ຈີນ-ສ.ເກົາຫລີ ຜະເຊີນວິກິດປະຊາກອນເກີດໃໝ່

ຈີນ-ສ.ເກົາຫລີ ຜະເຊີນວິກິດປະຊາກອນເກີດໃໝ່ - advert banner 728 90 728x90 - ຈີນ-ສ.ເກົາຫລີ ຜະເຊີນວິກິດປະຊາກອນເກີດໃໝ່

     ວິນ ອິນ​ຟໍ​ເມ​ຊັນ ບໍລິສັດ​ໃຫ້​ບໍລິການ​ຂໍ້​ມູນ​ທາງ​ການ​ເງິນ​ຂອງ​ຈີນ ລາຍ​ງານ​ວ່າ: ຊາວ​ຈີນ​ໃຫ້​​ເກີດ​ລູກ​ຈຳນວນ 15,23 ລ້ານ​ຄົນ​ໃນ​ປີຜ່ານມາ ​ເຊິ່ງ​ເປັນ​ລະດັບ​ຕໍ່າ​ສຸດ​ນັບ​ແຕ່​ປີ 1961 ​ເຊິ່ງ​ໃນ​ປີ​ດັ່ງກ່າວ ມີ​ເດັກ​ເກີດ​ຈຳນວນ 11,87 ລ້ານ​ຄົນ. ອີກ​ທັງ​ອັດຕາ​ການ​ເກີດ​ໃນ​ປີຜ່ານມາ​ຕໍ່າ​ກວ່າ​ປີ 2017 ປະມານ 11,6%.

       ຂະນະ​ດຽວ​ກັນ, ຈີນ​ມີ​ຈຳນວນ​ປະຊາກອນ 1.395 ພັນ​ລ້ານ​ຄົນ​ໃນ​ປີຜ່ານມາ ຫລາຍ​ກວ່າ​ປີ 2017 ປະມານ 3,81%. ລັດຖະບານ​ຈີນ​ຄາດ​ຄະ​ເນ​ວ່າ: ຈຳນວນ​ປະຊາກອນ​ຈະ​ບັນລຸ​ລະດັບ​ສູງ​ສຸດ 1.442 ພັນ​ລ້ານ​ຄົນ ​ໃນ​ປີ 2029 ກ່ອນ​ຈະ​ຫລຸດ​ລົງ​ຫລັງ​ຈາກ​ນັ້ນ.

      ສ່ວນ​ລັດຖະບານ ສ.​ເກົາຫລີ ປະສົບ​ບັນຫາ​ໃນ​ການ​ກູ້​ວິ​ກິດ​ປະຊາກອນ​ໃນ​ປະ​ເທດ​ເຊັ່ນ​ກັນ ​ໂດຍ​ປັດຈຸບັນ ສ.​ເກົາຫລີ ກາຍ​ເປັນ​ໜຶ່ງ​ໃນ​ປະ​ເທດ​ທີ່​ມີ​ອັດຕາ​ການ​ເກີດ​ຕໍ່າ​ສຸດ​ໃນ​ໂລກ.

      ຂໍ້​ມູນ​ຫລ້າ​ສຸດ​ຂອງ​ລັດຖະບານ ສ.​ເກົາຫລີ ລະບຸ​ວ່າ: ຖື​ເປັນ​ເທື່ອ​ທຳ​ອິດ​ທີ່​ອັດຕາ​ການ​ເກີດ​ຂອງ​ປະຊາກອນ​ຢູ່​ທີ່ 0,95 ​ເຊິ່ງ​ເປັນ​ລະດັບ​ຕໍ່າ​ກວ່າ 1 ໜ້ອຍ​ກວ່າ​ເປົ້າໝາຍ​ທີ 2,1 ກວ່າ​ຄື ຜູ້ຍິງ 1 ຄົນ ຈະ​ຕ້ອງ​ເກີດ​ລູກ​ຢ່າງ​ໜ້ອຍ 2 ຄົນ ​ແລະ ​ເປັນ​ທິດ​ທາງ​ຂາ​ລົງ​ມາ​ແຕ່​ປີ 2001.

ຈີນ-ສ.ເກົາຫລີ ຜະເຊີນວິກິດປະຊາກອນເກີດໃໝ່ - Tiger Head 728x90 - ຈີນ-ສ.ເກົາຫລີ ຜະເຊີນວິກິດປະຊາກອນເກີດໃໝ່
ຈີນ-ສ.ເກົາຫລີ ຜະເຊີນວິກິດປະຊາກອນເກີດໃໝ່ - 1 1 - ຈີນ-ສ.ເກົາຫລີ ຜະເຊີນວິກິດປະຊາກອນເກີດໃໝ່

       ປັດ​ໄຈ​ສຳຄັນ​ຂອງ​ອັດຕາ​ການ​​ເກີດ​ລູກ​ທີ່​ຕໍ່າລົງ​ຢູ່ ສ.​ເກົາຫລີ ປະ​ເທດ​ທີ່​ມີ​ເສດຖະກິດ​ຂະໜາດ​ໃຫຍ່​ສຸດ​ເປັນອັນ​ດັບ 4 ​ໃນ​ອາຊີ ​ໄດ້​ແກ່​ຕົ້ນທຶນ​ໃນ​ການ​ລ້ຽງ​ລູກ​ທີ່​ສູງ, ປະລິມານ ​ແລະ ຄຸນ​ນະພາ​ບຂອງ​ສະຖານ​ຮັບ​ລ້ຽງ​ເດັກ​ຈຳກັດ ​ແລະ ຈຳນວນ​ຊົ່ວ​ໂມງ​ການ​ເຮັດ​ວຽກ​ທີ່​ຍາວ​ນານ​ຢູ່ ສ.​ເກົາຫລີ.

       ຜ່ານ​ມາ ລັດຖະບານ ສ.​ເກົາຫລີ ທຸ້ມງົບປະມານ 121.000 ລ້ານ​ໂດ​ລາ ​ໃນ​ໄລຍະ 13 ປີຜ່ານມາ ​ເພື່ອ​ຫວັງ​ເພີ່ມ​ອັດຕາ​ການ​ເກີດ​ໃນ​ປະ​ເທດ​ໃຫ້​ເພີ່ມ​ຂຶ້ນຕາມ​ເປົ້າ ​ແຕ່​ບໍ່​ປະສົບ​ຜົນສຳ​ເລັດ.

error: Content is protected !!