ເຮົາມີການສົ່ງເສີມປະຢັດນ້ຳມັນເຊື້ອໄຟແລ້ວບໍ່?

ເຮົາມີການສົ່ງເສີມປະຢັດນ້ຳມັນເຊື້ອໄຟແລ້ວບໍ່? - 95221111 - ເຮົາມີການສົ່ງເສີມປະຢັດນ້ຳມັນເຊື້ອໄຟແລ້ວບໍ່?
ເຮົາມີການສົ່ງເສີມປະຢັດນ້ຳມັນເຊື້ອໄຟແລ້ວບໍ່? - Untitled design - ເຮົາມີການສົ່ງເສີມປະຢັດນ້ຳມັນເຊື້ອໄຟແລ້ວບໍ່?

ໂດຍ: ທ່ຽງທຳ   

ສະບາຍດີ, ເພື່ອນຜູ້ອ່ານທີ່ ຮັກແພງ, ກໍດັ່ງເຮົາຮູ້ນຳກັນແລ້ວ ວ່າ: ປະເທດເຮົາເປັນປະເທດທີ່ ຍັງທຸກຍາກຂາດເຂີນຢູ່, ອີກບໍ່ພໍ ນ້ຳມັນເຊື້ອໄຟ 100% ແມ່ນນຳ ເຂົ້າຈາກຕ່າງປະເທດທັງນັ້ນ ແລະ ເຮົາຈະມາເລັ່ງກັນຄວບຄຸມ ລາຄານ້ຳມັນຢູ່ພາຍໃນເຮົາກໍຈະ ເປັນການຍາກຫລາຍ, ເພາະທຸກ ຢ່າງມັນຂຶ້ນກັບຕະຫລາດນ້ຳມັນ ຂອງໂລກຈະຂຶ້ນ ຫລື ລົງແມ່ນ ພວກເຮົາຕ້ອງປະຕິບັດຕາມ.
ແຕ່ໃນຂະນະດຽວກັນກໍມີ ຫລາຍປະເທດກໍຕົກຢູ່ສະພາບ ຄືກັບລາວເຮົາ, ແຕ່ໂດຍສ່ວນ ຫລາຍແລ້ວແມ່ນເພິ່ນມີມາດຕະ ການ ແລະ ປຸກລະດົມການປະ ຢັດນ້ຳມັນເຊື້ອໄຟ, ໂດຍເບື້ອງ ຕົ້ນເພິ່ນເລັ່ງສົ່ງເສີມການນຳໃຊ້ ພາຫະນະ ສາທາລະນະ ດັ່ງລົດ ເມໂດຍສານ, ຖ້າປະເທດເພິ່ນມີ ເງື່ອນໄຂກໍແມ່ນລົດໄຟດ່ວນຕາມ ສາຍທາງຕ່າງໆ, ບໍ່ດັ່ງນັ້ນກໍ ແມ່ນການສົ່ງເສີມຂີ້ລົດຖີບໃນ ຕົວເມືອງ ທັງປະຢັດນ້ຳມັນເຊື້ອ ເພິງ ແລະ ທັງເປັນການອອກກຳ ລັງກາຍອີກດ້ວຍ.

ແຕ່ໃນສິ່ງນີ້ຢູ່ລາວເຮົາແມ່ນ ຍັງມີໜ້ອຍເຫລືອເກີນເບິ່ງຢ່າງ ໜຶ່ງກໍຄືວ່າພວກເຮົາມັກງ່າຍ ແລະ ຂາດຕົວແບບ, ເຮືອນໃດ, ຄອບຄົວໃດກໍຊ່ວຍເລັ່ງກັນຊື້ລົດ ໃຫຍ່ລົດນ້ອຍ, ລົດຫລູຫລາມາ ຂີ່, ເຮືອນລະ 2-3 ຄັນກໍມີ ແລະ ຖ້າເພິ່ນເປັນຜູ້ໃຫຍ່ໄພໂຕແດ່ກໍ ອາດນັບເປັນ 5-6 ຄັນຂຶ້ນເມື່ອ, ຕ່ຳສຸດກໍແມ່ນລົດກະບະຮັບໃຊ້ ວຽກຄົວວຽກເຮືອນ, ທັດມາກໍ ແມ່ນລົດເກງຍີ່ຫໍ້ຕ່າງໆ.
ສຳລັບລູກຫລານໄປໂຮງ ຮຽນ, ຕໍ່ມາກໍແມ່ນລົດເກງລະ ດັບຫລູ ຫລື ປະເພດລົດຈິບຍີ່ຫໍ້ ດັ່ງຄືເລັກຊັດ, ແລນກູເຊີ, ຮຳເມີ ແລະ ອື່ນໆ ເພື່ອເດີນທາງໄກ ຂອງຄອບຄົວ ແລະ ລົດເກງລະ ດັບຫລູເພື່ອເຂົ້າຮ່ວມພິທີທາງ ການຕ່າງໆ.

ຖ້າເວົ້າເລື່ອງປະຢັດນ້ຳມັນ ແມ່ນບໍ່ໃຫ້ເວົ້າເຖິງຄືເບັນ, ເລັກ ຊັດ, ຮຳເມີ ກໍແມ່ນ 3-4 ລິດຕໍ່ ຫລັກກິໂລແມັດ, ແຕ່ຖ້າເວົ້າເພິ່ນ ກໍອາດດີກວ່າເຮົາເພາະນ້ຳມັນ ເຊື້ອໄຟທັງໝົດນັ້ນແມ່ນຂອງລັດ ເປັນຜູ້ອຸປະຖຳທັງນັ້ນ, ເຖິງວ່າ ລາຄານ້ຳມັນຈະແພງ ຫລື ຖືກ ແມ່ນເພິ່ນບໍ່ໄດ້ສົນໃຈເລີຍເພາະ ເພິ່ນມີວຽກໃຫຍ່ກວ່ານັ້ນເປັນ ພັນເປັນຕື້ມີຫລາຍ.

ອັນນີ້ແລ້ວແມ່ນພວກເຮົາ ຄວນຫວນຄືນມາເບິ່ງນຳກັນຕື່ມ ອີກເລື່ອງຄຳສັ່ງ ຫລື ນະໂຍບາຍ ປະຢັດມັດທະຍັດ ແລະ ຕ້ານການ ຟູມເຟືອຍທີ່ນາຍົກລັດຖະມົນຕີ ວາງອອກນັ້ນເຮົາເຮັດໄດ້ຮອດ ໃສແລ້ວ, ຖ້າເວົ້າເຖິງຄວາມເປັນ ແບບຢ່າງເພິ່ນກໍໄດ້ເສຍສະຫລະ ລົດຫລູຂອງຕົນປະມູນຂາຍອອກ ເພື່ອເພີ່ມແຫລ່ງລາຍຮັບ ແລະ ປະຢັດການໃຊ້ຈ່າຍເພື່ອລົດ ແລະ ອື່ນໆ.

ແຕ່ມາຮອດດຽວນີ້ການຈະ ຮ່ຳຮຽນເອົາແບບຢ່າງນີ້ແມ່ນ ພວກເຮົາຍັງເຮັດໄດ້ໜ້ອຍ ຫລາຍ, ທັງໆທີ່ປະເທດເຮົາຍັງ ທຸກຍາກຂາດເຂີນຢູ່, ບັນຫາເສດ ຖະກິດພົບຄວາມຫຍຸ້ງຍາກ, ໄພທຳມະຊາດທຳລາຍ, ລາຄາ ນ້ຳມັນເຊື້ອໄຟພັດຖີບຕົວສູງຂຶ້ນ ມາຮອດປັດຈຸບັນນ້ຳມັນແອດ ຊັງລິດໜຶ່ງກໍເປັນ 10.000 ກີບ ແລ້ວ, ເງິນເດືອນຍັງຄືເກົ່າ.

ເຮົາມີການສົ່ງເສີມປະຢັດນ້ຳມັນເຊື້ອໄຟແລ້ວບໍ່? - Wave100S AD to Website 2020 0 - ເຮົາມີການສົ່ງເສີມປະຢັດນ້ຳມັນເຊື້ອໄຟແລ້ວບໍ່?

ດັ່ງນັ້ນຖ້າພວກເຮົາບໍ່ຊ່ວຍ ກັນປະຢັດຍິ່ງຈະເຮັດໃຫ້ການ ດຳລົງຊີວິດຂອງປະຊາຊົນເຮົາ ຟືດເຄືອງຂຶ້ນ ແລະ ຈະສົ່ງຜົນ ກະທົບຕໍ່ການປະຕິບັດແນວທາງ ລົບລ້າງຄວາມທຸກຍາກຂອງປະ ເທດດຳເນີນໄປໄດຊ້າ./.

 

ຄ່ານ້ຳມັນຂຶ້ນຕິກໆ ການບໍລິການບາງປ້ຳມີເງື່ອນງຳ2018/

ລາວ​ປັບ​ຂຶ້ນລາຄາ​ນ້ຳມັນ​ເຊື້ອ​ໄຟ​ອີກ 200 ກີບ/ລິດ ​ເລີ່ມ​ເຊົ້າມື້​ນີ້2018/

ເຮົາມີການສົ່ງເສີມປະຢັດນ້ຳມັນເຊື້ອໄຟແລ້ວບໍ່? - 95221111 - ເຮົາມີການສົ່ງເສີມປະຢັດນ້ຳມັນເຊື້ອໄຟແລ້ວບໍ່?

ເຮົາມີການສົ່ງເສີມປະຢັດນ້ຳມັນເຊື້ອໄຟແລ້ວບໍ່? - WhatsApp Image 2020 05 27 at 5 - ເຮົາມີການສົ່ງເສີມປະຢັດນ້ຳມັນເຊື້ອໄຟແລ້ວບໍ່?
ເຮົາມີການສົ່ງເສີມປະຢັດນ້ຳມັນເຊື້ອໄຟແລ້ວບໍ່? - WhatsApp Image 2020 05 27 at 5 - ເຮົາມີການສົ່ງເສີມປະຢັດນ້ຳມັນເຊື້ອໄຟແລ້ວບໍ່?
error: Alert: ເນື້ອຫາຂ່າວມີລິຂະສິດ !!