ຣັດເຊຍຈະຈັດຫາລະບົບລູກສອນໄຟ ແບບພື້ນສູ່ອາກາດໃຫ້ຊີຣີ

- news hQDcMZUiWm090253 533 - ຣັດເຊຍຈະຈັດຫາລະບົບລູກສອນໄຟ ແບບພື້ນສູ່ອາກາດໃຫ້ຊີຣີ
- Untitled design - ຣັດເຊຍຈະຈັດຫາລະບົບລູກສອນໄຟ ແບບພື້ນສູ່ອາກາດໃຫ້ຊີຣີ

ຣັດ​ເຊຍ​ປະກາດ​ໃນ​ວັນ​ທີ 24 ກັນຍາ​ວ່າ: ຈະ​ຈັດ​ຫາ​ລະບົບ​ລູກ​ສອນ​ໄຟ​ແບບ​ພື້ນສູ່​ອາກາດ ​ເອສ-300 ​ໃຫ້​ຊີຣີ ​ໂດຍ​ລະບຸ​ວ່າ: ​ເພື່ອ​ປົກປ້ອງ​ຮັກສາ​ຄວາມ​ປອດ​ໄພ​ໃຫ້​ທະຫານຣັດ​ເຊຍ​ທີ່ຢູ່​ໃນ​ຊີຣີ.

ການ​ປະກາດ​ຈະ​ຈັດ​ສົ່ງ​ລະບົບ​ລູກ​ສອນ​ໄຟ​ ​ເອສ-300 ຂອງຣັດ​ເຊຍ​ເກີດ​ຂຶ້ນພຽງ 1 ອາທິດ ພາຍຫລັງຣັດ​ເຊຍ​ກ່າວ​ໂທດ​ວ່າ: ອິດສະ​ລາ​ແອນ​ກະທຳ​ການ​ໂດຍ​ທາງ​ອ້ອມ ​ເຮັດ​ໃຫ້​ເຮືອບິນ​ທະຫານ​ຂອງຣັດ​ເຊຍ​ຕົກ​ໃນ​ຊີຣີ ​ເຮັດ​ໃຫ້​ທະຫານຣັດ​ເຊຍ​ເສຍ​ຊີວິດ 15 ຄົນ. ທ່ານ ​ເຊີ​ເກ ຊອຍ​ກູ ລັດຖະມົນຕີ​ປ້ອງ​ກັນ​ປະ​ເທດຣັດ​ເຊຍ ກ່າວ​ປາ​ໄສ​ທາງ​ໂທລະພາບຣັດ​ເຊຍ ​ໃນ​ວັນ​ທີ 24 ກັນຍາ​ວ່າ: ​ເຫດການ​ເຮືອບິນ​ທະຫານ​ຕົກ​ດັ່ງກ່າວ ສົ່ງ​ຜົນ​ໃຫ້ຣັດ​ເຊຍ​ມີ​ຄວາມ​ຈຳ​ເປັນ​ຕ້ອງ​ດຳ​ເນີນ​ມາດ​ຕະການ​ຕອບ​ໂຕ້​ທີ່​ພຽງພໍ ​ໂດຍ​ການ​ເພີ່ມ​ມາດ​ຕະການ​ເພື່ອ​ຄວາມ​ປອດ​ໄພ​ຂອງ​ທະຫານຣັດ​ເຊຍ​ທີ່​ຮ່ວມ​ຕໍ່ສູ້​ກັບ​ກຸ່ມ​ກໍ່​ການ​ຮ້າຍ​ລະຫວ່າງ​ປະ​ເທດ​ຢູ່​ໃນ​ຊີຣີ. ທ່ານ​ກ່າວ​ວ່າ: ລະບົບ​ລູກ​ສອນ​ໄຟ ​ເອສ-300 ທີ່​ທັນ​ສະ​ໄໝ​ຈະ​ຖືກ​ສົ່ງ​ໄປ​ໃຫ້​ກອງທັບ​ຊີຣີພາຍ​ໃນ​ສອງ​ອາທິດ​ຕໍ່ໜ້າ ​ເຊິ່ງລູກ​ສອນ​ໄຟ​ດັ່ງກ່າວ​ຈະ​ຊ່ວຍ​ເສີມ​ສ້າງ​ແສນ​ຍານຸພາບ​ໃຫ້​ກອງທັບ​ຊີຣີ, ຣັດ​ເຊຍ ​ເຊິ່ງຮ່ວມ​ຮົບ​ໃນ​ຊີຣີນັ້ນ​ໃຫ້ການ​ສະໜັບສະໜູນ​ລັດຖະບານ​ຊີຣີ. ຣັດ​ເຊຍ​ລະບຸ​ວ່າ: ຊີຣີຍິງ​ເຮືອບິນກວດ​ສອບ​ໄອ​ແອ​ລ-20 ຂອງຣັດ​ເຊຍ​ຕົກ​ດ້ວຍ​ຄວາມ​ຜິດພາດ ພາຍຫລັງ​ເຮືອບິນ​ຮົບ​ຂອງ​ອິດສະ​ລາ​ແອນ ຍິງ​ເປົ້າໝາຍ​ທີ່ຢູ່​ໃກ້​ກັນ, ຣັດ​ເຊຍ​ກ່າວ​ໂທດ​ອິດສະ​ລາ​ແອນ​ວ່າ​ເຮັດ​ໃຫ້​ເກີດ​ສະພາບ​ທີ່​ເປັນ​ອັນຕະລາຍ​ເຮັດ​ໃຫ້​ເຮືອບິນ​ຂອງຣັດ​ເຊຍ​ຕົກ.

- Wave100S AD to Website 2020 0 - ຣັດເຊຍຈະຈັດຫາລະບົບລູກສອນໄຟ ແບບພື້ນສູ່ອາກາດໃຫ້ຊີຣີ

- WhatsApp Image 2020 05 27 at 5 - ຣັດເຊຍຈະຈັດຫາລະບົບລູກສອນໄຟ ແບບພື້ນສູ່ອາກາດໃຫ້ຊີຣີ
- WhatsApp Image 2020 05 27 at 5 - ຣັດເຊຍຈະຈັດຫາລະບົບລູກສອນໄຟ ແບບພື້ນສູ່ອາກາດໃຫ້ຊີຣີ
error: Alert: ເນື້ອຫາຂ່າວມີລິຂະສິດ !!