ໂລກສັງຄົມອອນລາຍຜູ້ອາຍຸສູງຄວນມີສະຕິ

- advert banner 728 90 728x90 - ໂລກສັງຄົມອອນລາຍຜູ້ອາຍຸສູງຄວນມີສະຕິ

ໂດຍ: ຊາຍພະເນຈອນ

- new3 - ໂລກສັງຄົມອອນລາຍຜູ້ອາຍຸສູງຄວນມີສະຕິ

ປັດຈຸບັນການສື່ສານ ຂອງ ໂລກອອນລາຍນັບມື້ມີການພັດ ທະນາທາງດ້ານເຕັກໂນໂລຊີທີ່ ທັນສະໄໝໃນຍຸກໂລກາພິວັດ, ເຊິ່ງຜູ້ຂຽນ ຈຶ່ງຢາກຂໍເຕືອນ ບັນດາທ່ານອາວຸໂສທັງຫຼາຍ ວ່າ, ການນໍາໃຊ້ສື່ໃນສັງຄົມອອນ ລາຍມັນປຽບດັ່ງມີດສອງຄົມ ທີ່ໃຫ້ທັງຄຸນ ແລະ ໂທດ, ເຊິ່ງ ໃນໄລຍະຜ່ານມາສັງຄົມມີ ຄວາມກັງວົນໃຈກັບພຶດຕິກໍາ ຂອງກຸ່ມເດັກ ແລະ ໄວໜຸ່ມຈົນ ເບິ່ງຂ້າມກະໂຕໃນກຸ່ມຜູ້ໃຫຍ່ ແລະ ລວມໄປເຖິງຜູ້ອາຍຸສູງ ກໍຕົກຢູ່ໃນຄວາມສ່ຽງເປັນອັນ ຕະລາຍໄດ້ເຊັ່ນກັນ, ຄວນລະ ມັດລະວັງ ແລະ ພິນິດພິຈາລະ ນາກ່ອນໃນເວລາໃຊ້ງານຍ້ອນວ່າ: ຜູ້ອາຍຸສູງອາດຂາດປະສົບ ການທາງດ້ານນີ້, ເພາະຜ່ານ ມາຄຸ້ນເຄີຍກັບການບໍລິໂພກ ຂ່າວໃນທາງດຽວ ເຊິ່ງເປັນ ຂ່າວ ທີ່ໄດ້ຜ່ານການກວດກາ ຈາກສໍານັກຂ່າວໂດຍກົງ, ແຕ່ ເມື່ອມາປະສົບພົບພໍ້ກັບລະບົບ ຂ່າວໃນໂລກອອນລາຍແລ້ວ ໃຜໆກໍສາມາດເປັນນັກຂ່າວ ແລະ ເຜີຍແຜ່ອອກໄປໄດ້ໂດຍ ບໍ່ມີ ຂອບເຂດຈໍາກັດ, ເຊິ່ງໃນ ນັ້ນ, ມີທັງຂ່າວທີ່ມີມູນຄວາມ ຈິງ ແລະ ບິດເບືອນຄວາມເປັນ ຈຶງຈາກກຸ່ມຄົນບໍ່ຫວັງດີ ຈຶ່ງ ມີທ່າອ່ຽງທີ່ຈະເຊື່ອໄດ້ງ່າຍ ໂດຍຂາດການພິຈາລະນາເປັນ ຕົ້ນແມ່ນບັນຫາສຸຂະພາບເພາະ ອາດຈະຫຼົງໄຫຼໄປກັບການໂຄ ສະນາແບບຈອມປອມດັ່ງກ່າວ.

 

ນໍາໃຊ້ສື່ສັງຄົມອອນລາຍໃນລາວກວມ 35% ຂອງປະຊາກອນ2018/

ຫວຽດນາມທຳລາຍແກ້ງ ພະນັນບານອອນລາຍ2018/

ໃນກຸ່ມຜູ້ໃຫຍ່ ຈົນໄປເຖິງ ກຸ່ມຜູ້ອາຍຸສູງຍັງຂາດພູມຕ້ານ ທານໃນເລື່ອງແອບແຝງແກມ ອາລົມຕະລົກເຮຮາ, ຍ້ອນວ່າ ເປັນຜູ້ເອົາຈິງເອົາຈັງກັບໜ້າ ທີ່ວຽກງານ ແລະ ການດໍາລົງ ຊີວິດປະຈໍາວັນ, ເຊິ່ງບາງຄັ້ງ ກໍ ອາດຈະຕິດຕາມນໍາບໍ່ທັນໃນ ລາຍການຕະລົກ, ຊວນຫົວ ແກມປະຊົດປະຊັນກັນ ໃນສັງ ຄົມອິນເຕີເນັດໂດຍຢູ່ໃນກຸ່ມ ຜູ້ໃຫຍ່ ແລະ ກຸ່ມຜູ້ເຖົ້າອາວຸ ໂສມັກຈະຕີຄວາມໝາຍກັບ ສິ່ງທີ່ໄດ້ເຫັນນັ້ນ ແບບຈິງຈັງ ແລະ ຈະເຮັດໃຫ້ເກີດຄວາມ ເຄັ່ງຕຶງໄດ້ງ່າຍ.

- lattana 1 - ໂລກສັງຄົມອອນລາຍຜູ້ອາຍຸສູງຄວນມີສະຕິ

ໃນກຸ່ມຜູ້ໃຫຍ່ ແລະ ຜູ້ອາ ຍຸສູງຍັງບໍ່ທັນເຂົ້າໃຈໄດ້ດີເທົ່າ ທີ່ຄວນກັບຮູບພາບທີ່ຕັດຕໍ່ ເນື່ອງຈາກການຕັດຕໍ່ຮູບພາບ ແມ່ນມີຄວາມງ່າຍດາຍຫຼາຍ ບໍ່ວ່າຈະເປັນໂປຣແກມຄອມ ພິວເຕີ ຫຼືແອບພີເຄຊັ່ນໃນໂທ ລະສັບ, ເຊິ່ງຖືວ່າເປັນເຄື່ອງ ມືທໍາມະດາສໍາລັບກຸ່ມໄວໜຸ່ມ, ແຕ່ຢູ່ໃນກຸ່ມຜູ້ໃຫຍ່ ແລະ ຜູ້ອາ ຍຸສູງຖືວ່າເປັນເລື່ອງແປກໆ ແລະ ໃໝ່ໆຈຶ່ງເຮັດໃຫ້ມີຄວາມ ເຊື່ອໄດ້ງ່າຍ.

ໃນກຸ່ມຜູ້ໃຫຍ່ ແລະ ຜູ້ອາ ຍຸສູງ ກໍຈະມີເຄືອຂ່າຍ ຫຼືກຸ່ມ ທີ່ກວ້າງຂວາງ, ເມື່ອມີຄວາມ ສົນໃຈມາຫຼິ້ນອິນເຕີເນັດ ແລະ ສັງຄົມອອນລາຍຫຼາຍຂຶ້ນ (ໂລກສັງຄົມກົ້ມໜ້າ) ກໍມັກ ຈະຊັກຊວນໝູ່ເພື່ອນແຕ່ສະ ໄໝຮຽນນໍາກັນ ແລະ ຮ່ວມເຮັດ ວຽກໃນອົງກອນດຽວກັນ, ເຊິ່ງ ຖືວ່າເປັນກຸ່ມສັງຄົມທີ່ກວ້າງ ຂວາງກວ່າສັງຄົມຂອງໄວ ໜຸ່ມ, ເມື່ອເວລາທີ່ໄດ້ຮັບຂໍ້ມູນ ຂ່າວສານທີ່ຜິດພາດກໍຈະມີ ການເຜີຍແຜ່ອອກໄປໄດ້ຢ່າງ ໄວ ແລະ ກວ້າງຂວາງກວ່າ.

ໃນກຸ່ມຜູ້ໃຫຍ່ ແລະ ຜູ້ອາ ຍຸສູງຈະມີຄວາມສ່ຽງໃຫ້ແກ່ ການກະທໍາຜິດຫຼາຍໃນສັງ ຄົມອອນລາຍ, ຍ້ອນວ່າຜູ້ໃຫຍ່- ອາວຸໂສກໍຈະມີໜ້າທີ່ຄວາມ ຮັບຜິດຊອບສູງ, ມີພາລະບົດ ບາດທີ່ສໍາຄັນ, ມີຜູ້ນັບໜ້າຖື ຕາໃນສັງຄົມຢ່າງກວ້າງຂວາງ ແລະ ມີຊັບສົມບັດຫຼາຍພໍສົມ ຄວນ ໃນເມື່ອຖືກຊັກຊວນໃຫ້ ຫຼົງໄຫຼໄປກັບສິ່ງໃດສິ່ງໜຶ່ງ ແລ້ວກໍຈະມັກທຸ້ມເທເງິນຄໍາ, ອໍານາດ ແລະ ກຽດສັກສີທີ່ຕົນ ມີ ມອບໃຫ້ກັບສິ່ງທີ່ຕົນເອງ ຄິດໂດຍບໍ່ຍອມຮັບຟັງຄໍາເຫັນ ຂອງບຸກຄົນອອ້ມຂ້າງ ຈຶ່ງເກີດ ມີຄວາມສ່ຽງສູງໃນການກະ ທໍາຜິດຫຼາຍກວ່າໃນກຸ່ມເດັກ ນ້ອຍ-ໄວໜຸ່ມທົ່ວໆໄປ.

ດັ່ງນັ້ນ, ນະໂອກາດວັນ ຜູ້ອາຍຸສູງທີ 1 ຕຸລານີ້, ຜູ້ ຂຽນ ຈຶ່ງຂໍຝາກຄວາມເປັນ ຫວ່ງເປັນໄຍມາຍັງບັນດາ ເພື່ອນສະຫາຍຜູ້ອາຍຸສູງ ແລະ ອາວຸໂສທັງຫຼາຍຄວນ ລະມັດລະວັງ ແລະ ພິຈາລະ ນາ ຢ່າງຖີ່ຖ້ວນໃນການນໍາ ໃຊ້ສື່ສານສັງຄົມອອນລາຍ ເພື່ອປ້ອງກັນຄວາມຜິດພາດ ທີ່ອາດຈະເກີດຂຶ້ນກັບຕົວ ຂອງເຮົາໄດ້ຢ່າງງ່າຍດາຍ./.

- 2785 - ໂລກສັງຄົມອອນລາຍຜູ້ອາຍຸສູງຄວນມີສະຕິ
(ພາບປະກອບ)

 

error: Content is protected !!