ກົງໂກພົບພະຍາດລະບາດ ທັງອີໂບລາ-ມາລາເລຍ

ກົງໂກພົບພະຍາດລະບາດ ທັງອີໂບລາ-ມາລາເລຍ - news WLiWSSvjdx134848 533 - ກົງໂກພົບພະຍາດລະບາດ ທັງອີໂບລາ-ມາລາເລຍ
ກົງໂກພົບພະຍາດລະບາດ ທັງອີໂບລາ-ມາລາເລຍ - Untitled design - ກົງໂກພົບພະຍາດລະບາດ ທັງອີໂບລາ-ມາລາເລຍ

ປັດຈຸບັນ ສະຖານະ​ການການ​ແຜ່​ລະບາດ​ຂອງ​ເຊື້ອ​ໄວຣັສອີ​ໂບລາ​ຢູ່​ສາທາລະນະ​ລັດ ປະຊາທິປະ​ໄຕ ກົງ​ໂກ ຍັງ​ວິ​ກິດ, ປະ​ເທດ​ທີ່​ຕັ້ງຢູ່​ທາງ​ຕາ​ເວັນ​ຕົກ​ຕອນ​ກາງຂອງ​ອາ​ຟຣິກາ​ແຫ່ງ​ນີ້ ກຳລັງ​ຜະ​ເຊີນ​ພະຍາດ​ມາລາ​ເລຍ​ທີ່​ມີ​ທ່າ​ອ່ຽງຮຸນ​ແຮງ​ຂຶ້ນ.

ສຳນັກ​ຂ່າວ​ຕ່າງປະ​ເທດ​ລາຍ​ງານ​ວ່າ: ອົງການ​ອະນາ​ໄມ​ໂລກ (WHO) ​ໄດ້​ເຜີຍ​​ແຜ່​ລາຍ​ງານ​ໃນ​ອາທິດ​ນີ້ ລະບຸ​ວ່າ: ​ເມືອງ​ເບ​ນີ ​ແຂວງ​ກິ​ວູ​ເໜືອ ​ເຊິ່ງຢູ່​ທາງ​ຕາ​ເວັນ​ອອກ​ຂອງ​ສາທາລະນະ​ລັດ ປະຊາທິປະ​ໄຕ ກົງ​ໂກ ​ແລະ ມີ​ຊາຍ​ແດນ​ຕິດ​ກັບ​ອູ​ກັນດາ ກຳລັງ​ຜະ​ເຊີນ​ສະຖານະ​ການ​ການ​ແຜ່​ລະບາດ​ຂອງ​ເຊື້ອ​ໄວຣັສອີ​ໂບລາ ນັບ​ແຕ່​ເດືອນ​ສິງຫາ​ຜ່ານ​ມາ ​ເຊິ່ງຖື​ເປັນຄັ້ງທີ 2 ​ໃນ​ປີ​ນີ້ ​ໂດຍ​ມີ​ຜູ້​ເສຍ​ຊີວິດ​ແລ້ວ​ຢ່າງ​ເປັນ​ທາງ​ການ “ຢ່າງ​ໜ້ອຍ 245 ຄົນ” ຈາກ​ຈຳນວນ​ຜູ້​ປ່ວຍ “ປະມານ 500 ຄົນ” ​ໂດຍ​ການ​ແຜ່​ລະບາດ​ຂອງ​ເຊື້ອພະຍາດ​ດັ່ງກ່າວ​ເປັນຄັ້ງທຳ​ອິດ​ຂອງ​ປີ​ນີ້​ເກີດ​ຂຶ້ນ​ໃນ​ເດືອນ​ພຶດສະພາ​ຜ່ານ​ມາ ​ແລະ ​ເປັນ​ທ່າ​ອ່ຽງຂອງ​ການ​ແຜ່​ລະບາດ​ໃນ​ລະດັບ​ຮຸນ​ແຮງ​ທີ່​ສຸດ​ນັບ​ແຕ່​ປີ 1976 ​ເຊິ່ງ​ເປັນ​ປີ​ທີ່​ມີ​ການຄົ້ນພົບ​ເຊື້ອ​ໄວຣັສອີ​ໂບລາ​ເປັນຄັ້ງທຳ​ອິດ​ໃນ​ໂລກ​ຢູ່​ກົງ​ໂກ ມີ​ລາຍ​ງານ​ຜູ້​ເສຍ​ຊີວິດ​ຢ່າງ​ເປັນ​ທາງ​ການ 280 ຄົນ.

​ເຖິງ​ຢ່າງ​ໃດ​ກໍ​ຕາມ, ນອກຈາກ​ເຊື້ອ​ໄວຣັສອີ​ໂບລາ​ແລ້ວ ກົງ​ໂກ​ກຳລັງ​ຜະ​ເຊີນ​ສະຖານະ​ການ​ການ​ແຜ່​ລະບາດ​ຂອງ​ເຊື້ອ​ໄວຣັສມາລາ​ເລຍ​ທີ່​ມີ​ຍຸງ​ເປັນ​ພາຫະ. ຂໍ້​ມູນ​ຈາກ WHO ​ເປີ​ດ​ເຜີຍ​ວ່າ: ສະຖານະ​ການ​ຂອງ​ພະຍາດ​ມາ​ລາ​ເລຍ​ຢູ່​ກົງ​ໂກ​ໃນຕອນ​ນີ້​ຮ້າຍ​ແຮງ​ເປັນ​ຮອງ​ພຽງ​ນີ​ເຊຣີ​ເທົ່າ​ນັ້ນ ​ເຊິ່ງລາຍ​ງານ​ບໍ່​ເປັນ​ທາງ​ການ​ພົບ​ຈຳນວນ​ຜູ້​ປ່ວຍ​ຈາກ​ພະຍາດ​ມາລາ​ເລຍ​ຫລາຍ​ກວ່າ 2.000 ຄົນ​ຕໍ່​ອາທິດ ນັບ​ແຕ່​ເດືອນ​ສິງຫາ​ຜ່ານ​ມາ ​ໂດຍ​ອາສາ​ສະໝັກ​ຂອງ WHO ຢູ່​ລະຫວ່າງ​ເລັ່ງ​ແຈກ​ຢາຍ​ມຸ້ງ, ຢາ​ກັນ​ຍຸງ ​ແລະ ການ​ສັກ​ວັກ​ແຊງ​ປ້ອງ​ກັນ​ພະຍາດ​ໃຫ້​ປະຊາຊົນ​ໃນ​ພື້ນທີ່​ສ່ຽງ​ປະມານ 450.000 ຄົນ.

ກົງໂກພົບພະຍາດລະບາດ ທັງອີໂບລາ-ມາລາເລຍ - Wave100S AD to Website 2020 0 - ກົງໂກພົບພະຍາດລະບາດ ທັງອີໂບລາ-ມາລາເລຍ
ກົງໂກພົບພະຍາດລະບາດ ທັງອີໂບລາ-ມາລາເລຍ - WhatsApp Image 2020 05 27 at 5 - ກົງໂກພົບພະຍາດລະບາດ ທັງອີໂບລາ-ມາລາເລຍ
ກົງໂກພົບພະຍາດລະບາດ ທັງອີໂບລາ-ມາລາເລຍ - WhatsApp Image 2020 05 27 at 5 - ກົງໂກພົບພະຍາດລະບາດ ທັງອີໂບລາ-ມາລາເລຍ
error: Alert: ເນື້ອຫາຂ່າວມີລິຂະສິດ !!