ້ຳຂອງ ຢູ່ເມືອງໄຊ ແຂວງອຸດົມໄຊ ກ່ຽວກັບການຮ່ວມມືຕ້ານການ ຄ້າສັດປ່າໂດຍແມ່ນທ່ານ ລັດ ຖະມົນຕີກະສິກຳ ແລະ ປ່າໄມ້ ລາວເຮົາເປັນປະທານ.
ກອງປະຊຸມໄດ້ເນັ້ນຂອບ ການຮ່ວມມືຫລາຍດ້ານໂດຍ ສະເພາະແມ່ນທາງດ້ານກົດ ໝາຍ, ການແລກປ່ຽນຂໍ້ມູນ ຂ່າວສານ, ການສຶກສາເຂດ ສ່ຽງທີ່ຈະມີການຄ້າ-ຂາຍ ສັດປ່າ. ຖ້າຢາກຮູ້ລາຍລະອຽດ ຄັກໆ ຂໍໃຫ້ຊອກອ່ານຂ່າວຕື່ມ.

- 75211 - ອິນໂດເນເຊຍກັບການອະນຸລັກພັນພືດ ແລະ ພັນສັດ
(ພາບປະກອບ)

ຫລາຍທ້ອງຖິ່ນຈັດພິທີປ່ອຍປາລົງສູ່ແຫລ່ງນ້ຳທຳມະຊາດ ໃນໂອກາດວັນອານຸລັກສັດນ້ຳ-ສັດປ່າແຫ່ງຊາດ

ເຈົ້າໜ້າທີ່ພາສີຢຶດສັດປ່າຫວງຫ້າມມີມູນຄ່າຫລາຍກວ່າ 20 ລ້ານກີບ

ບັນຫາທີ່ຜູ້ຂຽນຢາກ ເອົາມາບິແບ່ງກັບທ່ານຜູ້ ອ່ານເປັນຄໍລຳປະຈຳວັນນີ້ກໍຄື ບົດຮຽນຂອງອິນໂດ ເນເຊຍ ໃນການອະນຸລັກພັນພືດ ແລະ ພັນສັດປ່າທີ່ຫາຍາກຫລື ກຳລັງສ່ຽງຈະສູນພັນ, ຍ້ອນ ນ້ຳມືຂອງມະນຸດ ແລະ ການ ແປປ່ວນຂອງສະພາບດິນ ຟ້າອາກາດ.

ອິນໂດເນເຊຍເປັນປະເທດ ເກາະດອນ (ມີ 7 ພັນກວ່າ ດອນ) ມີເຜົ່າຊົນ, ມີພັນພືດ ແລະ ພັນສັດນາໆຊະນິດທີ່ຢູ່ ບ່ອນອື່ນສູນພັນໄປແລ້ວເຊັ່ນ ມັງກອນຍັກໂກໂມໂດ-ສັດເລືອ ຄານສາຍພັນໄດໂນເສົານັ້ນຍັງ ມີຢູ່ອິນໂດເນເຊຍຮອດຊູ່ມືນີ້.
ອິນໂດເນເຊຍມີກົດໝາຍ ອະນຸລັກພັນພືດ ແລະ ພັນສັດ ທີ່ຈິງຈັງຕັ້ງໜ້າ ແລະ ຄົບຊຸດ ຄັ້ງທຳອິດໃນປີ 1999 ໂດຍໄດ້ ກຳນົດການອະນຸລັກ 294 ຊະ ນິດພັນພືດ ແລະ ພັນສັດ, ຈາກ ນັ້ນມາເປັນເວລາ 17 ປີ (ໃນ ປີ 2015) ທາງການຂອງປະ ເທດນີ້ໄດ້ລິເລີ່ມປັບປຸງກົດ ໝາຍອະນຸລັກດັ່ງກ່າວ ແລະ ໄດ້ຮັບການຮັບຮອງເອົາໃນ ປີ 2018 ນີ້ເອງ.

- Wave100S AD to Website 2020 0 - ອິນໂດເນເຊຍກັບການອະນຸລັກພັນພືດ ແລະ ພັນສັດ

ບັນຊີໃໝ່ຕາມກົດໝາຍ ສະບັບນີ້ໄດ້ເພີ່ມຈຳນວນພັນ ພືດ ແລະ ພັນສັດປະເພດອະ ນຸລັກຂຶ້ນເປັນ 921 ຊະນິດ ລວມເອົາທັງສາຍພັນປະເພດ ນົກຮ້ອງມ່ວນຊວນສະອອນ ໃຈ ແລະ ໄມ້ເນື້ອແຂງອີກ 13 ຊະນິດ.

ໃນປີ 1999 ນັ້ນ, ລັດຖະ ບານ ອິນໂດເນເຊຍໄດ້ອອກ ກົດລະບຽບເລກທີ 7, ໂດຍມາດ ຕາ 5 ໄດ້ກຳນົດເງື່ອນໄຂການ ອະນຸລັກພັນພືດ ແລະ ພັນສັດ ວ່າໜຶ່ງ: ຕ້ອງເປັນພັນທີ່ມີ ເອກະລັກສະເພາະຂອງອິນໂດ ເນເຊຍແບບບໍ່ຄືໃຜ ແລະ ບໍ່ມີ ໃຜຄື, ສອງ: ຕ້ອງເປັນພັນທີ່ ມີຈຳນວນໜ້ອຍກວ່າພັນອື່ນໆ ແລະ ສາມ: ຕ້ອງເປັນພັນທີ່ມີ ທ່າອ່ຽງຫລຸດລົງຢ່າງໄວວາ.

ກົດລະບຽບວ່າດ້ວຍການອະນຸລັກຂອງອິນໂດເນເຊຍນີ້ ສາມາດປັບປ່ຽນໄດ້ຕາມເງື່ອນ ໄຂເຊັ່ນ: ຖ້າພັນພືດ-ພັນສັດຊະ ນິດໃດເພີ່ມຂຶ້ນເກີນຄວາມພໍດີ ກໍຈະຖືກລືບອອກຈາກບັນຊີ ອະນຸລັກ.

ພາຍໃຕ້ກົດໝາຍວ່າດ້ວຍການອະນຸລັກສະບັບປັບປຸງນີ້ ສັດຫລືພືດທີ່ສ່ວນບຸກຄົນຈະ ເອົາມາລ້ຽງ ຫລື ປູກໄວ້ຕາມ ຄົວເຮືອນນັ້ນຈະຕ້ອງໄດ້ຜ່ານ ການຕົກລົງຢັ້ງຢືນຈາກຄະນະ ຮັບຜິດຊອບກ່ອນບໍ່ແມ່ນຈະ ເຮັດໄດ້ຕາມໃຈອີກຕໍ່ໄປ./.

- 251 - ອິນໂດເນເຊຍກັບການອະນຸລັກພັນພືດ ແລະ ພັນສັດ
(ພາບປະກອບ)
- WhatsApp Image 2020 05 27 at 5 - ອິນໂດເນເຊຍກັບການອະນຸລັກພັນພືດ ແລະ ພັນສັດ
- WhatsApp Image 2020 05 27 at 5 - ອິນໂດເນເຊຍກັບການອະນຸລັກພັນພືດ ແລະ ພັນສັດ
error: Alert: ເນື້ອຫາຂ່າວມີລິຂະສິດ !!